ಈ ದಿಸೆಯಲ್ಲಿ, ವ್ಯಕ್ತಿಗಳ ನಡುವೆ ಅಂತರ ಕಾಯ್ದುಕೊಳ್ಳದೇ ಇದ್ದಾಗ ಎಚ್ಚರಿಕೆಯ ಗಂಟೆ ಹೊಡೆಯುವ ಸಾಧನವನ್ನು ಅಭಿವೃದ್ಧಿಪಡಿಸಬಹುದು. ಸೆನ್ಸರ್ ಚಾಲಿತ ತಂತ್ರಜ್ಞಾನದ ಮೇಲೆ ಕಾರ್ಯನಿರ್ವಹಿಸುವ ಇದನ್ನು ಕನಿಷ್ಠ ವೆಚ್ಚದೊಂದಿಗೆ ತಯಾರಿಸಬಹುದಾಗಿದೆ. ಈ ಸಾಧನವನ್ನು ಧರಿಸಿದರೆ ಇಬ್ಬರು ವ್ಯಕ್ತಿಗಳು ನಿಗದಿತ ಅಂತರಕ್ಕಿಂತ ಹೆಚ್ಚು ಹತ್ತಿರವಾದಾಗ ಅದು ಎಚ್ಚರಿಸುತ್ತದೆ. ಬಡವರಿಗೆ ಉಚಿತವಾಗಿ ಮತ್ತು ಇತರರಿಗೆ ರಿಯಾಯಿತಿ ದರದಲ್ಲಿ ಇದನ್ನು ವಿತರಿಸಬಹುದು. ಮನೆಯಿಂದ ಹೊರಗೆ ಬಂದಾಗಲೆಲ್ಲಾ ಈ ಸಾಧನವನ್ನು ಧರಿಸಲೇಬೇಕೆಂಬ ನಿಯಮವನ್ನು ಕಟ್ಟುನಿಟ್ಟಾಗಿ ಜಾರಿಗೆ ತಂದು, ಪಾಲಿಸದಿದ್ದರೆ ದಂಡ ವಿಧಿಸಬೇಕು. ಇಂತಹ ಉಪಕರಣವನ್ನು ಇಟಲಿಯಲ್ಲಿ ಈಗಾಗಲೇ ಅಭಿವೃದ್ಧಿಪಡಿಸಲಾಗಿದೆ. ಜನರಲ್ಲಿ ಜಾಗರೂಕತೆ ಮೂಡಿಸಲು ಈ ಸಾಧನ ಸಹಕಾರಿ.
