ಜನ ನಿಯಮ ಪಾಲಿಸದಿದ್ದರೆ ಮತ್ತೆ ಲಾಕ್ಡೌನ್ ಮಾಡುವುದಾಗಿ ರಾಜ್ಯ ಸರ್ಕಾರ ಎಚ್ಚರಿಸಿದೆ. ಹೌದು, ಚಿತ್ರಮಂದಿರಕ್ಕೆ ಹೌಸ್ಫುಲ್ ಮಾಡಿಕೊಳ್ಳಲು ಅನುಮತಿ ನೀಡಲಾಗಿದೆ. ಆದರೆ ನಿಯಮ ಪಾಲಿಸುವ ಜವಾಬ್ದಾರಿ ಪ್ರೇಕ್ಷಕರದು. ಬಸ್ಸುಗಳಿಗೆ ಯಾವುದೇ ನಿರ್ಬಂಧವಿಲ್ಲ, ಎಚ್ಚರಿಕೆ ತೆಗೆದುಕೊಳ್ಳಬೇಕಾದವರು ಪ್ರಯಾಣಿಕರು. ಇದೊಂಥರಾ ಸಿಗರೇಟು ಪ್ಯಾಕ್ ಹಾಗೂ ಮದ್ಯದ ಬಾಟಲಿ ಮೇಲೆ ‘ಎಚ್ಚರಿಕೆ’ ಎಂದು ಬರೆದು ಮಾರಾಟಕ್ಕಿಟ್ಟಂತೆ! ಹೀಗಾಗಿ, ಜನ ಎಲ್ಲಿಗಾದರೂ ಹೋಗಲಿ, ನಿಯಮ ಪಾಲಿಸುವುದನ್ನು ಮಾತ್ರ ಮರೆಯಬಾರದು.
