ಪಿಚ್ಚರ್ ನೋಡಿ

ವಿಚಿತ್ರ ಜೀವಿಗಳು ಮತ್ತು ಮನುಷ್ಯನ ದುರಾಸೆಯನ್ನು ಇಟ್ಟುಕೊಂಡು ಸಿನಿಮಾ ಮಾಡುವುದು ಹಾಲಿವುಡ್ನಲ್ಲಿ ಹೊಸದೇನಲ್ಲ. ಇಂಥ ಸಿನಿಮಾಗಳ ಉದ್ದ ಪಟ್ಟಿಯನ್ನೇ ತಯಾರಿಸಬಹುದು. ಇಂಥದ್ದೇ ವಸ್ತುವನ್ನು ಇರಿಸಿಕೊಂಡಿದ್ದರೂ ಹಿಂದಿನ ಎಲ್ಲ ಸಿನಿಮಾಗಳಿಗಿಂತ ಭಿನ್ನವಾಗಿ ನಿಲ್ಲುವುದು 2017ರಲ್ಲಿ ತೆರೆಕಂಡ ಆಸ್ಕರ್ ಪ್ರಶಸ್ತಿ ಪುರಸ್ಕೃತ ಚಿತ್ರ ‘ಶೇಪ್ ಆಫ್ ವಾಟರ್’.

. ಈ ಚಿತ್ರದ ನಿರ್ದೇಶಕ ಗುಯಿಲ್ಲೆರ್ಮೊ ಡೆಲ್ ಟೊರೊ. ಅಮೆರಿಕ ಮತ್ತು ರಷ್ಯಾ ದೇಶಗಳ ನಡುವಿನ ಶೀತಲ ಸಮರ ತಾರಕಕ್ಕೇರಿದ್ದ ಕಾಲಘಟ್ಟದಲ್ಲಿ ನಡೆಯುವ ಕಥನ ಇದು. ತಾಂತ್ರಿಕವಾಗಿಯೂ ತುಂಬ ಬಿಗಿಯಾಗಿರುವ ಕಾರಣಕ್ಕಾಗಿಯೇ ಈ ಚಿತ್ರ ಗಮನಿಸಲೇಬೇಕಾದ ಸಿನಿಮಾಗಳ ಸಾಲಿಗೆ ಸೇರಿಕೊಳ್ಳುತ್ತದೆ.

. ಅಮೆರಿಕದ ಸರ್ಕಾರಿ ಅಧೀನದಲ್ಲಿರುವ ಲ್ಯಾಬ್ ಒಂದರಲ್ಲಿ ಒಂದು ವಿಚಿತ್ರ ಜೀವಿನ್ನು ಸೆರೆಹಿಡಿದು ಇಡಲಾಗಿದೆ. ಮನುಷ್ಯನ ಆಕಾರವನ್ನೂ ಸಮುದ್ರಜೀವಿಗಳ ಲಕ್ಷಣವನ್ನೂ ಹೊಂದಿರುವ ಆ ಜೀವಿಯ ಕುರಿತಾಗಿ ಅಧ್ಯಯನ ನಡೆಯುತ್ತಿದೆ. ಇದೇ ನೆಪದಲ್ಲಿ ಅದಕ್ಕೆ ಚಿತ್ರಹಿಂಸೆಯನ್ನೂ ಕೊಡಲಾಗುತ್ತದೆ.

. ಈ ಲ್ಯಾಬ್ನಲ್ಲಿ ನೆಲ ಒರೆಸುವ ಕೆಲಸ ಮಾಡುತ್ತಿರುವ ಎಲಿಸಾಗೆ ಆ ವಿಚಿತ್ರ ಜೀವಿಯ ಜತೆಗೆ ಬಾಂಧವ್ಯ ಬೆಳೆಯುತ್ತದೆ. ಎಲಿಸಾ ಅನಾಥೆ. ಮೂಗಿ. ಸನ್ನೆಯ ಮೂಲಕವೇ ಮಾತನಾಡುವವಳು. ಇನ್ನೇನು ಸಾಯುವ ಹಂತದಲ್ಲಿರುವ ಆ ಜೀವಿಯನ್ನು ಬದುಕಿಸುವ ಸಂಕಲ್ಪ ಮಾಡುತ್ತಾಳೆ. ಆ ಬಿಗಿ ಭದ್ರತೆಯ ನಡುವೆಯೂ ಆ ಜೀವಿಯನ್ನು ಕದ್ದೊಯ್ದು ತನ್ನ ಮನೆಯಲ್ಲಿರಿಸಿಕೊಳ್ಳುತ್ತಾಳೆ.

. ಹೀಗೆ ಅನ್ಯಗ್ರಹದ ಜೀವಿಯ ಜತೆಗಿನ ಹುಡುಗಿಯೊಬ್ಬಳ ಪ್ರೇಮಸಂಬಂಧ ಮತ್ತು ಮನುಷ್ಯನೊಳಗಿನ ಕ್ರೌರ್ಯ, ಹಿಂಸೆಯ ಬೇರುಗಳನ್ನು ಕಟ್ಟಿಕೊಡುವ ಕಾರಣಕ್ಕೆ ಶೇಪ್ ಆಫ್ ವಾಟರ್ ಸಿನಿಮಾ ಇಷ್ಟವಾಗುತ್ತದೆ.

. ಅಲೆಕ್ಸಾಂಡ್ರೆ ಡೆಸ್ಪ್ಲ್ಯಾಟ್ ಅವರ ಸಂಗೀತ ಈ ಚಿತ್ರದ ಆತ್ಮಶಕ್ತಿ. ಸನ್ನಿವೇಶ, ಪಾತ್ರಗಳ ಭಾವುಕ ಏರಿಳಿತಗಳನ್ನು ಅವರ ಸಂಗೀತದ ಎಳೆಗಳು ಇನ್ನಷ್ಟು ತೀವ್ರಗೊಳಿಸಿವೆ. ಡ್ಯಾನ್ ಲೌಸ್ಟೆನ್ ಅವರ ಛಾಯಾಗ್ರಹಣವನ್ನೂ ನೆನಪಿಸಿಕೊಳ್ಳಲೇಬೇಕು. ಮಾತೇ ಬರದ ಮೂಗಿ ಹುಡುಗಿಯ ಅಂತರಂಗವನ್ನು ಸ್ಯಾಲಿ ಹಾವ್ಕಿನ್ಸ್ ಕಣ್ಣುಗಳಲ್ಲಿಯೇ ವ್ಯಕ್ತಪಡಿಸುವ ಪ್ರತಿಭಾವಂತೆ. ನೋವನ್ನೂ, ವ್ಯಂಗ್ಯವನ್ನೂ ವ್ಯಕ್ತಪಡಿಸಲು ಅವರಿಗೆ ಕಣ್ಣುಗಳೇ ಭಾಷೆಯಾಗಿ ಒದಗಿಬಂದಿವೆ. ಕ್ರೂರ ಅಧಿಕಾರಿಯಾಗಿ ಮೈಖೆಲ್ ಕಾರ್ಬೆಟ್ ಶೆನನ್ ಕೂಡ ವಿಜೃಂಭಿಸುತ್ತಾರೆ.

. ಹಾಗೆಂದು ‘ಶೇಪ್ ಆಫ್ ವಾಟರ್’ ಅತ್ಯದ್ಭುತ ಸಿನಿಮಾ ಏನಲ್ಲ. ಸಿನಿಮಾ ವ್ಯಾಕರಣವನ್ನು ವಿಸ್ತರಿಸಬಲ್ಲ ಮಹತ್ವಾಕಾಂಕ್ಷೆಯಾಗಲಿ, ಬದುಕಿನ ಆಳವಾದ ತಲ್ಲಣಗಳನ್ನು ಹಿಡಿದಿಡಬಲ್ಲ ಲಕ್ಷಣವಾಗಲಿ ಇರುವ ಸಿನಿಮಾ ಕೂಡ ಅಲ್ಲ. ಮಾಮೂಲಿ ಅನಿಸುವಂಥ ಕಥೆಯನ್ನೇ ಅಚ್ಚುಕಟ್ಟಾಗಿ ತೋರಿಸುವ ಸಿನಿಮಾ. ಆಸ್ಕರ್ ಪ್ರಶಸ್ತಿ ದೊರೆತ ಚಿತ್ರಗಳೆಲ್ಲವೂ ಅತೀ ಶ್ರೇಷ್ಠವೇ ಆಗಿರುವುದಿಲ್ಲ ಎನ್ನುವುದನ್ನು ಮನವರಿಕೆ ಮಾಡಿಕೊಳ್ಳುವುದಕ್ಕಾಗಿಯಾದರೂ ಈ ಚಿತ್ರವನ್ನು ನೋಡಬೇಕು.

. ಅಂತರ್ಜಾಲದಲ್ಲಿ https://bit.ly/2FLLLrB ಕೊಂಡಿ ಬಳಸಿ ಈ ಚಿತ್ರವನ್ನು ವೀಕ್ಷಿಸಬಹುದು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪಿಚ್ಚರ್ ನೋಡಿ

ಚಿನಕುರುಳಿ Cartoon: 11 ಜುಲೈ 2025

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ: ಹೇಳಿಕೆ ದಾಖಲಿಸಿದ ದೂರುದಾರ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಲಾರ್ಡ್ಸ್‌ ಟೆಸ್ಟ್‌ನಲ್ಲಿ 5 ವಿಕೆಟ್ ಉರುಳಿಸಿದರೂ ಸಂಭ್ರಮಿಸದ ಬೂಮ್ರಾ: ಕಾರಣವೇನು?

ಲಾರ್ಡ್ಸ್‌ನಲ್ಲಿ 350ರ ಗಡಿ ದಾಟಿದ ಆಂಗ್ಲರು: ಭಾರತದ ಜಯದ ಹಾದಿ ಕಠಿಣ! ಕಾರಣವೇನು?

ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿಹೆಚ್ಚು ಕ್ಯಾಚ್: ದ್ರಾವಿಡ್ ದಾಖಲೆ ಮುರಿದ ಜೋ ರೂಟ್

ಡ್ಯೂಕ್ ಚೆಂಡಿನ ಗುಣಮಟ್ಟ ಹೆಚ್ಚಳಕ್ಕೆ ಬದ್ಧ: ಬ್ರಿಟಿಷ್ ಕ್ರಿಕೆಟ್ ಬಾಲ್ಸ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ: ಹೇಳಿಕೆ ದಾಖಲಿಸಿದ ದೂರುದಾರ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ