ನಾಡು–ನುಡಿ ಸಂರಕ್ಷಣೆ, ಅಭಿವೃದ್ಧಿಗಾಗಿ ಶ್ರಮಿಸಬೇಕಾದ ಸರ್ಕಾರಗಳು ಮಾಡುವ ಕೆಲಸ ಇಂಥದ್ದು! ಭಾಷೆಯ ಮಹತ್ವ ಅರಿಯದ, ಕಲಿಕಾ ಮಾಧ್ಯಮ, ಭಾಷಾ ಕಲಿಕೆಯ ವ್ಯತ್ಯಾಸ ಅರಿಯದ ರಾಜಕೀಯ ನಡೆ ಇದು. ರಾಜ್ಯದ ಆಡಳಿತಭಾಷೆಯಲ್ಲಿ ಸಮರ್ಪಕ ಶಿಕ್ಷಣ ನೀಡಲಾಗದ ಸರ್ಕಾರಗಳು, ಅದೇ ಶಿಕ್ಷಕ ವೃಂದದಿಂದ ಇಂಗ್ಲಿಷ್ ಮಾಧ್ಯಮ ಶಾಲೆಗಳ ಮೂಲಕ ಜನರನ್ನು ಉದ್ಧರಿಸಲು ಹೊರಟಿರುವುದು ವಿಪರ್ಯಾಸದ ಸಂಗತಿ. ರಾಷ್ಟ್ರೀಯ ಶಿಕ್ಷಣ ನೀತಿ ಅಥವಾ ಸ್ಪಷ್ಟ ಭಾಷಾ ನೀತಿ ಇಲ್ಲದ ರಾಷ್ಟ್ರದಲ್ಲಿ ಇಂಥದ್ದೆಲ್ಲ ನಿರೀಕ್ಷಿತವೆ. ಹೊಸ ಶಿಕ್ಷಣ ನೀತಿ ಮೂಲಕ ನಮ್ಮ ಇಡೀ ಶಿಕ್ಷಣ ವ್ಯವಸ್ಥೆಗೆ ಕಾಯಕಲ್ಪ ನೀಡಿ, ದೇಶಿ ಭಾಷೆಗಳಿಗೆ ಬಲ ತುಂಬಬೇಕಾಗಿದೆ.