ಇದೇ ಅಕ್ಟೋಬರ್ 10ರಂದು ದೇಶದಾದ್ಯಂತ ನಾಗರಿಕ ಸೇವಾ (ಯುಪಿಎಸ್‌ಸಿ) ಪೂರ್ವಭಾವಿ ಪರೀಕ್ಷೆ ನಡೆಯುತ್ತಿದೆ. ಇಂಗ್ಲಿಷ್ ಜೊತೆಗೆ ಹಿಂದಿ ಮಾಧ್ಯಮದಲ್ಲಿ ಮಾತ್ರ ಇದು ಇರುತ್ತದೆ. ಹಿಂದಿ ಭಾಷಿಕರಿಗೆ ಅವರ ನುಡಿಯಲ್ಲಿಯೇ ಎಲ್ಲಾ ಅನುಕೂಲಗಳನ್ನು ಮಾಡಿಕೊಟ್ಟು ಉಳಿದ ಭಾಷಿಕರಿಗೆ ಬೆನ್ನು ತಿರುಗಿಸುವುದನ್ನು ಹೇಗೆ ಸ್ಪರ್ಧಾತ್ಮಕ ಪರೀಕ್ಷೆ ಎಂದು ಕರೆಯಲು ಸಾಧ್ಯ? ಇದು ಭಾಷಾವಾರು ಒಕ್ಕೂಟ ಧರ್ಮದ ಸ್ಪಷ್ಟ ಉಲ್ಲಂಘನೆಯಾಗಿದೆ. ಈ ಪರೀಕ್ಷೆಯು ಅತ್ಯಂತ ಸಹಜವಾಗಿ, ಸಂವಿಧಾನಾತ್ಮಕವಾಗಿ ಕನ್ನಡವೂ ಸೇರಿದಂತೆ ಉಳಿದ ಭಾರತೀಯ ಭಾಷೆಗಳಲ್ಲಿಯೂ ಸಿಗಬೇಕು.
