ಗುರುವಾರ , ಸೆಪ್ಟೆಂಬರ್ 23, 2021
21 °C

ನೆನಪಾಗುತ್ತಿದೆ ಕುಮಾರವ್ಯಾಸನ ಮಾತು...

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬಿಜೆಪಿ ರಾಜ್ಯ ಘಟಕದ ಪ್ರಧಾನ ಕಾರ್ಯದರ್ಶಿ ಎನ್.ರವಿಕುಮಾರ್ ಅವರು, ‘ಬೆಲೆ ಏರಿಕೆಯಾಗಿದೆ ಎಂದು ಜನರು ಊಟ ಮಾಡುವುದು, ಪೂಜೆ ಮಾಡುವುದನ್ನು ಬಿಟ್ಟಿದ್ದಾರೆಯೇ?’ ಎಂದು ಹೇಳಿ (ಪ್ರ.ವಾ., ಸೆ. 7) ಅಗತ್ಯ ವಸ್ತುಗಳ ಬೆಲೆಯೇರಿಕೆಯನ್ನು ಸಮರ್ಥಿಸಿಕೊಂಡಿದ್ದಾರೆ.

ಇದು, ಸಾಮಾನ್ಯ ಜನರ ಬಗೆಗೆ ಜನಪ್ರತಿನಿಧಿಗಳು ಸಂವೇದನಾಶೂನ್ಯರಾಗುತ್ತಿರುವುದರ ಸೂಚಕ. ಹಸಿವು ಎಂದರೇನೆಂದು ಇವರು ಅರಿಯದೆ ಇರುವುದಷ್ಟೇ ಅಲ್ಲ ಬಡವರ ಹಸಿವಿನ ಸಮಸ್ಯೆಯ ಬಗೆಗಿನ ಅಣಕದ ಮನಃಸ್ಥಿತಿ ಯನ್ನು ತೋರಿಸುತ್ತದೆ!‌

ಕನ್ನಡದ ಮಹಾಕವಿ ಕುಮಾರವ್ಯಾಸ ಹೇಳಿದ, ‘ಅರಸು ರಾಕ್ಷಸ, ಮಂತ್ರಿಯೆಂಬುವ/ ಮೊರೆವ ಹುಲಿ ಪರಿವಾರ ಹದ್ದಿನ/ ನೆರವಿ ಬಡವರ ಬಿನ್ನಪವನಿನ್ನಾರು ಕೇಳುವರು/ ಉರಿಉರಿವುತಿದೆ ದೇಶ...’ ಎಂಬ ಮಾತು ಥಟ್ಟನೆ ನೆನಪಾಗಿ ವಿಷಾದದ ಭಾವ ಆವರಿಸಿಕೊಳ್ಳುತ್ತದೆ. 

- ಪು.ಸೂ.ಲಕ್ಷ್ಮೀನಾರಾಯಣ ರಾವ್, ಬೆಂಗಳೂರು

 

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.