ಕನ್ನಡ ಭಾಷೆಯು ಸಂಸ್ಕೃತ, ಹಿಂದಿ, ಅರೇಬಿಕ್, ಪಾರ್ಸಿ, ಬೆಂಗಾಲಿ, ಇಂಗ್ಲಿಷ್, ಮರಾಠಿ, ತೆಲುಗು, ತಮಿಳು, ಮಲಯಾಳಂ ಮುಂತಾದ ಭಾಷೆಗಳಿಂದ ಅನೇಕ ಪದಗಳನ್ನು ಸ್ವೀಕರಿಸಿ ಬೆಳೆದಿದೆ, ಬೆಳೆಯುತ್ತಿದೆ. ಕನ್ನಡ ಭಾಷೆಗೆ ಮಡಿವಂತಿಕೆ ಇಲ್ಲ, ಇರಲೂಬಾರದು. ಲಾಕ್ಡೌನ್, ಸೀಲ್ಡೌನ್, ಗ್ರೀನ್ಜೋನ್, ಡೇಂಜರ್ಜೋನ್ನಂತಹ ಪದಗಳು ಈಗ ಇಂಗ್ಲಿಷ್ ತಿಳಿಯದವರಿಗೂ ಸುಲಭವಾಗಿ ಅರ್ಥವಾಗುತ್ತವೆ. ಅಲ್ಲಿಗೆ ಭಾಷೆಯ ಕೆಲಸ ಮುಗಿಯಿತು. ಅದರಿಂದ ಆ ಇಂಗ್ಲಿಷ್ ಪದಗಳನ್ನು ಕನ್ನಡಕ್ಕೆ ಅನುವಾದಿಸಿ ಹೇಳುವ ಅಗತ್ಯ ಇಲ್ಲ.
