ಮಂಗಳವಾರ, ಮೇ 11, 2021
26 °C

ವಾಚಕರ ವಾಣಿ: ಮಾತಿಗೆ ಇರಲಿ ನಿಯಂತ್ರಣ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಪಂಚರಾಜ್ಯಗಳ ಚುನಾವಣಾ ಫಲಿತಾಂಶದ ವಿಶ್ಲೇಷಣೆಗಳಲ್ಲಿ ನಾವು ಬಹುಮುಖ್ಯ ಸಂಗತಿಯೊಂದನ್ನು ಕಡೆಗಣಿಸುತ್ತಿದ್ದೇವೆ. ಅದೇನೆಂದರೆ, ಪಶ್ಚಿಮ ಬಂಗಾಳದ ಚುನಾವಣಾ ಫಲಿತಾಂಶವು ಬೆಂಕಿ ಉಗುಳುವ ಭಾಷಣಕಾರರಿಬ್ಬರ ಸೋಲು ಗೆಲುವಾಗಿದೆ ಎಂಬುದು. ನರೇಂದ್ರ ಮೋದಿ ಅವರು ಇದಕ್ಕೆ ಮುನ್ನುಡಿ ಬರೆದರೆ, ಮಮತಾ ಬ್ಯಾನರ್ಜಿ ಅದಕ್ಕೆ ಮಾರ್ನುಡಿದರು. ಇದು ನಿಜಕ್ಕೂ ಪ್ರಜಾಪ್ರಭುತ್ವಕ್ಕೆ ಕಳವಳಕಾರಿ. ಏಕೆಂದರೆ ಚುನಾವಣೆ ಎಂಬುದು ಸರ್ಕಾರ ರಚಿಸಲು ಒಂದು ಅವಕಾಶವೇ ಹೊರತು ಅದು ಇಬ್ಬರು ಪರಸ್ಪರ ಕೆಸರೆರಚಲು ಇರುವ ಅವಕಾಶವಲ್ಲ.

ಮಮತಾ ಅವರನ್ನು ದೀದಿಯೆಂದೇ ಹಂಗಿಸುವ ಶೈಲಿಯಲ್ಲಿ ಮೋದಿ ಮಾತನಾಡಿದರೆ, ಮೋದಿಯವರನ್ನು ಹೊರಗಿನವರೆಂದೇ ಮಮತಾ ಹಂಗಿಸಿದರು. ಜನರ ಸಮಸ್ಯೆಗಳ ಕುರಿತು ಚರ್ಚಿಸುವ ಬದಲು ಪರಸ್ಪರ ಹೀಯಾಳಿಸುವ, ದ್ವೇಷಿಸುವ ವೈಯಕ್ತಿಕ ಮಾತುಗಳು ಇಬ್ಬರಲ್ಲೂ ಮೂಡಿಬಂದವು. ಹೀಗಾಗಿ ಈ ರೀತಿಯ ಭಾಷಣಗಳನ್ನು ಚುನಾವಣಾ ಕಣದಿಂದ ದೂರವಿಡುವ ಕಡೆ ಚುನಾವಣಾ ಆಯೋಗ ಯೋಚಿಸಬೇಕಿದೆ.

ಹುರುಕಡ್ಲಿ ಶಿವಕುಮಾರ, ಬಾಚಿಗೊಂಡನಹಳ್ಳಿ, ಹಗರಿಬೊಮ್ಮನಹಳ್ಳಿ

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು