<p>‘ನಮ್ಮ ಫ್ರಿಜ್ ಇಎಂಐ ಅಂತೂ ಮುಗೀತಾ ಬಂತು ರೀ, ಮೆಸೇಜ್ ಬಂದಿದೆ ನೋಡಿ’ ಮಡದಿ ಮೊಬೈಲ್ ಮುಂದೆ ಹಿಡಿದಳು- ಮೊದಲ ಲಿಸ್ಟಲ್ಲೇ ಟಿಕೆಟ್ ಸಿಕ್ಕ ಆಕಾಂಕ್ಷಿಯಷ್ಟು ಖುಷಿಯಾಗಿ. ‘ಈ ಇಎಂಐ ಕಡೆ ಸ್ವಲ್ಪ ಗಮನ ಹರಿಸ್ತೀಯಾ. ಮ್ಯಾಂಗೋ ಇಎಂಐ ಅಂತ ಹೊಸ ಸ್ಕೀಮ್ ಬಂದಿದೆ!’</p>.<p>‘ತಮಾಷೆಗೂ ಒಂದು ಮಿತಿ ಇರ್ಲಿ, 52 ಹೊಸ ಮುಖಗಳಿಗೆ ಟಿಕೆಟ್ ಕೊಟ್ಟು ಬಿಜೆಪಿ ಅಚ್ಚರಿ ಮೂಡಿಸಿರಬಹುದು, ಆದರೆ ಮ್ಯಾಂಗೊ ಖರೀದಿಗೆ ಇಎಂಐ ಅಂದ್ರೆ ನಾನು ನಂಬಲ್ಲ’.</p>.<p>‘ಏನ್ಮಾಡತಾರೆ ಹೇಳು? ಮಾವಿನ ಹಣ್ಣಿನ ಬೆಲೆ ಗಗನಕ್ಕೇರಿದೆ. ಇನ್ನೂರು, ಮುನ್ನೂರು ರೂಪಾಯಿ ಇದ್ದ ಮಾವು ಐನೂರು, ಸಾವಿರಕ್ಕೇರಿದರೆ ಬೇವಿಗಿಂತಲೂ ಮಾವು ಕಹಿ ಅನಿಸಲ್ವೇ?! ಅದಕ್ಕೇ ಕಂತುಗಳಲ್ಲಿ ಮಾವು ನೀಡಿ ಬಡವರು, ಮಧ್ಯಮ ವರ್ಗದವರು, ನೌಕರದಾರರು ಮಾವಿನ ರುಚಿ ನೋಡಲಿ ಅಂತ...’</p>.<p>‘ಫ್ರಿಜ್ಗೇನೋ ಸರಿ, ಫ್ರಿಜ್ನಲ್ಲಿ ಇಡೋ ವಸ್ತುಗಳಿಗೂ ಇಎಂಐನಾ?!</p>.<p>‘ಆ... ಇಎಂಐ... ಈಕ್ವೇಟೆಡ್ ಮಂತ್ಲಿ ಇನ್ಸ್ಟಾಲ್ಮೆಂಟ್’. ಆದರೆ, ಇದು ಈಟ್ ಮ್ಯಾಂಗೊ ಇನ್ಸ್ಟಾಲ್ಮೆಂಟಲಿ ಅಂತ!</p>.<p>‘ಹೋ, ಇದು ನಿಮ್ಮ ವ್ಯಾಖ್ಯಾನವೋ’ ಮಡದಿ ಕುಟುಕಿದಳು. ‘ಅಲ್ಲಾರೀ ಯಾಕೋ ಚುನಾವಣಾ ಆಕಾಂಕ್ಷಿಗಳು, ಅಭ್ಯರ್ಥಿಗಳು ಕುಕ್ಕರ್, ಮೊಬೈಲ್ಗಳ ಜೊತೆ ಮ್ಯಾಂಗೊ ಆಮಿಷಾನೂ ಒಡ್ಡಿಲ್ಲವಲ್ಲ?’</p>.<p>‘ಒಡ್ಡಬಹುದು, ಮಾವು ಎಷ್ಟೇ ಅಂದರೂ ಹಣ್ಣುಗಳ ‘ರಾಜ’ ಅಲ್ವಾ? ರಾಜಕಾರಣದವರು ರಾಜಕೀಯಕ್ಕೂ ಎಳೆದು ತರಬಹುದು’.</p>.<p>‘ಕುಕ್ಕರ್ ಹಂಚಿ, ಅದು ಬ್ಲಾಸ್ಟ್ ಆಗಿ ಪುಣ್ಯಕ್ಕೆ ಯಾವ ಹೆಣಾ ಬೀಳದೆ ಬಚಾವಾದರಂತಲ್ಲ, ಪೇಪರ್ನಲ್ಲಿ ಬಂದಿತ್ತು. ಹಾಗೇ... ಸಾವಿರ ರೂಪಾಯಿಯ ಹಣ್ಣಿಗೆ ಎರಡು ಸಾವಿರದ ಸ್ಟಿಕ್ಕರ್ ಅಂಟಿಸಿ, ಹಂಚಿ ಮತ ಕೇಳಬಹುದು’.</p>.<p>‘ನೀತಿ ಸಂಹಿತೆ ಜಾರಿ ಆದರೂ ಅನೀತಿ ವ್ಯವಹಾರ ಅನಿಯಮಿತವಾಗಿ ನಡೆದೇ ಇದೆ. ಅದಿರಲಿ, ನಮ್ಮ ಮುದ್ದಿನ ಮಾವಿನ ಹಣ್ಣು ಹೀಗೆ ಮರದಿಂದ ಆಕಾಶಕ್ಕೆ ನೆಗೀಬಾರದಾಗಿತ್ತು’.</p>.<p>‘ನಿಧಾನಕ್ಕೆ ಹೇಳಿ, ಫ್ರಿಜ್ಜಲ್ಲಿಡೋ ಕೊತ್ತಂಬರಿ ಸೊಪ್ಪೂ ಕೇಳಿಸ್ಕೊಂಡುಬಿಟ್ಟೀತು’!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ನಮ್ಮ ಫ್ರಿಜ್ ಇಎಂಐ ಅಂತೂ ಮುಗೀತಾ ಬಂತು ರೀ, ಮೆಸೇಜ್ ಬಂದಿದೆ ನೋಡಿ’ ಮಡದಿ ಮೊಬೈಲ್ ಮುಂದೆ ಹಿಡಿದಳು- ಮೊದಲ ಲಿಸ್ಟಲ್ಲೇ ಟಿಕೆಟ್ ಸಿಕ್ಕ ಆಕಾಂಕ್ಷಿಯಷ್ಟು ಖುಷಿಯಾಗಿ. ‘ಈ ಇಎಂಐ ಕಡೆ ಸ್ವಲ್ಪ ಗಮನ ಹರಿಸ್ತೀಯಾ. ಮ್ಯಾಂಗೋ ಇಎಂಐ ಅಂತ ಹೊಸ ಸ್ಕೀಮ್ ಬಂದಿದೆ!’</p>.<p>‘ತಮಾಷೆಗೂ ಒಂದು ಮಿತಿ ಇರ್ಲಿ, 52 ಹೊಸ ಮುಖಗಳಿಗೆ ಟಿಕೆಟ್ ಕೊಟ್ಟು ಬಿಜೆಪಿ ಅಚ್ಚರಿ ಮೂಡಿಸಿರಬಹುದು, ಆದರೆ ಮ್ಯಾಂಗೊ ಖರೀದಿಗೆ ಇಎಂಐ ಅಂದ್ರೆ ನಾನು ನಂಬಲ್ಲ’.</p>.<p>‘ಏನ್ಮಾಡತಾರೆ ಹೇಳು? ಮಾವಿನ ಹಣ್ಣಿನ ಬೆಲೆ ಗಗನಕ್ಕೇರಿದೆ. ಇನ್ನೂರು, ಮುನ್ನೂರು ರೂಪಾಯಿ ಇದ್ದ ಮಾವು ಐನೂರು, ಸಾವಿರಕ್ಕೇರಿದರೆ ಬೇವಿಗಿಂತಲೂ ಮಾವು ಕಹಿ ಅನಿಸಲ್ವೇ?! ಅದಕ್ಕೇ ಕಂತುಗಳಲ್ಲಿ ಮಾವು ನೀಡಿ ಬಡವರು, ಮಧ್ಯಮ ವರ್ಗದವರು, ನೌಕರದಾರರು ಮಾವಿನ ರುಚಿ ನೋಡಲಿ ಅಂತ...’</p>.<p>‘ಫ್ರಿಜ್ಗೇನೋ ಸರಿ, ಫ್ರಿಜ್ನಲ್ಲಿ ಇಡೋ ವಸ್ತುಗಳಿಗೂ ಇಎಂಐನಾ?!</p>.<p>‘ಆ... ಇಎಂಐ... ಈಕ್ವೇಟೆಡ್ ಮಂತ್ಲಿ ಇನ್ಸ್ಟಾಲ್ಮೆಂಟ್’. ಆದರೆ, ಇದು ಈಟ್ ಮ್ಯಾಂಗೊ ಇನ್ಸ್ಟಾಲ್ಮೆಂಟಲಿ ಅಂತ!</p>.<p>‘ಹೋ, ಇದು ನಿಮ್ಮ ವ್ಯಾಖ್ಯಾನವೋ’ ಮಡದಿ ಕುಟುಕಿದಳು. ‘ಅಲ್ಲಾರೀ ಯಾಕೋ ಚುನಾವಣಾ ಆಕಾಂಕ್ಷಿಗಳು, ಅಭ್ಯರ್ಥಿಗಳು ಕುಕ್ಕರ್, ಮೊಬೈಲ್ಗಳ ಜೊತೆ ಮ್ಯಾಂಗೊ ಆಮಿಷಾನೂ ಒಡ್ಡಿಲ್ಲವಲ್ಲ?’</p>.<p>‘ಒಡ್ಡಬಹುದು, ಮಾವು ಎಷ್ಟೇ ಅಂದರೂ ಹಣ್ಣುಗಳ ‘ರಾಜ’ ಅಲ್ವಾ? ರಾಜಕಾರಣದವರು ರಾಜಕೀಯಕ್ಕೂ ಎಳೆದು ತರಬಹುದು’.</p>.<p>‘ಕುಕ್ಕರ್ ಹಂಚಿ, ಅದು ಬ್ಲಾಸ್ಟ್ ಆಗಿ ಪುಣ್ಯಕ್ಕೆ ಯಾವ ಹೆಣಾ ಬೀಳದೆ ಬಚಾವಾದರಂತಲ್ಲ, ಪೇಪರ್ನಲ್ಲಿ ಬಂದಿತ್ತು. ಹಾಗೇ... ಸಾವಿರ ರೂಪಾಯಿಯ ಹಣ್ಣಿಗೆ ಎರಡು ಸಾವಿರದ ಸ್ಟಿಕ್ಕರ್ ಅಂಟಿಸಿ, ಹಂಚಿ ಮತ ಕೇಳಬಹುದು’.</p>.<p>‘ನೀತಿ ಸಂಹಿತೆ ಜಾರಿ ಆದರೂ ಅನೀತಿ ವ್ಯವಹಾರ ಅನಿಯಮಿತವಾಗಿ ನಡೆದೇ ಇದೆ. ಅದಿರಲಿ, ನಮ್ಮ ಮುದ್ದಿನ ಮಾವಿನ ಹಣ್ಣು ಹೀಗೆ ಮರದಿಂದ ಆಕಾಶಕ್ಕೆ ನೆಗೀಬಾರದಾಗಿತ್ತು’.</p>.<p>‘ನಿಧಾನಕ್ಕೆ ಹೇಳಿ, ಫ್ರಿಜ್ಜಲ್ಲಿಡೋ ಕೊತ್ತಂಬರಿ ಸೊಪ್ಪೂ ಕೇಳಿಸ್ಕೊಂಡುಬಿಟ್ಟೀತು’!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
