ಇಂದಿನಿಂದ ಜನವರಿ 24ರವರೆಗೆ ‘ಮಕ್ಕಳಸ್ನೇಹಿ’ ಗ್ರಾಮ ಪಂಚಾಯಿತಿ ಅಭಿಯಾನ ಹಮ್ಮಿಕೊಂಡಿರುವುದು ಸ್ವಾಗತಾರ್ಹ. ಮಕ್ಕಳಿಗೆ ಕಲಿಯುವ ಒತ್ತಾಸೆ ಮೂಡಿದಾಗ ಅವರು ಸುಲಭವಾಗಿ ಕಲಿಯಬಲ್ಲರು. ಅಂತಹ ವಾತಾವರಣವನ್ನು ಮಗುವಿಗೆ ಒದಗಿಸುವುದು ಅಭಿಯಾನದ ಉದ್ದೇಶ. ಕೊರೊನಾ ಪರಿಸ್ಥಿತಿಯಲ್ಲಿ ಇಂತಹ ಕಾರ್ಯಕ್ರಮಗಳನ್ನು ಆಯೋಜಿಸುವಾಗ ಮಕ್ಕಳು ಅಂತರ ಕಾಯ್ದುಕೊಳ್ಳುವಂತೆ ನೋಡಿಕೊಳ್ಳುವುದು, ಸುರಕ್ಷತೆಯ ನಿಯಮಗಳನ್ನು ಪಾಲಿಸುವುದು ಮುಖ್ಯವಾಗುತ್ತದೆ.