<p>ವಿಧಾನಸೌಧಕ್ಕೆ ಜೋಡೆತ್ತುಗಳು ಮೆರವಣಿಗೆ ಹೋಗಿ ಬಂದ ಮೇಲೆ ಸಂಜೆ ಎತ್ತುಗಳೆಲ್ಲ ಸಭೆ ಸೇರಿದ್ದವು. ಮಾಜಿ ಮುಖ್ಯಮಂತ್ರಿ, ಭಾವಿ ಮುಖ್ಯಮಂತ್ರಿ, ಹಾಲಿ ಶಾಸಕರುಗಳನ್ನೆಲ್ಲ ಹೊತ್ತ ಜೋಡೆತ್ತುಗಳಿಗೆ ಅಭಿನಂದನೆಯ ಸುರಿಮಳೆಯೇ ಆಯಿತು. ‘ಅಂತೂ ನೀವೂ ವಿಧಾನಸೌಧದ ಮೆಟ್ಟಿಲು ಹತ್ತಿ ಬಂದ್ರಿ...’ ಮುದಿ ಎತ್ತೊಂದು ವ್ಯಂಗ್ಯವಾಡಿತು.</p>.<p>‘ಯಾಕೆ? ಎಂತೆಂಥೋರೋ ಹತ್ತಿದಾರಂತೆ, ನಾವು ಹತ್ತಬಾರದಾ?’ ಜೋಡೆತ್ತುಗಳಿಗೆ ಸಿಟ್ಟು ಬಂತು. ‘ಅದೇ, ಅದೇ ನಾನು ಹೇಳಿದ್ದು... ಎಂತೆಂಥೋರೋ ಹತ್ತಿರುವ ಅಲ್ಲಿಗೆ ನಮ್ಮಂಥ ಕಾಯಕ ಜೀವಿಗಳು, ಪ್ರಾಮಾಣಿಕರು ಹೋಗಬಾರದಿತ್ತು ಅಂತ...’ ಮುದಿ ಎತ್ತು ಮಾತು ತಿರುಗಿಸಿತು.</p>.<p>‘ಹೋಗ್ಲಿ ಬಿಡ್ರಪ್ಪ, ವಿಧಾನಸೌಧ ಹೆಂಗಿತ್ತು ಅದನ್ನ ಹೇಳ್ರಿ’ ಗಿಡ್ಡ ಎತ್ತಿಗೆ ಕುತೂಹಲ.</p>.<p>‘ಅದಾ? ಅಬಾ ಅಬಾ... ಎಷ್ಟು ದೊಡ್ಡದೈತಿ ಗೊತ್ತಾ? ನಮ್ಮ ಕೊಟ್ಟಿಗೆಯ ನೂರರಷ್ಟು...’</p>.<p>‘ಅಂದ್ರೆ ಒಂದು ಸಾವಿರ ದನ ಕಟ್ಟಬೋದಾ?’</p>.<p>‘ಇನ್ನೂ ಜಾಸ್ತಿ ಕಟ್ಟಬಹುದು. ಮೇವು ತರೋ ಕಷ್ಟನೇ ಇಲ್ಲ, ಎಲ್ಲ ಅಲ್ಲೇ ಸಿಗುತ್ತಂತೆ’.</p>.<p>‘ವಿಧಾನಸೌಧದಲ್ಲಿ ಹೆಗ್ಗಣಗಳ ಕಾಟ ಅಂತಿದ್ರು, ನಿಮಗೇನರೆ ಕಂಡ್ವಾ?’ ಕರಿ ಎತ್ತು ಕೇಳಿತು. ‘ಹೇ... ಹೆಗ್ಗಣಗಳು ಹಗಲು ಹೊತ್ತು ಕಾಣ್ತಾವಾ? ನೀನೊಳ್ಳೆ’ ಜೋಡೆತ್ತುಗಳು ನಕ್ಕವು.</p>.<p>‘ಅಲ್ಲ ಕಣ್ರೊ, ಬೆಂಗ್ಳೂರಲ್ಲಿ ರಸ್ತೆ ಬೆಣ್ಣೆಯಂಗಿದ್ರೂ ಯಾಕೆ ಜೋಲಿ ಹೊಡೀತಿತ್ತು ಬಂಡಿ?’ ಮುದಿ ಎತ್ತು ಪ್ರಶ್ನಿಸಿತು.</p>.<p>‘ಮತ್ತೇನ್ಮಾಡೋದು? ನಮ್ಮದು ಎತ್ತಿನ ಬಂಡಿನೋ ಪಂಚಲಿಂಗೇಶ್ವರ ಬಸ್ಸೋ? ತೀರಾ ಅಷ್ಟಾಕಂದು ಜನ ಹತ್ತಿದ್ರೆ ಹೆಂಗೆ?’</p>.<p>‘ಅದ್ಸರಿ, ಆದ್ರೆ ಬಂಡಿ ಬೀಳಬಾರದಿತ್ತು ಅಲ್ವ?’ ಬಿಳಿ ಎತ್ತು ಕೇಳಿತು.</p>.<p>‘ನಮ್ಮದೇನೂ ತಪ್ಪಿಲ್ಲ, ಮಾಜಿ ಸಾಹೇಬ್ರು ಆ ಕಡೆಗೆ, ಭಾವಿ ಸಾಹೇಬ್ರು ಈ ಕಡೆಗೆ ಹಗ್ಗ ಎಳೆದ್ರೆ ಬಂಡಿ ಬೀಳದೆ ಏನಾಗುತ್ತೆ? ಬಂಡಿ ನಡೆಸೋದು ಅಂದ್ರೆ ಏನು ಸರ್ಕಾರ ನಡೆಸಿದಂಗಾ?’</p>.<p>ಜೋಡೆತ್ತುಗಳ ಮಾತಿಗೆ ಎಲ್ಲ ಎತ್ತುಗಳೂ ಗೊಳ್ಳೆಂದು ನಕ್ಕವು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ವಿಧಾನಸೌಧಕ್ಕೆ ಜೋಡೆತ್ತುಗಳು ಮೆರವಣಿಗೆ ಹೋಗಿ ಬಂದ ಮೇಲೆ ಸಂಜೆ ಎತ್ತುಗಳೆಲ್ಲ ಸಭೆ ಸೇರಿದ್ದವು. ಮಾಜಿ ಮುಖ್ಯಮಂತ್ರಿ, ಭಾವಿ ಮುಖ್ಯಮಂತ್ರಿ, ಹಾಲಿ ಶಾಸಕರುಗಳನ್ನೆಲ್ಲ ಹೊತ್ತ ಜೋಡೆತ್ತುಗಳಿಗೆ ಅಭಿನಂದನೆಯ ಸುರಿಮಳೆಯೇ ಆಯಿತು. ‘ಅಂತೂ ನೀವೂ ವಿಧಾನಸೌಧದ ಮೆಟ್ಟಿಲು ಹತ್ತಿ ಬಂದ್ರಿ...’ ಮುದಿ ಎತ್ತೊಂದು ವ್ಯಂಗ್ಯವಾಡಿತು.</p>.<p>‘ಯಾಕೆ? ಎಂತೆಂಥೋರೋ ಹತ್ತಿದಾರಂತೆ, ನಾವು ಹತ್ತಬಾರದಾ?’ ಜೋಡೆತ್ತುಗಳಿಗೆ ಸಿಟ್ಟು ಬಂತು. ‘ಅದೇ, ಅದೇ ನಾನು ಹೇಳಿದ್ದು... ಎಂತೆಂಥೋರೋ ಹತ್ತಿರುವ ಅಲ್ಲಿಗೆ ನಮ್ಮಂಥ ಕಾಯಕ ಜೀವಿಗಳು, ಪ್ರಾಮಾಣಿಕರು ಹೋಗಬಾರದಿತ್ತು ಅಂತ...’ ಮುದಿ ಎತ್ತು ಮಾತು ತಿರುಗಿಸಿತು.</p>.<p>‘ಹೋಗ್ಲಿ ಬಿಡ್ರಪ್ಪ, ವಿಧಾನಸೌಧ ಹೆಂಗಿತ್ತು ಅದನ್ನ ಹೇಳ್ರಿ’ ಗಿಡ್ಡ ಎತ್ತಿಗೆ ಕುತೂಹಲ.</p>.<p>‘ಅದಾ? ಅಬಾ ಅಬಾ... ಎಷ್ಟು ದೊಡ್ಡದೈತಿ ಗೊತ್ತಾ? ನಮ್ಮ ಕೊಟ್ಟಿಗೆಯ ನೂರರಷ್ಟು...’</p>.<p>‘ಅಂದ್ರೆ ಒಂದು ಸಾವಿರ ದನ ಕಟ್ಟಬೋದಾ?’</p>.<p>‘ಇನ್ನೂ ಜಾಸ್ತಿ ಕಟ್ಟಬಹುದು. ಮೇವು ತರೋ ಕಷ್ಟನೇ ಇಲ್ಲ, ಎಲ್ಲ ಅಲ್ಲೇ ಸಿಗುತ್ತಂತೆ’.</p>.<p>‘ವಿಧಾನಸೌಧದಲ್ಲಿ ಹೆಗ್ಗಣಗಳ ಕಾಟ ಅಂತಿದ್ರು, ನಿಮಗೇನರೆ ಕಂಡ್ವಾ?’ ಕರಿ ಎತ್ತು ಕೇಳಿತು. ‘ಹೇ... ಹೆಗ್ಗಣಗಳು ಹಗಲು ಹೊತ್ತು ಕಾಣ್ತಾವಾ? ನೀನೊಳ್ಳೆ’ ಜೋಡೆತ್ತುಗಳು ನಕ್ಕವು.</p>.<p>‘ಅಲ್ಲ ಕಣ್ರೊ, ಬೆಂಗ್ಳೂರಲ್ಲಿ ರಸ್ತೆ ಬೆಣ್ಣೆಯಂಗಿದ್ರೂ ಯಾಕೆ ಜೋಲಿ ಹೊಡೀತಿತ್ತು ಬಂಡಿ?’ ಮುದಿ ಎತ್ತು ಪ್ರಶ್ನಿಸಿತು.</p>.<p>‘ಮತ್ತೇನ್ಮಾಡೋದು? ನಮ್ಮದು ಎತ್ತಿನ ಬಂಡಿನೋ ಪಂಚಲಿಂಗೇಶ್ವರ ಬಸ್ಸೋ? ತೀರಾ ಅಷ್ಟಾಕಂದು ಜನ ಹತ್ತಿದ್ರೆ ಹೆಂಗೆ?’</p>.<p>‘ಅದ್ಸರಿ, ಆದ್ರೆ ಬಂಡಿ ಬೀಳಬಾರದಿತ್ತು ಅಲ್ವ?’ ಬಿಳಿ ಎತ್ತು ಕೇಳಿತು.</p>.<p>‘ನಮ್ಮದೇನೂ ತಪ್ಪಿಲ್ಲ, ಮಾಜಿ ಸಾಹೇಬ್ರು ಆ ಕಡೆಗೆ, ಭಾವಿ ಸಾಹೇಬ್ರು ಈ ಕಡೆಗೆ ಹಗ್ಗ ಎಳೆದ್ರೆ ಬಂಡಿ ಬೀಳದೆ ಏನಾಗುತ್ತೆ? ಬಂಡಿ ನಡೆಸೋದು ಅಂದ್ರೆ ಏನು ಸರ್ಕಾರ ನಡೆಸಿದಂಗಾ?’</p>.<p>ಜೋಡೆತ್ತುಗಳ ಮಾತಿಗೆ ಎಲ್ಲ ಎತ್ತುಗಳೂ ಗೊಳ್ಳೆಂದು ನಕ್ಕವು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
