ಕರ್ನಾಟಕದ ಸವಿತಾ ಸಮಾಜದ ಅಭಿವೃದ್ಧಿ ನಿಗಮದವರು ಸೌಂದರ್ಯ ಪ್ರಸಾಧನಗಳ (ಕಾಸ್ಮೆಟಿಕ್) ಉತ್ಪಾದನೆ, ಅಭಿವೃದ್ಧಿಗೆಂದು ಬೆಂಗಳೂರಿನ ಬಳಿ 150 ಎಕರೆ ಜಾಗದಲ್ಲಿ ‘ಕಾಸ್ಮಿಕ್ ಪಾರ್ಕ್’ ರೂಪಿಸುವುದಾಗಿ ಹೇಳಿದ್ದಾರೆ. ಅವರ ಯತ್ನಕ್ಕೆ ಜೈ ಎನ್ನೋಣ. ಆದರೆ ‘ಕಾಸ್ಮಿಕ್’ ಎಂದರೆ ನಭೋಮಂಡಲದ ಗೆಲಾಕ್ಸಿ, ನಕ್ಷತ್ರಪುಂಜ, ಕಪ್ಪುರಂಧ್ರ, ಗುರುತ್ವತರಂಗ, ನ್ಯೂಟ್ರಿನೊಧಾರೆಗಳ ಬಹುದೊಡ್ಡ ಬ್ರಹ್ಮಾಂಡ ಎಂಬ ಅರ್ಥವಿದೆ. ಹೇನು, ಮೊಡವೆ, ಹೊಟ್ಟು, ಸುಕ್ಕುಗಳ ನಿವಾರಣೆಯ ಟೆಕ್ನಾಲಜಿಗೆ ಆ ಕಾಸ್ಮಿಕ್ ಹೆಸರನ್ನು ಎಳೆತರುವುದು ಸೂಕ್ತವಲ್ಲ.