<p><strong>ಕ್ರಿಕೆಟ್ ಬಾಜಿಗೆ ಶಾಸನಬದ್ಧ ಸ್ಥಾನ ಇಲ್ಲ: ವಾಜಪೇಯಿ</strong></p>.<p><strong>ನವದೆಹಲಿ, ಏ. 16–</strong> ಕ್ರಿಕೆಟ್ ಬಾಜಿ ಪದ್ಧತಿಯನ್ನು ಶಾಸನಬದ್ಧಗೊಳಿಸುವ ಯಾವುದೇ ಉದ್ದೇಶವು ಸರ್ಕಾರದ ಮುಂದಿಲ್ಲ ಎಂಬುದಾಗಿ ಪ್ರಧಾನ ಮಂತ್ರಿ ಅಟಲ್ ಬಿಹಾರಿ ವಾಜಪೇಯಿ ಅವರು ಇಂದು ಇಲ್ಲಿ ಸ್ಪಷ್ಟಪಡಿಸಿದರು.</p>.<p>ಕ್ರಿಕೆಟ್ ಬಾಜಿಕಟ್ಟುವ ಹಾವಳಿಯನ್ನು ಸಂಪೂರ್ಣವಾಗಿ ತೊಡೆದು ಹಾಕಬೇಕೆನ್ನುವುದು ನಮ್ಮ ಉದ್ದೇಶ ಎಂದು ಅವರು ಇಂದು ಇಲ್ಲಿ ಮುಕ್ತಾಯಗೊಂಡ ಎರಡು ದಿನಗಳ ಭಾರತೀಯ ಜನತಾ ಪಕ್ಷದ ರಾಷ್ಟ್ರೀಯ ಕಾರ್ಯಕಾರಿಣಿ ಸಭೆಯನ್ನು ಉದ್ದೇಶಿಸಿ ಮಾತನಾಡುತ್ತ ಹೇಳಿದರು.</p>.<p>ದಕ್ಷಿಣ ಆಫ್ರಿಕಾದ ಕ್ರಿಕೆಟ್ ಮೋಸದಾಟದಲ್ಲಿನ ವಂಚನೆಯನ್ನು ಕಡಿಮೆ ಮಾಡುವ ಉದ್ದೇಶದಿಂದ ಬೆಟ್ಟಿಂಗ್ ಪದ್ದತಿಯನ್ನೇ ಶಾಸನಬದ್ಧಗೊಳಿಸುವ ಬಗೆಗೆ ಸರ್ಕಾರ ಪರಿಶೀಲಿಸುವುದಾಗಿ ಕ್ರೀಡಾ ಸಚಿವ ಸುಖ್ ದೇವ್ ಸಿಂಗ್ ದಿಂಡ್ಸಾ ಅವರು ಪತ್ರಿಕೆಯೊಂದಕ್ಕೆ ಸಂದರ್ಶನ ನೀಡಿದ್ದ ಹಿನ್ನೆಲೆಯನ್ನು ಪ್ರಧಾನಿ ಪರೋಕ್ಷವಾಗಿ ಪ್ರಸ್ತಾಪಿಸಿದರು.</p>.<p><strong>ಕಲ್ರಾ ನಿವಾಸದಿಂದ ಮಹತ್ವದ ದಾಖಲೆ ವಶ</strong></p>.<p>ನವದೆಹಲಿ, ಏ. 16 (ಯುಎನ್ಐ)– ಮೋಸದ ಕ್ರಿಕೆಟ್ ಆಟದಲ್ಲಿ ಶಾಮೀಲಾಗಿದ್ದಾರೆಂಬುದಕ್ಕೆ ಸಾಕ್ಷಿಯಾಗಬಲ್ಲಂತಹ ಮಹತ್ವದ ದಾಖಲೆಗಳನ್ನು ಹಗರಣದ ಪ್ರಮುಖ ಆರೋಪಿ ರಾಜೇಶ್ ಕಲ್ರಾ ಅವರ ನಿವಾಸದಿಂದ ತಾನು ವಶಪಡಿಸಿಕೊಂಡಿರುವುದಾಗಿ ಜಾರಿ ನಿರ್ದೇಶನಾಳಯ ಇಂದು ಹೇಳಿದೆ.</p>.<p>ನಿರ್ದೇಶನಾಲಯದ ವಿಶೇಷ ಪ್ರಾಸಿಕ್ಯೂಟರ್ ಸುಭಾಷ್ ಬನ್ಸಾಲ್ ಅವರು ಇಂದು ಮೊಟ್ರೋಪಾಲಿಟನ್ ಮ್ಯಾಜಿಸ್ಟ್ರೇಟ್ ವಿ.ಕೆ.ಖನ್ನಾ ಅವರ ಮುಂದೆ ನೀಡಿದ ಹೇಳಿಕೆ ವೇಳೆ ಇದನ್ನು ತಿಳಿಸಿದರು.</p>.<p>ದಿನಚರಣೆಯಲ್ಲಿ ಕ್ರಿಕೆಟ್ ಬುಕ್ಕಿಗಳ ಹೆಸರು. ವಿಳಾಸ ಮತ್ತು ದೂರವಾಣಿ ಸಂಖ್ಯೆಗಳು ಇವೆ. ಈ ಪೈಕಿ ಒಬ್ಬರ ವಿಚಾರಣೆ ಈಗ ನಡೆಯುತ್ತಿದೆ ಎಂದ ಅವರು. ಇನ್ನಷ್ಟು ವಿವರ ನೀಡಲು ನಿರಾಕರಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕ್ರಿಕೆಟ್ ಬಾಜಿಗೆ ಶಾಸನಬದ್ಧ ಸ್ಥಾನ ಇಲ್ಲ: ವಾಜಪೇಯಿ</strong></p>.<p><strong>ನವದೆಹಲಿ, ಏ. 16–</strong> ಕ್ರಿಕೆಟ್ ಬಾಜಿ ಪದ್ಧತಿಯನ್ನು ಶಾಸನಬದ್ಧಗೊಳಿಸುವ ಯಾವುದೇ ಉದ್ದೇಶವು ಸರ್ಕಾರದ ಮುಂದಿಲ್ಲ ಎಂಬುದಾಗಿ ಪ್ರಧಾನ ಮಂತ್ರಿ ಅಟಲ್ ಬಿಹಾರಿ ವಾಜಪೇಯಿ ಅವರು ಇಂದು ಇಲ್ಲಿ ಸ್ಪಷ್ಟಪಡಿಸಿದರು.</p>.<p>ಕ್ರಿಕೆಟ್ ಬಾಜಿಕಟ್ಟುವ ಹಾವಳಿಯನ್ನು ಸಂಪೂರ್ಣವಾಗಿ ತೊಡೆದು ಹಾಕಬೇಕೆನ್ನುವುದು ನಮ್ಮ ಉದ್ದೇಶ ಎಂದು ಅವರು ಇಂದು ಇಲ್ಲಿ ಮುಕ್ತಾಯಗೊಂಡ ಎರಡು ದಿನಗಳ ಭಾರತೀಯ ಜನತಾ ಪಕ್ಷದ ರಾಷ್ಟ್ರೀಯ ಕಾರ್ಯಕಾರಿಣಿ ಸಭೆಯನ್ನು ಉದ್ದೇಶಿಸಿ ಮಾತನಾಡುತ್ತ ಹೇಳಿದರು.</p>.<p>ದಕ್ಷಿಣ ಆಫ್ರಿಕಾದ ಕ್ರಿಕೆಟ್ ಮೋಸದಾಟದಲ್ಲಿನ ವಂಚನೆಯನ್ನು ಕಡಿಮೆ ಮಾಡುವ ಉದ್ದೇಶದಿಂದ ಬೆಟ್ಟಿಂಗ್ ಪದ್ದತಿಯನ್ನೇ ಶಾಸನಬದ್ಧಗೊಳಿಸುವ ಬಗೆಗೆ ಸರ್ಕಾರ ಪರಿಶೀಲಿಸುವುದಾಗಿ ಕ್ರೀಡಾ ಸಚಿವ ಸುಖ್ ದೇವ್ ಸಿಂಗ್ ದಿಂಡ್ಸಾ ಅವರು ಪತ್ರಿಕೆಯೊಂದಕ್ಕೆ ಸಂದರ್ಶನ ನೀಡಿದ್ದ ಹಿನ್ನೆಲೆಯನ್ನು ಪ್ರಧಾನಿ ಪರೋಕ್ಷವಾಗಿ ಪ್ರಸ್ತಾಪಿಸಿದರು.</p>.<p><strong>ಕಲ್ರಾ ನಿವಾಸದಿಂದ ಮಹತ್ವದ ದಾಖಲೆ ವಶ</strong></p>.<p>ನವದೆಹಲಿ, ಏ. 16 (ಯುಎನ್ಐ)– ಮೋಸದ ಕ್ರಿಕೆಟ್ ಆಟದಲ್ಲಿ ಶಾಮೀಲಾಗಿದ್ದಾರೆಂಬುದಕ್ಕೆ ಸಾಕ್ಷಿಯಾಗಬಲ್ಲಂತಹ ಮಹತ್ವದ ದಾಖಲೆಗಳನ್ನು ಹಗರಣದ ಪ್ರಮುಖ ಆರೋಪಿ ರಾಜೇಶ್ ಕಲ್ರಾ ಅವರ ನಿವಾಸದಿಂದ ತಾನು ವಶಪಡಿಸಿಕೊಂಡಿರುವುದಾಗಿ ಜಾರಿ ನಿರ್ದೇಶನಾಳಯ ಇಂದು ಹೇಳಿದೆ.</p>.<p>ನಿರ್ದೇಶನಾಲಯದ ವಿಶೇಷ ಪ್ರಾಸಿಕ್ಯೂಟರ್ ಸುಭಾಷ್ ಬನ್ಸಾಲ್ ಅವರು ಇಂದು ಮೊಟ್ರೋಪಾಲಿಟನ್ ಮ್ಯಾಜಿಸ್ಟ್ರೇಟ್ ವಿ.ಕೆ.ಖನ್ನಾ ಅವರ ಮುಂದೆ ನೀಡಿದ ಹೇಳಿಕೆ ವೇಳೆ ಇದನ್ನು ತಿಳಿಸಿದರು.</p>.<p>ದಿನಚರಣೆಯಲ್ಲಿ ಕ್ರಿಕೆಟ್ ಬುಕ್ಕಿಗಳ ಹೆಸರು. ವಿಳಾಸ ಮತ್ತು ದೂರವಾಣಿ ಸಂಖ್ಯೆಗಳು ಇವೆ. ಈ ಪೈಕಿ ಒಬ್ಬರ ವಿಚಾರಣೆ ಈಗ ನಡೆಯುತ್ತಿದೆ ಎಂದ ಅವರು. ಇನ್ನಷ್ಟು ವಿವರ ನೀಡಲು ನಿರಾಕರಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
