<p>‘ಎಣ್ಣೆ ರೇಟು ದುಬಾರಿಯಾಗಿದೆ...’ ಚಿತ್ರಾನ್ನದ ಒಗ್ಗರಣೆ ಸಿಡಿಸಿದಳು ಸುಮಿ.</p>.<p>‘ಹೌದು, ಎಣ್ಣೆ ಏಟಿಗೆ ಅಬಕಾರಿ ಆರಾಧಕರು ಭಿಕಾರಿಗಳಾಗ್ತಿದ್ದಾರೆ...’ ಅಂದ ಶಂಕ್ರಿ.</p>.<p>‘ನಾನು ಹೇಳಿದ್ದು ಅಡುಗೆ ಎಣ್ಣೆ ಬೆಲೆರೀ...’</p>.<p>‘ಎಣ್ಣೆಯಲ್ಲಿ ವಡೆ, ಬೋಂಡ ತೇಲಿಸಬೇಡ, ನಾವು ಮುಳುಗ್ತೀವಿ...’</p>.<p>‘ಇನ್ಮೇಲೆ ಆಯಿಲ್ಲೆಸ್ ಅಡುಗೆ, ತಿಂಡಿನೇ ತಿನ್ನಬೇಕು’ ತಿಂಡಿ ತಂದು ಬಡಿಸಿದಳು.</p>.<p>‘ಆಯಿಲ್ಲೆಸ್ ಅಡುಗೆ ಓಕೆ, ಬೈಕ್ ಆಯಿಲ್ಲೆಸ್ ಅಲ್ಲವಲ್ಲ, ಪೆಟ್ರೋಲ್ ತುಂಬಿಸಲೇಬೇಕು’ ಅಂದಳು ಮಗಳು ಪಮ್ಮಿ.</p>.<p>‘ಬೈಕ್ ಬಿಟ್ಟು ಸೈಕಲ್ನಲ್ಲಿ ಆಫೀಸ್ಗೆ ಹೋಗ್ತೀನಿ’.</p>.<p>‘ಬೆಳಿಗ್ಗೆ ಸೈಕಲ್ ಹತ್ತಿದರೆ ಲಂಚ್ ಟೈಮ್ಗೆ ಆಫೀಸ್ ತಲುಪುತ್ತಾರೆ ಅಷ್ಟೇ. ಸೈಕಲ್ ಬದಲು ಪೆಟ್ರೋಲ್ಲೆಸ್ ಕತ್ತೆನೋ ಕುದುರೆನೋ ಹತ್ತಿಕೊಂಡು ಹೋಗ್ರೀ’ ಅಂದಳು ಸುಮಿ.</p>.<p>‘ಮೇಂಟೆನೆನ್ಸ್ ಕಮ್ಮಿ ಇದ್ದರೂ ಕತ್ತೆ ಮೈಲೇಜ್ ಕೊಡೋದಿಲ್ಲ. ಕುದುರೆ ಕೊಂಡುಕೊಳ್ಳಿ ಡ್ಯಾಡಿ’ ಅಂದಳು ಪಮ್ಮಿ.</p>.<p>‘ಹೌದು, ಕೊಂಡುಕೊಳ್ಳಿ. ಹುರುಳಿ ತಿನ್ನಿಸಿ, ಮಾಲೀಶ್ ಮಾಡಿದರೆ ಕುದುರೆ ಒಳ್ಳೆ ಮೈಲೇಜ್ ಕೊಡುತ್ತೆ. ಕಾರು ಶೆಡ್ಡನ್ನು ಲಾಯ ಮಾಡಿಕೊಳ್ಳೋಣ’ ಅಂದ ಶಂಕ್ರಿ.</p>.<p>‘ನಾನೂ ಹಾರ್ಸ್ ರೈಡಿಂಗ್ ಟ್ರೈನಿಂಗ್ ಸ್ಕೂಲ್ ಸೇರಿ ಕುದುರೆ ಸವಾರಿ ಕಲಿತುಕೊಳ್ತೀನಿ. ಕುದುರೆಗೆ ಡಿ.ಎಲ್, ಇನ್ಷೂರೆನ್ಸ್, ಹೆಲ್ಮೆಟ್ ಬೇಕಾಗೋದಿಲ್ಲ’ ಪಮ್ಮಿ ಆಸೆಪಟ್ಟಳು.</p>.<p>‘ಹಿಂದೆ ರಾಜ-ಮಹಾರಾಜರೆಲ್ಲಾ ಕುದುರೆ ಸವಾರಿ ಮಾಡಿಕೊಂಡು ರಾಜ್ಯಭಾರ ಮಾಡ್ತಿದ್ರು. ಕಾಡಿಗೆ ಹೋಗಿ ಬೇಟೆಯಾಡುತ್ತಿದ್ರು’.</p>.<p>‘ನಾವು ಹಿಂದಕ್ಕೆ ಹೋಗ್ತಾ ಇದ್ದೀವಾ...? ಆಧುನಿಕತೆಯಿಂದ ಆದಿಮಾನವರಾಗುವತ್ತ ಸಾಗ್ತಾ ಇದ್ದೀವಾ?!’</p>.<p>‘ದಿನಬಳಕೆ ಪದಾರ್ಥಗಳ ಬೆಲೆ ಹೀಗೇ ಏರುತ್ತಿದ್ದರೆ, ನಾವೂ ಆದಿಮಾನವರಂತೆ ಕಾಡಿನಲ್ಲಿ ಗೆಡ್ಡೆಗೆಣಸು ತಂದು ತಿಂದು ಬದುಕಬೇಕಾಗುತ್ತದೆ’ ಅಂದ ಶಂಕ್ರಿ.</p>.<p>‘ಹಾಗೆ ಬದುಕಲೂ ಈಗ ಕಾಡೂ ಇಲ್ಲ, ಗೆಡ್ಡೆಗೆಣಸೂ ಇಲ್ಲವಲ್ಲಾರೀ...’ ಸುಮಿ ಆತಂಕಗೊಂಡಳು.</p>.<div><p><strong>ತಾಜಾ ಸುದ್ದಿಗಾಗಿ <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | ನಮ್ಮ <a href="https://www.facebook.com/prajavani.net">ಫೇಸ್ಬುಕ್ ಪುಟ</a> ಫಾಲೋ ಮಾಡಿ.</strong></p></div>
<p>‘ಎಣ್ಣೆ ರೇಟು ದುಬಾರಿಯಾಗಿದೆ...’ ಚಿತ್ರಾನ್ನದ ಒಗ್ಗರಣೆ ಸಿಡಿಸಿದಳು ಸುಮಿ.</p>.<p>‘ಹೌದು, ಎಣ್ಣೆ ಏಟಿಗೆ ಅಬಕಾರಿ ಆರಾಧಕರು ಭಿಕಾರಿಗಳಾಗ್ತಿದ್ದಾರೆ...’ ಅಂದ ಶಂಕ್ರಿ.</p>.<p>‘ನಾನು ಹೇಳಿದ್ದು ಅಡುಗೆ ಎಣ್ಣೆ ಬೆಲೆರೀ...’</p>.<p>‘ಎಣ್ಣೆಯಲ್ಲಿ ವಡೆ, ಬೋಂಡ ತೇಲಿಸಬೇಡ, ನಾವು ಮುಳುಗ್ತೀವಿ...’</p>.<p>‘ಇನ್ಮೇಲೆ ಆಯಿಲ್ಲೆಸ್ ಅಡುಗೆ, ತಿಂಡಿನೇ ತಿನ್ನಬೇಕು’ ತಿಂಡಿ ತಂದು ಬಡಿಸಿದಳು.</p>.<p>‘ಆಯಿಲ್ಲೆಸ್ ಅಡುಗೆ ಓಕೆ, ಬೈಕ್ ಆಯಿಲ್ಲೆಸ್ ಅಲ್ಲವಲ್ಲ, ಪೆಟ್ರೋಲ್ ತುಂಬಿಸಲೇಬೇಕು’ ಅಂದಳು ಮಗಳು ಪಮ್ಮಿ.</p>.<p>‘ಬೈಕ್ ಬಿಟ್ಟು ಸೈಕಲ್ನಲ್ಲಿ ಆಫೀಸ್ಗೆ ಹೋಗ್ತೀನಿ’.</p>.<p>‘ಬೆಳಿಗ್ಗೆ ಸೈಕಲ್ ಹತ್ತಿದರೆ ಲಂಚ್ ಟೈಮ್ಗೆ ಆಫೀಸ್ ತಲುಪುತ್ತಾರೆ ಅಷ್ಟೇ. ಸೈಕಲ್ ಬದಲು ಪೆಟ್ರೋಲ್ಲೆಸ್ ಕತ್ತೆನೋ ಕುದುರೆನೋ ಹತ್ತಿಕೊಂಡು ಹೋಗ್ರೀ’ ಅಂದಳು ಸುಮಿ.</p>.<p>‘ಮೇಂಟೆನೆನ್ಸ್ ಕಮ್ಮಿ ಇದ್ದರೂ ಕತ್ತೆ ಮೈಲೇಜ್ ಕೊಡೋದಿಲ್ಲ. ಕುದುರೆ ಕೊಂಡುಕೊಳ್ಳಿ ಡ್ಯಾಡಿ’ ಅಂದಳು ಪಮ್ಮಿ.</p>.<p>‘ಹೌದು, ಕೊಂಡುಕೊಳ್ಳಿ. ಹುರುಳಿ ತಿನ್ನಿಸಿ, ಮಾಲೀಶ್ ಮಾಡಿದರೆ ಕುದುರೆ ಒಳ್ಳೆ ಮೈಲೇಜ್ ಕೊಡುತ್ತೆ. ಕಾರು ಶೆಡ್ಡನ್ನು ಲಾಯ ಮಾಡಿಕೊಳ್ಳೋಣ’ ಅಂದ ಶಂಕ್ರಿ.</p>.<p>‘ನಾನೂ ಹಾರ್ಸ್ ರೈಡಿಂಗ್ ಟ್ರೈನಿಂಗ್ ಸ್ಕೂಲ್ ಸೇರಿ ಕುದುರೆ ಸವಾರಿ ಕಲಿತುಕೊಳ್ತೀನಿ. ಕುದುರೆಗೆ ಡಿ.ಎಲ್, ಇನ್ಷೂರೆನ್ಸ್, ಹೆಲ್ಮೆಟ್ ಬೇಕಾಗೋದಿಲ್ಲ’ ಪಮ್ಮಿ ಆಸೆಪಟ್ಟಳು.</p>.<p>‘ಹಿಂದೆ ರಾಜ-ಮಹಾರಾಜರೆಲ್ಲಾ ಕುದುರೆ ಸವಾರಿ ಮಾಡಿಕೊಂಡು ರಾಜ್ಯಭಾರ ಮಾಡ್ತಿದ್ರು. ಕಾಡಿಗೆ ಹೋಗಿ ಬೇಟೆಯಾಡುತ್ತಿದ್ರು’.</p>.<p>‘ನಾವು ಹಿಂದಕ್ಕೆ ಹೋಗ್ತಾ ಇದ್ದೀವಾ...? ಆಧುನಿಕತೆಯಿಂದ ಆದಿಮಾನವರಾಗುವತ್ತ ಸಾಗ್ತಾ ಇದ್ದೀವಾ?!’</p>.<p>‘ದಿನಬಳಕೆ ಪದಾರ್ಥಗಳ ಬೆಲೆ ಹೀಗೇ ಏರುತ್ತಿದ್ದರೆ, ನಾವೂ ಆದಿಮಾನವರಂತೆ ಕಾಡಿನಲ್ಲಿ ಗೆಡ್ಡೆಗೆಣಸು ತಂದು ತಿಂದು ಬದುಕಬೇಕಾಗುತ್ತದೆ’ ಅಂದ ಶಂಕ್ರಿ.</p>.<p>‘ಹಾಗೆ ಬದುಕಲೂ ಈಗ ಕಾಡೂ ಇಲ್ಲ, ಗೆಡ್ಡೆಗೆಣಸೂ ಇಲ್ಲವಲ್ಲಾರೀ...’ ಸುಮಿ ಆತಂಕಗೊಂಡಳು.</p>.<div><p><strong>ತಾಜಾ ಸುದ್ದಿಗಾಗಿ <a href="https://t.me/Prajavani1947">ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್</a> ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | ನಮ್ಮ <a href="https://www.facebook.com/prajavani.net">ಫೇಸ್ಬುಕ್ ಪುಟ</a> ಫಾಲೋ ಮಾಡಿ.</strong></p></div>