‘ಬಾಹ್ಯಾಡಂಬರ, ಒಣಪ್ರತಿಷ್ಠೆ ಸಲ್ಲ’ ಎನ್ನುವ ಪತ್ರದಲ್ಲಿ (ವಾ.ವಾ., ಮಾರ್ಚ್ 10) ಶಿವನಕೆರೆ ಬಸವಲಿಂಗಪ್ಪ ಅವರು ಮಹಿಳೆಯರ ಸಮಾನತೆಯನ್ನು ಎತ್ತಿ ಹಿಡಿಯುವ ಒಳ್ಳೆಯ ದೃಷ್ಟಿಕೋನದಿಂದಲೇ ಬರಹವನ್ನು ಪ್ರಾರಂಭಿ ಸಿದ್ದರೂ ಕಡೆಗೆ ಮಹಿಳೆಯರು ಮೇಕಪ್ ಮಾಡಿಕೊಳ್ಳುವುದರ ಬಗ್ಗೆ ಅಸಹನೆ ಪ್ರದರ್ಶಿಸಿ, ತಮ್ಮ ಸಂದೇಶವನ್ನು ತಾವೇ ಗೊಂದಲಮಯವಾಗಿಸಿದ್ದಾರೆ. ಹೆಣ್ಣು ತನ್ನ ದೈಹಿಕ ಸೌಂದರ್ಯದ ಬಗ್ಗೆ ತಾಳುವ ನಿಲುವು ಏನೇ ಇದ್ದರೂ ಅದರ ಬಗ್ಗೆ ಹೆಣ್ಣಿನದೇ ಕಡೆಯ ತೀರ್ಮಾನವಾಗಬೇಕು. ಅದರ ಬಗ್ಗೆ ಪೂರ್ವಗ್ರಹ ಪ್ರಚೋದಿತ ತೀರ್ಪುಗಳನ್ನು ನೀಡುವುದು ಗಂಡಸರ ಕೆಲಸವೂ ಅಲ್ಲ, ಅದು ಅವರ ಜನ್ಮಸಿದ್ಧ ಹಕ್ಕೂ ಅಲ್ಲ. ಹೆಣ್ಣು ಮೇಕಪ್ ಮಾಡಿಕೊಂಡರೆ ಪರಿಸರ ಮಾಲಿನ್ಯ ಹೆಚ್ಚುತ್ತದೆ ಎಂದು ವ್ಯಾಖ್ಯಾನಿಸುವುದು ಹಾಸ್ಯಾಸ್ಪದವಲ್ಲವೇ?
