<p>ಗುದ್ಲಿಂಗ ಆ್ಯಂಡ್ ಕಂಪನಿ ವೀಕೆಂಡಲ್ಲಿ ಎಣ್ಣೆ ಹಾಕೋದು ಬಿಟ್ಟು ವಿಧಾನಸೌಧ ನೋಡೋ ಆಸೆಯಿಂದ ಬಂದಿದ್ರು. ಗೈಡ್ ಅವರಿಗೆ ಮಾರ್ಗದರ್ಶನ ಮಾಡ್ತಿದ್ದ.</p>.<p>‘ಇದೇನ್ಲಾ ಇಲ್ಲಿ ಈ ಪಾಟಿ ಮೆಟ್ಲು ಅವೆ...’ ಕೇಳಿದ ಭದ್ರ.</p>.<p>‘ಮತ್ತೆ ದೇವರ ದರ್ಶನ ಸುಮ್ನೆ ಆಯ್ತದಾ? ಬೆಟ್ಟ ಅತ್ತಿದಂಗೆ ಅತ್ತಿ ವೋಗ್ಬೇಕು ಕಣ್ಲಾ! ಮೇಲ್ ನೋಡ್ಲಾ, ಸರ್ಕಾರಿ ಕೆಲಸ ದೇವರ ಕೆಲಸ ಅಂತ ಬರ್ದವ್ರೆ’ ಅಂದ ಗುದ್ಲಿಂಗ.</p>.<p>‘ವೂ ಕಣ್ಲಾ, ಅಂದ್ರೆ ಏನೇ ಕೆಲಸ ಇದ್ರೂ ದೇವರೇ ಬಂದು ಮಾಡ್ಕೊಬೋದು, ನಾವ್ ಮಾಡಕಿಲ್ಲ ಅಂತ’.</p>.<p>‘ಬನ್ನಿ ಬನ್ನಿ, ಇದೇ ಮೊಗಸಾಲೆ...’ ಗೈಡ್ ಮುಂದೆ ಹೋದ.</p>.<p>‘ಊ... ಇಲ್ಲೇ ಶಾಸಕರು ಅದೂ ಇದೂ ಲಾಬಿ ಮಾಡ್ತಾರಲ್ವಾ? ರೆಕ್ಲೈನರ್ಸ್, ಮಸಾಜ್ ಚೇರು ಎಲ್ಲಾ ಮಸ್ತಾಗವೆ. ಒಳಗೆ ಜಗಳ ಆಡೋರ್ ಮಧ್ಯೆ ನಿದ್ದೆಗೆಟ್ಟೋರು ಇಲ್ ಬಂದು ತಾಚ್ಕಬಹುದು’ ಅಂದ ಕಲ್ಲೇಶಿ.</p>.<p>‘ಏನಪ್ಪಾ ಇಲ್ಲಿ ಬಕೇಟ್ ಹಾಲು ಎಲ್ಲದೆ?’ ಕೇಳಿದ ಮಾಲಿಂಗ.</p>.<p>‘ಅದು ಬಕೇಟ್ ಹಾಲ್ ಅಲ್ಲ, ಬ್ಯಾಂಕ್ವೆಟ್ ಹಾಲ್!’ ತಿದ್ದಿದ ಗೈಡ್ ಅತ್ತ ಕರೆದೊಯ್ದ.</p>.<p>‘ಅಂದಹಾಗೆ ಆ ಬಾವಿ ಎಲ್ಲೈತಪ್ಪ? ಅವಾಗವಾಗ ಓಗಿ ದಬಕ್ಕಂತ ಬೀಳ್ತಾರಲ್ಲ...’</p>.<p>‘ಇಲ್ ಯಾವುದೂ ಬೀಳೋ ಬಾವಿ ಇಲ್ವಲ್ಲ’ ಗೈಡ್ ಕನ್ಫ್ಯೂಸ್ ಆದ.</p>.<p>‘ಅದೇನಪ್ಪ... ಹಗಲು– ರಾತ್ರಿ ಧರಣಿ ಕುಂತ್ಕತರಲ್ಲ...’</p>.<p>‘ಓ ಅದ? ಅದು ಸದನದ ಬಾವಿ. ಇದೇ ನೋಡಿ’ ಎಂದು ಗೈಡ್ ತೋರಿಸಿದ.</p>.<p>‘ಬರ್ರಪ್ಪಾ, ಅಂಗೇ, ನಮ್ ಭುವನೇಶ್ವರಿ, ಗಾಂಧೀಜಿ, ಕೆಂಗಲ್ಲು, ಅಂಬೇಡ್ಕರ್, ಕೆಂಪೇಗೌಡ್ರು ಎಲ್ರಿಗೂ ಒಂದು ನಮಸ್ಕಾರ ಆಕ್ಬುಡಾಣ’ ಅಂತ ಎಲ್ಲರಿಗೂ ಅಡ್ಬಿದ್ದು ಈಚೆ ಹೊರಟ್ರು.</p>.<p>‘ಯಾರೋ ಏನೋ ಮಾತಾಡ್ದಂಗಾಯ್ತಲ್ವಾ?’ ಎಂದ ಮಾಲಿಂಗ. ‘ಊ ಕಣ್ಲಾ, ಇಲ್ಲಿ ಬರೋರ ದರ್ಬಾರು ನೋಡಕ್ಕಾಯ್ತಿಲ್ಲ, ನಮ್ಮನ್ನೂ ಕರ್ಕೊಂಡ್ ಓಗಿ ಅಂತ ಗಾಂಧೀಜಿ ಕೇಳ್ದಂಗಾಯ್ತು’ ಎಂದ ಪರ್ಮೇಶಿ. ಎಲ್ಲಾ ಗೊಳ್ಳನೆ ನಕ್ಕರು! </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಗುದ್ಲಿಂಗ ಆ್ಯಂಡ್ ಕಂಪನಿ ವೀಕೆಂಡಲ್ಲಿ ಎಣ್ಣೆ ಹಾಕೋದು ಬಿಟ್ಟು ವಿಧಾನಸೌಧ ನೋಡೋ ಆಸೆಯಿಂದ ಬಂದಿದ್ರು. ಗೈಡ್ ಅವರಿಗೆ ಮಾರ್ಗದರ್ಶನ ಮಾಡ್ತಿದ್ದ.</p>.<p>‘ಇದೇನ್ಲಾ ಇಲ್ಲಿ ಈ ಪಾಟಿ ಮೆಟ್ಲು ಅವೆ...’ ಕೇಳಿದ ಭದ್ರ.</p>.<p>‘ಮತ್ತೆ ದೇವರ ದರ್ಶನ ಸುಮ್ನೆ ಆಯ್ತದಾ? ಬೆಟ್ಟ ಅತ್ತಿದಂಗೆ ಅತ್ತಿ ವೋಗ್ಬೇಕು ಕಣ್ಲಾ! ಮೇಲ್ ನೋಡ್ಲಾ, ಸರ್ಕಾರಿ ಕೆಲಸ ದೇವರ ಕೆಲಸ ಅಂತ ಬರ್ದವ್ರೆ’ ಅಂದ ಗುದ್ಲಿಂಗ.</p>.<p>‘ವೂ ಕಣ್ಲಾ, ಅಂದ್ರೆ ಏನೇ ಕೆಲಸ ಇದ್ರೂ ದೇವರೇ ಬಂದು ಮಾಡ್ಕೊಬೋದು, ನಾವ್ ಮಾಡಕಿಲ್ಲ ಅಂತ’.</p>.<p>‘ಬನ್ನಿ ಬನ್ನಿ, ಇದೇ ಮೊಗಸಾಲೆ...’ ಗೈಡ್ ಮುಂದೆ ಹೋದ.</p>.<p>‘ಊ... ಇಲ್ಲೇ ಶಾಸಕರು ಅದೂ ಇದೂ ಲಾಬಿ ಮಾಡ್ತಾರಲ್ವಾ? ರೆಕ್ಲೈನರ್ಸ್, ಮಸಾಜ್ ಚೇರು ಎಲ್ಲಾ ಮಸ್ತಾಗವೆ. ಒಳಗೆ ಜಗಳ ಆಡೋರ್ ಮಧ್ಯೆ ನಿದ್ದೆಗೆಟ್ಟೋರು ಇಲ್ ಬಂದು ತಾಚ್ಕಬಹುದು’ ಅಂದ ಕಲ್ಲೇಶಿ.</p>.<p>‘ಏನಪ್ಪಾ ಇಲ್ಲಿ ಬಕೇಟ್ ಹಾಲು ಎಲ್ಲದೆ?’ ಕೇಳಿದ ಮಾಲಿಂಗ.</p>.<p>‘ಅದು ಬಕೇಟ್ ಹಾಲ್ ಅಲ್ಲ, ಬ್ಯಾಂಕ್ವೆಟ್ ಹಾಲ್!’ ತಿದ್ದಿದ ಗೈಡ್ ಅತ್ತ ಕರೆದೊಯ್ದ.</p>.<p>‘ಅಂದಹಾಗೆ ಆ ಬಾವಿ ಎಲ್ಲೈತಪ್ಪ? ಅವಾಗವಾಗ ಓಗಿ ದಬಕ್ಕಂತ ಬೀಳ್ತಾರಲ್ಲ...’</p>.<p>‘ಇಲ್ ಯಾವುದೂ ಬೀಳೋ ಬಾವಿ ಇಲ್ವಲ್ಲ’ ಗೈಡ್ ಕನ್ಫ್ಯೂಸ್ ಆದ.</p>.<p>‘ಅದೇನಪ್ಪ... ಹಗಲು– ರಾತ್ರಿ ಧರಣಿ ಕುಂತ್ಕತರಲ್ಲ...’</p>.<p>‘ಓ ಅದ? ಅದು ಸದನದ ಬಾವಿ. ಇದೇ ನೋಡಿ’ ಎಂದು ಗೈಡ್ ತೋರಿಸಿದ.</p>.<p>‘ಬರ್ರಪ್ಪಾ, ಅಂಗೇ, ನಮ್ ಭುವನೇಶ್ವರಿ, ಗಾಂಧೀಜಿ, ಕೆಂಗಲ್ಲು, ಅಂಬೇಡ್ಕರ್, ಕೆಂಪೇಗೌಡ್ರು ಎಲ್ರಿಗೂ ಒಂದು ನಮಸ್ಕಾರ ಆಕ್ಬುಡಾಣ’ ಅಂತ ಎಲ್ಲರಿಗೂ ಅಡ್ಬಿದ್ದು ಈಚೆ ಹೊರಟ್ರು.</p>.<p>‘ಯಾರೋ ಏನೋ ಮಾತಾಡ್ದಂಗಾಯ್ತಲ್ವಾ?’ ಎಂದ ಮಾಲಿಂಗ. ‘ಊ ಕಣ್ಲಾ, ಇಲ್ಲಿ ಬರೋರ ದರ್ಬಾರು ನೋಡಕ್ಕಾಯ್ತಿಲ್ಲ, ನಮ್ಮನ್ನೂ ಕರ್ಕೊಂಡ್ ಓಗಿ ಅಂತ ಗಾಂಧೀಜಿ ಕೇಳ್ದಂಗಾಯ್ತು’ ಎಂದ ಪರ್ಮೇಶಿ. ಎಲ್ಲಾ ಗೊಳ್ಳನೆ ನಕ್ಕರು! </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
