ಸಂವಿಧಾನ ಕಲಿಕೆಯು ಎಲ್ಲಾ ಹಂತಗಳಲ್ಲೂ ಪಠ್ಯರೂಪದಲ್ಲಿ ಸಿಗುವಂತಾದರೆ, ಅದರಲ್ಲೂ ವಿದ್ಯಾರ್ಥಿಗಳಿಗೆ ಸಂವಿಧಾನದ ಪೂರ್ಣ ಪರಿಚಯವಾದರೆ, ಅವರು ಮುಂದೆ ದೊಡ್ಡವರಾಗಿ ರಾಜಕೀಯ ರಂಗ ಪ್ರವೇಶಿಸಿದರೆ, ಅವರಿಗೆ ಅವರ ಹಕ್ಕು ಮತ್ತು ಕರ್ತವ್ಯದ ಬಗ್ಗೆ ಹೆಚ್ಚು ಮಾಹಿತಿ ದೊರೆತಂತಾಗುತ್ತದೆ. ಸಂವಿಧಾನ ಕಲಿಕೆಯು ಬರೀ ಕಾನೂನು ವಿದ್ಯಾರ್ಥಿಗಳಿಗೆ ಸೀಮಿತವಾಗಬಾರದು. ಪ್ರತಿಯೊಬ್ಬ ಭಾರತೀಯನೂ ಸಂವಿಧಾನದ ಬಗ್ಗೆ ಕನಿಷ್ಠ ತಿಳಿವಳಿಕೆ ಹೊಂದಿರಬೇಕು.
