ವಾಚಕರ ವಾಣಿ: ಅನಧಿಕೃತ ಔಷಧ ನಿಷೇಧಿಸಿ

ಈ ಕಾರಣಕ್ಕೆ ಕೆಲವು ವಿಚಾರಗಳು ಮುಖ್ಯವಾಗುತ್ತವೆ. ನರಸೀಪುರದ ನಾಟಿ ಔಷಧದಿಂದ ಮಾರಣಾಂತಿಕ ರೋಗಗಳು ವಾಸಿಯಾಗಿರುವ ನಿದರ್ಶನಗಳು ಇಲ್ಲ. ಕಾಯಿಲೆ ಅಂತಿಮ ಘಟ್ಟದಲ್ಲಿ ಇದ್ದಾಗ, ಮುಳುಗುವವನಿಗೆ ಹುಲ್ಲು ಕಡ್ಡಿಯೂ ಆಸರೆಯಾಗಬಹುದೆಂಬ ಭಾವದಿಂದ, ಯಾವುದೇ ವೈಜ್ಞಾನಿಕ ತಳಹದಿ ಇಲ್ಲದಿದ್ದರೂ ಈ ಔಷಧದ ಮೊರೆ ಹೋಗುತ್ತಿದ್ದವರ ಸಂಖ್ಯೆಯೇ ಹೆಚ್ಚು. ಸಮೂಹ ಸನ್ನಿಗೆ ಒಳಗಾದಂತೆ ಜನ ವರ್ತಿಸುತ್ತಿದ್ದರು.ಹಣ ಮಾಡುವುದಕ್ಕೆ ನೂರಾರು ಹಾದಿ ಎಂಬಂತೆ ಇದೂ ಒಂದು. ಹೀಗೆ ಅನಧಿಕೃತವಾಗಿ ಔಷಧ ನೀಡುವುದನ್ನು ನಿಷೇಧಿಸುವುದು ಒಳ್ಳೆಯದು. ಅದೂ ಅಲ್ಲದೆ ಯಾವ ರೀತಿಯ ತರಬೇತಿಯಾಗಲೀ ಕಾನೂನಿನ
ಪರವಾನಗಿಯನ್ನಾಗಲೀ ಹೊಂದಿರದ ಅವರ ಮಕ್ಕಳು ಹೇಗೆ ಇದನ್ನು ಮುಂದುವರಿಸಲು ಸಾಧ್ಯ?

-ಡಾ. ಕೆ.ಎಸ್.ಗಂಗಾಧರ,ಶಿವಮೊಗ್ಗ