ವಾಚಕರ ವಾಣಿ: ರೈಲ್ವೆ ಇಲಾಖೆಯಿಂದ ದುಬಾರಿ ದರ

ಸಂಬಂಧಿಕರನ್ನು ರೈಲಿಗೆ ಹತ್ತಿಸಲು ಬೆಂಗಳೂರಿನ ಮೆಜೆಸ್ಟಿಕ್ ರೈಲು ನಿಲ್ದಾಣಕ್ಕೆ ತೆರಳಿ ಪ್ಲ್ಯಾಟ್‌ಫಾರ್ಮ್‌ ಟಿಕೆಟ್‌ ಖರೀದಿಸಿದೆ. ಸಾಮಾನ್ಯವಾಗಿ ₹ 5 ಅಥವಾ ₹ 10 ಇರುತ್ತಿದ್ದ ಟಿಕೆಟ್ ಬೆಲೆ ₹ 50 ಆಗಿದ್ದು ನೋಡಿ, ನಿಜಕ್ಕೂ ಭಾರತ ಯಾವ ದಿಕ್ಕಿಗೆ ಸಾಗುತ್ತಿದೆ ಎನಿಸಿ ನೋವಾಯಿತು. ಮಹಿಳೆಯರು, ಮಕ್ಕಳು ಅಥವಾ ವೃದ್ಧರು ಪ್ರಯಾಣಿಸುವಾಗ ಅವರನ್ನು ಸುರಕ್ಷಿತವಾಗಿ ರೈಲು ಹತ್ತಿಸಲು ಅವರ ಕಡೆಯವರು ನಿಲ್ದಾಣಕ್ಕೆ ತೆರಳುವುದು ಸಾಮಾನ್ಯ. ಆದರೆ ಅದಕ್ಕಾಗಿ ರೈಲ್ವೆ ಇಲಾಖೆಯು ಪ್ಲ್ಯಾಟ್‌ಫಾರ್ಮ್‌ ಪ್ರವೇಶ ದರವನ್ನು ತಲಾ ₹ 50 ವಿಧಿಸುವುದು ಅತ್ಯಂತ ದುಬಾರಿ. ಹಿಂದಿನಂತೆ ದರ ನಿಗದಿ ಮಾಡಬೇಕು. ಇಲ್ಲದಿದ್ದರೆ ತಮ್ಮ ಕುಟುಂಬಸ್ಥರನ್ನು ಸುರಕ್ಷಿತವಾಗಿ ರೈಲು ಹತ್ತಿಸಲು ಸಾಧ್ಯವಾಗದೆ ಜನ ತೊಂದರೆಗೆ ಸಿಲುಕುವ ಸಾಧ್ಯತೆ ಇರುತ್ತದೆ.

–ಇಫಾ೯ನ್ ಇಟಗಿ, ಬೆಂಗಳೂರು