<p>‘ಯಾರೋ ನನ್ಮೇಲೆ ಗೂಢಚಾರಿಕೆ ಮಾಡ್ತಾ ಅದಾರೆ ಅನ್ಸುತ್ತಪ್ಪ...’ ಗುಡ್ಡೆ ಅನುಮಾನದಿಂದ ಗಡ್ಡ ಕೆರ್ಕಂಡಾಗ ತೆಪರೇಸಿಗೆ ನಗು ಬಂತು. ‘ಲೇಯ್, ನೀನ್ಯಾವ ಪೋತ್ಲಾಂಡಿ ಅಂತ ನಿನ್ಮೇಲೆ ಗೂಢಚಾರಿಕೆ ಮಾಡ್ತಾರಲೆ, ಗಾಂಜಾ ಗೀಂಜಾ ಸೇದ್ತೀ ಏನು?’</p>.<p>‘ಹುಷಾರು ಕಣಲೆ, ಡ್ರಗ್ಸ್ ಕೇಸು ಅಂದ್ರೆ ಮುಗೀತು, ಪೊಲೀಸ್ರು ಬೆನ್ಹತ್ತಿಬಿಡ್ತಾರೆ’ ದುಬ್ಬೀರ ಹೆದರಿಸಿದ.</p>.<p>‘ಗಾಂಜಾನ ಸಾಧು- ಸನ್ಯಾಸಿಗಳೆಲ್ಲ ಸೇದ್ತಾರಪ. ಅಂದ್ರೆ ಅವರ್ನೂ ಒಳಗಾಕಿಬಿಡ್ತಾರಾ?’ ಗುಡ್ಡೆ ವಾದಿಸಿದ.</p>.<p>‘ನಂಗೇನೋ ನಿನ್ಮೇಲೆ ಚೀನಾದೋರು ಗೂಢಚಾರಿಕೆ ಮಾಡ್ತಿರಬೇಕು ಅನ್ಸುತ್ತಪ್ಪ...’ ಪರ್ಮೇಶಿ ವ್ಯಂಗ್ಯವಾಗಿ ರಾಗ ಎಳೆದ.</p>.<p>‘ಮಾಡ್ಕಳ್ಳಿ ಬಿಡಲೆ, ಅವರು ನಮ್ಮ ಸಿದ್ದಣ್ಣನ ಮೇಲೆ, ದೊಡ್ಡಗೌಡ್ರ ಮೇಲೆಲ್ಲ ಗೂಢಚಾರಿಕಿ ಮಾಡ್ತದಾರೆ ಅಂತ ಪೇಪರ್ನಲ್ಲಿ ಬಂದಿತ್ತು. ಏನ್ ಸಿಕ್ತು ಅವರಿಗೆ?’</p>.<p>‘ಸಿಗಾಕೆ ಅವರತ್ರ ಏನೈತಿ ಬಿಡಲೆ, ಕೊಡವಿದ್ರೆ ಪಂಚೆ, ಎದ್ರೆ ಹೆಗಲ ಮೇಲೆ ಟವೆಲ್ಲು...’ ತೆಪರೇಸಿ ನಕ್ಕ.</p>.<p>‘ಚೀನಾದೋರು ಸಿದ್ದಣ್ಣ ಮತ್ತೆ ದೊಡ್ಡಗೌಡ್ರ ಮೇಲೆ ಗೂಢಚಾರಿಕೆ ಮಾಡ್ತಿದ್ರಲ್ಲ, ಯಾಕೋ ಹೆದರಿ ನಡುಗೋದ್ರಂತೆ...’ ಗುಡ್ಡೆ ಹೊಸ ಕತೆ ಹೊಸೆದ.</p>.<p>‘ಹೌದಾ? ಯಾಕಂತೆ?’ ದುಬ್ಬೀರನಿಗೆ ಕುತೂಹಲ.</p>.<p>‘ಇಬ್ರೂ ಯಾರನ್ನ ಭೇಟಿಯಾಗ್ತಾರೆ, ಏನು ಊಟ ಮಾಡ್ತಾರೆ ಎಲ್ಲ ಇಂಚಿಂಚು ಮಾಹಿತಿ ಚೀನಾಕ್ಕೆ ಹೋಗ್ತಿತ್ತಂತೆ. ಈ ಇಬ್ಬರ ತಂಟೆಗೆ ಹೋಗೋದು ಬ್ಯಾಡ ಅಂತ ಗೂಢಚಾರರು ಚೀನಾಕ್ಕೆ ಇನ್ಫರ್ಮೇಶನ್ ಕೊಟ್ಟಿದ್ರಂತೆ...’</p>.<p>‘ಹೌದಾ? ಯಾಕಂತೆ?’ ಗುಡ್ಡೆ ಏನೋ ಬುರುಡೆ ಬಿಡ್ತಾ ಅದಾನೆ ಅಂತ ತೆಪರೇಸಿಗೆ ಗೊತ್ತಾಯಿತು.</p>.<p>‘ಸಿದ್ದಣ್ಣ ಮತ್ತೆ ದೊಡ್ಡಗೌಡ್ರು ದಿನಾ ದಪ್ಪ ದಪ್ಪ ಕರಿ ಬಾಂಬ್ಗಳನ್ನ ನುಂಗ್ತಾರೆ. ಅವರ ತಂಟೆಗೆ ಹೋಗೋದ್ ಬ್ಯಾಡ, ಅಂದ್ರಂತೆ...’</p>.<p>‘ಕರಿಬಾಂಬಾ? ಅಂದ್ರೆ?’</p>.<p>‘ರಾಗಿಮುದ್ದೆ ಕಣಲೆ...!’ ಗುಡ್ಡೆ ಬುರುಡೆ ಮಾತಿಗೆ ಎಲ್ಲರೂ ಗೊಳ್ಳಂತ ನಕ್ಕರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಯಾರೋ ನನ್ಮೇಲೆ ಗೂಢಚಾರಿಕೆ ಮಾಡ್ತಾ ಅದಾರೆ ಅನ್ಸುತ್ತಪ್ಪ...’ ಗುಡ್ಡೆ ಅನುಮಾನದಿಂದ ಗಡ್ಡ ಕೆರ್ಕಂಡಾಗ ತೆಪರೇಸಿಗೆ ನಗು ಬಂತು. ‘ಲೇಯ್, ನೀನ್ಯಾವ ಪೋತ್ಲಾಂಡಿ ಅಂತ ನಿನ್ಮೇಲೆ ಗೂಢಚಾರಿಕೆ ಮಾಡ್ತಾರಲೆ, ಗಾಂಜಾ ಗೀಂಜಾ ಸೇದ್ತೀ ಏನು?’</p>.<p>‘ಹುಷಾರು ಕಣಲೆ, ಡ್ರಗ್ಸ್ ಕೇಸು ಅಂದ್ರೆ ಮುಗೀತು, ಪೊಲೀಸ್ರು ಬೆನ್ಹತ್ತಿಬಿಡ್ತಾರೆ’ ದುಬ್ಬೀರ ಹೆದರಿಸಿದ.</p>.<p>‘ಗಾಂಜಾನ ಸಾಧು- ಸನ್ಯಾಸಿಗಳೆಲ್ಲ ಸೇದ್ತಾರಪ. ಅಂದ್ರೆ ಅವರ್ನೂ ಒಳಗಾಕಿಬಿಡ್ತಾರಾ?’ ಗುಡ್ಡೆ ವಾದಿಸಿದ.</p>.<p>‘ನಂಗೇನೋ ನಿನ್ಮೇಲೆ ಚೀನಾದೋರು ಗೂಢಚಾರಿಕೆ ಮಾಡ್ತಿರಬೇಕು ಅನ್ಸುತ್ತಪ್ಪ...’ ಪರ್ಮೇಶಿ ವ್ಯಂಗ್ಯವಾಗಿ ರಾಗ ಎಳೆದ.</p>.<p>‘ಮಾಡ್ಕಳ್ಳಿ ಬಿಡಲೆ, ಅವರು ನಮ್ಮ ಸಿದ್ದಣ್ಣನ ಮೇಲೆ, ದೊಡ್ಡಗೌಡ್ರ ಮೇಲೆಲ್ಲ ಗೂಢಚಾರಿಕಿ ಮಾಡ್ತದಾರೆ ಅಂತ ಪೇಪರ್ನಲ್ಲಿ ಬಂದಿತ್ತು. ಏನ್ ಸಿಕ್ತು ಅವರಿಗೆ?’</p>.<p>‘ಸಿಗಾಕೆ ಅವರತ್ರ ಏನೈತಿ ಬಿಡಲೆ, ಕೊಡವಿದ್ರೆ ಪಂಚೆ, ಎದ್ರೆ ಹೆಗಲ ಮೇಲೆ ಟವೆಲ್ಲು...’ ತೆಪರೇಸಿ ನಕ್ಕ.</p>.<p>‘ಚೀನಾದೋರು ಸಿದ್ದಣ್ಣ ಮತ್ತೆ ದೊಡ್ಡಗೌಡ್ರ ಮೇಲೆ ಗೂಢಚಾರಿಕೆ ಮಾಡ್ತಿದ್ರಲ್ಲ, ಯಾಕೋ ಹೆದರಿ ನಡುಗೋದ್ರಂತೆ...’ ಗುಡ್ಡೆ ಹೊಸ ಕತೆ ಹೊಸೆದ.</p>.<p>‘ಹೌದಾ? ಯಾಕಂತೆ?’ ದುಬ್ಬೀರನಿಗೆ ಕುತೂಹಲ.</p>.<p>‘ಇಬ್ರೂ ಯಾರನ್ನ ಭೇಟಿಯಾಗ್ತಾರೆ, ಏನು ಊಟ ಮಾಡ್ತಾರೆ ಎಲ್ಲ ಇಂಚಿಂಚು ಮಾಹಿತಿ ಚೀನಾಕ್ಕೆ ಹೋಗ್ತಿತ್ತಂತೆ. ಈ ಇಬ್ಬರ ತಂಟೆಗೆ ಹೋಗೋದು ಬ್ಯಾಡ ಅಂತ ಗೂಢಚಾರರು ಚೀನಾಕ್ಕೆ ಇನ್ಫರ್ಮೇಶನ್ ಕೊಟ್ಟಿದ್ರಂತೆ...’</p>.<p>‘ಹೌದಾ? ಯಾಕಂತೆ?’ ಗುಡ್ಡೆ ಏನೋ ಬುರುಡೆ ಬಿಡ್ತಾ ಅದಾನೆ ಅಂತ ತೆಪರೇಸಿಗೆ ಗೊತ್ತಾಯಿತು.</p>.<p>‘ಸಿದ್ದಣ್ಣ ಮತ್ತೆ ದೊಡ್ಡಗೌಡ್ರು ದಿನಾ ದಪ್ಪ ದಪ್ಪ ಕರಿ ಬಾಂಬ್ಗಳನ್ನ ನುಂಗ್ತಾರೆ. ಅವರ ತಂಟೆಗೆ ಹೋಗೋದ್ ಬ್ಯಾಡ, ಅಂದ್ರಂತೆ...’</p>.<p>‘ಕರಿಬಾಂಬಾ? ಅಂದ್ರೆ?’</p>.<p>‘ರಾಗಿಮುದ್ದೆ ಕಣಲೆ...!’ ಗುಡ್ಡೆ ಬುರುಡೆ ಮಾತಿಗೆ ಎಲ್ಲರೂ ಗೊಳ್ಳಂತ ನಕ್ಕರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
