<p>‘ಸಾ ಆರ್ಸಿಬಿ ಅವಘಡ, ಬಿಆರ್ಪಿ ಸತ್ಯವಾಕ್ಕಿನ ಹಂಗಾಮ ಆದಮ್ಯಾಲೆ ಸಿಎಂ- ಡಿಸಿಎಂಗೆ ಸನಿಕಾಟ ಸುರುವಾದಂಗದಲ್ಲಾ?’ ತುರೇಮಣೆಗೆ ಕೇಳಿದೆ.</p>.<p>‘ಹಂಗೇನಿಲ್ಲ ಕಲಾ... ಪತಿವ್ರತೆಯರಿಗೆ ಕಷ್ಟಗಳು ಬಂದೇ ಬತ್ತವೆ. ಈಗ ಬಿಜೆಪಿಯೋರು ಶಸ್ತ್ರ ತ್ಯಾಗ ಮಾಡಿ ಕುಂತಿರದು ಕೆಲವರಿಗೆ ಅನುಕೂಲಾಗ್ಯದೆ. ದೇವರು ಪರೀಕ್ಸೆ ಕೊಡ್ತನೆ. ಸಮಾಜಾನ, ತಾಳ್ಮೆಯಿಂದ ಗೆದ್ದು ಬರಬಕು’ ತುರೇಮಣೆ ಉತ್ತರಿಸಿದರು.</p>.<p>‘ಎಲ್ಲಿ ಸಮಾಜಾನ ಸಾ. ಇವರಿಬ್ಬರೂ ಏಟೊತ್ತಿಗೆ ಇಳಿದು ಮನೆಗೆ ಹೋದಾರೋ. ನಾವೇಟು ಹೊತ್ತಿಗೆ ಚೇರಿಗೆ ಅಮರಿಕ್ಯಂದೇವೋ ಅಂತ ಲಾಟುಗಟ್ಟಲೇ ಜನ ಬಾಯಿಗೆ ಲಕ್ಕಿಕಾಳು ಹಾಕ್ಕ್ಯಂದು ಕೂತವ್ರೆ’ ಅಂತಂದೆ.</p>.<p>‘ಅದೀಯೆ. ಮನ್ನೆ ಹುಟ್ದಬ್ಬ ಮಾಡಿಕ್ಯಂದು ಕಾಲೇಜು ಹುಡ್ಲಾದಂಗೆ ಕಾಣ್ತಾವ್ರೆ ಅಣ್ಣಾರು. ಸಾವ್ಕರ್ರು ಹೊಸಬಟ್ಟೆ ಇಕ್ಕ್ಯಂದು ರೆಡಿಯಾತಾವ್ರಂತೆ. ಇಕ್ಕಡೆ ಪರಮಣ್ಣಗೆ, ಮುನಿಯಣ್ಣಂಗೆ, ಎಂ.ಬಿ. ಪಾಟಿಲಣ್ಣಗೆ ಕುರ್ಚಿ ಜ್ವರ ಬಂದು ಹೋಯ್ತಾ ಅದಂತೆ. ಮುಂದೆಂಗೆ? ಶಾಣಕ್ಯರು ಬ್ಯಾರೆ ಬಂದೋಗ್ಯವರೆ’ ಯಂಟಪ್ಪಣ್ಣ ಕುಟುಕಿತು.</p>.<p>‘ನೋಡಿರ್ಲಾ ಸಿಎಂ, ಮಂತ್ರಿ, ನಿಗಮ- ಮಂಡಳಿ ಸ್ಥಾನಕ್ಕೆ ಕುರಿ ಯಾಪಾರದ ಥರ ಅದರದ್ದೇ ಆದ ರೇಟಿರತದೆ. ಯಾವೋನು ಏಟು ಬೆಳ್ಳು ಹಿಡೀತನೋ ಅವನಿಗೇ ಸೀಟು’ ತುರೇಮಣೆ ಸುದ್ದಿ ಸಿಡಿಸಿದರು.</p>.<p>‘ಹಸುಮಗೀಗೆ ಹೇಳ್ದಂಗೆ ಹೇಳ್ತಿದ್ದೀರಲ್ಲ ಸಾ. ದೇಸಾದ ದೇಸಕೆ ಗೊತ್ತದೆ ಇದು. ಕಮಲದೋರೆ ಅಂದಿರಲಿಲ್ಲವಾ ಸಿಎಂ ಚೇರಿಗೆ ಏಡೂವರೆ ಸಾವಿರ ಕೋಟಿ ರೇಟದೆ ಅಂತವಾ’ ನಾನು ಹೇಳಿದೆ.</p>.<p>‘ಅದುನ್ನೇ ಕಲಾ ಚೇರು ಬಂಡವಾಳ ಅನ್ನದು. ಹೈಕಮಾಂಡಿನ ಇಎಂಐ, ಕೆವೈಸಿ ತಿಳುಕಂದಿರಬಕು. ಚೇರು ಬಂಡವಾಳದ ವ್ಯಾಕರಣ ತಿಳಿದೋರು ಬ್ಯಾರೇರಿಂದ ದುಡ್ಡಿಕ್ಸಿ ಚೇರು ತಕ್ಕತರೆ. ಆ ಮೇಲೆ ಅದೇ ದುಡಿಯುವ ಬಂಡವಾಳಾತದೆ’ ತುರೇಮಣೆ ಚೇರು ಭಾರತದ ದುಷ್ಟರೂಪ ದರ್ಶನ ಮಾಡಿಸಿದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಸಾ ಆರ್ಸಿಬಿ ಅವಘಡ, ಬಿಆರ್ಪಿ ಸತ್ಯವಾಕ್ಕಿನ ಹಂಗಾಮ ಆದಮ್ಯಾಲೆ ಸಿಎಂ- ಡಿಸಿಎಂಗೆ ಸನಿಕಾಟ ಸುರುವಾದಂಗದಲ್ಲಾ?’ ತುರೇಮಣೆಗೆ ಕೇಳಿದೆ.</p>.<p>‘ಹಂಗೇನಿಲ್ಲ ಕಲಾ... ಪತಿವ್ರತೆಯರಿಗೆ ಕಷ್ಟಗಳು ಬಂದೇ ಬತ್ತವೆ. ಈಗ ಬಿಜೆಪಿಯೋರು ಶಸ್ತ್ರ ತ್ಯಾಗ ಮಾಡಿ ಕುಂತಿರದು ಕೆಲವರಿಗೆ ಅನುಕೂಲಾಗ್ಯದೆ. ದೇವರು ಪರೀಕ್ಸೆ ಕೊಡ್ತನೆ. ಸಮಾಜಾನ, ತಾಳ್ಮೆಯಿಂದ ಗೆದ್ದು ಬರಬಕು’ ತುರೇಮಣೆ ಉತ್ತರಿಸಿದರು.</p>.<p>‘ಎಲ್ಲಿ ಸಮಾಜಾನ ಸಾ. ಇವರಿಬ್ಬರೂ ಏಟೊತ್ತಿಗೆ ಇಳಿದು ಮನೆಗೆ ಹೋದಾರೋ. ನಾವೇಟು ಹೊತ್ತಿಗೆ ಚೇರಿಗೆ ಅಮರಿಕ್ಯಂದೇವೋ ಅಂತ ಲಾಟುಗಟ್ಟಲೇ ಜನ ಬಾಯಿಗೆ ಲಕ್ಕಿಕಾಳು ಹಾಕ್ಕ್ಯಂದು ಕೂತವ್ರೆ’ ಅಂತಂದೆ.</p>.<p>‘ಅದೀಯೆ. ಮನ್ನೆ ಹುಟ್ದಬ್ಬ ಮಾಡಿಕ್ಯಂದು ಕಾಲೇಜು ಹುಡ್ಲಾದಂಗೆ ಕಾಣ್ತಾವ್ರೆ ಅಣ್ಣಾರು. ಸಾವ್ಕರ್ರು ಹೊಸಬಟ್ಟೆ ಇಕ್ಕ್ಯಂದು ರೆಡಿಯಾತಾವ್ರಂತೆ. ಇಕ್ಕಡೆ ಪರಮಣ್ಣಗೆ, ಮುನಿಯಣ್ಣಂಗೆ, ಎಂ.ಬಿ. ಪಾಟಿಲಣ್ಣಗೆ ಕುರ್ಚಿ ಜ್ವರ ಬಂದು ಹೋಯ್ತಾ ಅದಂತೆ. ಮುಂದೆಂಗೆ? ಶಾಣಕ್ಯರು ಬ್ಯಾರೆ ಬಂದೋಗ್ಯವರೆ’ ಯಂಟಪ್ಪಣ್ಣ ಕುಟುಕಿತು.</p>.<p>‘ನೋಡಿರ್ಲಾ ಸಿಎಂ, ಮಂತ್ರಿ, ನಿಗಮ- ಮಂಡಳಿ ಸ್ಥಾನಕ್ಕೆ ಕುರಿ ಯಾಪಾರದ ಥರ ಅದರದ್ದೇ ಆದ ರೇಟಿರತದೆ. ಯಾವೋನು ಏಟು ಬೆಳ್ಳು ಹಿಡೀತನೋ ಅವನಿಗೇ ಸೀಟು’ ತುರೇಮಣೆ ಸುದ್ದಿ ಸಿಡಿಸಿದರು.</p>.<p>‘ಹಸುಮಗೀಗೆ ಹೇಳ್ದಂಗೆ ಹೇಳ್ತಿದ್ದೀರಲ್ಲ ಸಾ. ದೇಸಾದ ದೇಸಕೆ ಗೊತ್ತದೆ ಇದು. ಕಮಲದೋರೆ ಅಂದಿರಲಿಲ್ಲವಾ ಸಿಎಂ ಚೇರಿಗೆ ಏಡೂವರೆ ಸಾವಿರ ಕೋಟಿ ರೇಟದೆ ಅಂತವಾ’ ನಾನು ಹೇಳಿದೆ.</p>.<p>‘ಅದುನ್ನೇ ಕಲಾ ಚೇರು ಬಂಡವಾಳ ಅನ್ನದು. ಹೈಕಮಾಂಡಿನ ಇಎಂಐ, ಕೆವೈಸಿ ತಿಳುಕಂದಿರಬಕು. ಚೇರು ಬಂಡವಾಳದ ವ್ಯಾಕರಣ ತಿಳಿದೋರು ಬ್ಯಾರೇರಿಂದ ದುಡ್ಡಿಕ್ಸಿ ಚೇರು ತಕ್ಕತರೆ. ಆ ಮೇಲೆ ಅದೇ ದುಡಿಯುವ ಬಂಡವಾಳಾತದೆ’ ತುರೇಮಣೆ ಚೇರು ಭಾರತದ ದುಷ್ಟರೂಪ ದರ್ಶನ ಮಾಡಿಸಿದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
