<p><strong>ಹುಬ್ಬಳ್ಳಿ: </strong>ಪ್ರತಿ ಬಾರಿ ರಂಜಾನ್ಗೆ ಹೊಸ ವಸ್ತ್ರ ವಿನ್ಯಾಸದ ಟ್ರೆಂಡ್ ಕಂಡು ಬರುತ್ತದೆ. ಈ ಬಾರಿ ಕೋವಿಡ್ ನಡುವೆಯೂ ಜಗತ್ತಿನ ಬಹುತೇಕ ರಾಷ್ಟ್ರಗಳಲ್ಲಿನ ಮುಸ್ಲಿಂ ಯುವತಿಯರ, ಮಕ್ಕಳ ಗಮನ ಸೆಳೆದಿದೆ ಹಲಿಮಾ ಸುಲ್ತಾನ ಉಡುಪು.</p>.<p>ಉಣ್ಣೆ, ವೆಲ್ವೆಟ್, ಬ್ರೊಕೇಟ್, ಟಫೆಟಾ, ಹತ್ತಿ, ರೇಷ್ಮೆಯಂತಹ ಬಟ್ಟೆಗಳಿಂದ ಹೊಲಿದ, ಮುತ್ತು, ಹರಳು, ಸಣ್ಣ ಸಣ್ಣ ಕನ್ನಡಿ, ಕುಂದನ್ನ ಕುಸುರಿಯಿಂದ ಕೂಡಿದ ಕಫ್ತಾನ್, ಅದರ ಮೇಲೆ ಯೆಲೆಕ್, ತಲೆಗೆ ಬಾಷ್ಲಿಕ್ಸ್, ವಿಶಾಲವಾಗಿ ಹರಡುವ ಲೆಹೆಂಗಾ. ಇದಕ್ಕೆ ಮತ್ತಷ್ಟು ಸೌಂದರ್ಯ ತುಂಬಲು ಸುಂದರ ವಿನ್ಯಾಸದ ಬೆಲ್ಟ್....</p>.<p>ಅಡಿಯಿಂದ ಮುಡಿವರೆಗೂ, ಮೈತುಂಬ ಚಿತ್ತಾರಗಳಿಂದ ಕೂಡಿದ ಈ ವಸ್ತ್ರ ವಿನ್ಯಾಸ ಹಲಿಮಾ ಸುಲ್ತಾನ ವಸ್ತ್ರ ಎಂದೇ ಪ್ರಸಿದ್ಧಿಯಾಗಿದೆ. ಸಾಂಪ್ರದಾಯಿಕ ವಾಸ್ತುಶಿಲ್ಪವೇ ಮೂಡಿದಂತಹ ವಿನ್ಯಾಸದಿಂದ ಕೂಡಿದ ಈ ವಸ್ತ್ರ ಧರಿಸಿದರೆ ಟರ್ಕೀಸ್ ಕಲಾಕೃತಿಯೇ ಕಣ್ಣ ಮುಂದೆ ಓಡಾಡಿದಂತೆ ಭಾಸವಾಗುತ್ತದೆ.</p>.<p>ಪೆಪ್ಲುಮ್, ವೆಲ್ವೇಟ್ನ ಸ್ಟ್ರೇಟ್ ಕಟ್ ಫ್ರಾಕಿಗೆ, ಸೀಕ್ರೆಟ್ ಪ್ಯಾಂಟ್ (ಪೆನ್ಸಿಲ್ ಬಾಟಂ), ವಿಶಾಲವಾದ ಲೆಹೆಂಗಾ. ಉಡುಪಿನ ಹಿಂಭಾಗವೂ ವಿನ್ಯಾಸ ಭರಿತ. ಉದ್ದನೆಯ ವಿಭಿನ್ನ ಶೈಲಿಯ ಕೋಟ್, ಟರ್ಕೀಸ್ನಲ್ಲಿ ಬಾಷ್ಲಿಕ್ಸ್ (ತಾಜ್) ಎಂದು ಕರೆಯುವ ಟೊಪ್ಪಿ ಈ ವಸ್ತ್ರ ವಿನ್ಯಾಸ ಸೌಂದರ್ಯವನ್ನು ಇಮ್ಮಡಿಗೊಳಿಸುತ್ತದೆ. ಮೊಣಕೈಯಿಂದ ಮಣಿಕಟ್ಟಿನವರೆಗೆ ಸುಂದರ ಗುಂಡಿಗಳನ್ನು ಹೊಂದಿರುವ ಉದ್ದನೆ ತೋಳಿನ ಕಫ್ತಾನ್ (ನಿಲುವಂಗಿ) ನೋಡಿದವರ ಕಣ್ಣು ಕೋರೈಸುತ್ತದೆ.</p>.<p>ಸದ್ಯ ಹೈದರಾಬಾದ್ ಬಜಾರ್, ಆನ್ಲೈನ್ನಲ್ಲಿ ಬೇಡಿಕೆ ಜೋರಿದೆ. ಕೋವಿಡ್, ಲಾಕ್ಡೌನ್ ಕಾರಣ ಹಬ್ಬದ ಸಂಭ್ರಮ ಕಮರಿದೆ. ಕನಸಿನ ಸುಲ್ತಾನಳಂತೆ ಕಾಣಲು ಬಯಸಿದ್ದವರ ಕನಸಿಗೆ ತಣ್ಣೀರು ಎರಚಿದಂತಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹುಬ್ಬಳ್ಳಿ: </strong>ಪ್ರತಿ ಬಾರಿ ರಂಜಾನ್ಗೆ ಹೊಸ ವಸ್ತ್ರ ವಿನ್ಯಾಸದ ಟ್ರೆಂಡ್ ಕಂಡು ಬರುತ್ತದೆ. ಈ ಬಾರಿ ಕೋವಿಡ್ ನಡುವೆಯೂ ಜಗತ್ತಿನ ಬಹುತೇಕ ರಾಷ್ಟ್ರಗಳಲ್ಲಿನ ಮುಸ್ಲಿಂ ಯುವತಿಯರ, ಮಕ್ಕಳ ಗಮನ ಸೆಳೆದಿದೆ ಹಲಿಮಾ ಸುಲ್ತಾನ ಉಡುಪು.</p>.<p>ಉಣ್ಣೆ, ವೆಲ್ವೆಟ್, ಬ್ರೊಕೇಟ್, ಟಫೆಟಾ, ಹತ್ತಿ, ರೇಷ್ಮೆಯಂತಹ ಬಟ್ಟೆಗಳಿಂದ ಹೊಲಿದ, ಮುತ್ತು, ಹರಳು, ಸಣ್ಣ ಸಣ್ಣ ಕನ್ನಡಿ, ಕುಂದನ್ನ ಕುಸುರಿಯಿಂದ ಕೂಡಿದ ಕಫ್ತಾನ್, ಅದರ ಮೇಲೆ ಯೆಲೆಕ್, ತಲೆಗೆ ಬಾಷ್ಲಿಕ್ಸ್, ವಿಶಾಲವಾಗಿ ಹರಡುವ ಲೆಹೆಂಗಾ. ಇದಕ್ಕೆ ಮತ್ತಷ್ಟು ಸೌಂದರ್ಯ ತುಂಬಲು ಸುಂದರ ವಿನ್ಯಾಸದ ಬೆಲ್ಟ್....</p>.<p>ಅಡಿಯಿಂದ ಮುಡಿವರೆಗೂ, ಮೈತುಂಬ ಚಿತ್ತಾರಗಳಿಂದ ಕೂಡಿದ ಈ ವಸ್ತ್ರ ವಿನ್ಯಾಸ ಹಲಿಮಾ ಸುಲ್ತಾನ ವಸ್ತ್ರ ಎಂದೇ ಪ್ರಸಿದ್ಧಿಯಾಗಿದೆ. ಸಾಂಪ್ರದಾಯಿಕ ವಾಸ್ತುಶಿಲ್ಪವೇ ಮೂಡಿದಂತಹ ವಿನ್ಯಾಸದಿಂದ ಕೂಡಿದ ಈ ವಸ್ತ್ರ ಧರಿಸಿದರೆ ಟರ್ಕೀಸ್ ಕಲಾಕೃತಿಯೇ ಕಣ್ಣ ಮುಂದೆ ಓಡಾಡಿದಂತೆ ಭಾಸವಾಗುತ್ತದೆ.</p>.<p>ಪೆಪ್ಲುಮ್, ವೆಲ್ವೇಟ್ನ ಸ್ಟ್ರೇಟ್ ಕಟ್ ಫ್ರಾಕಿಗೆ, ಸೀಕ್ರೆಟ್ ಪ್ಯಾಂಟ್ (ಪೆನ್ಸಿಲ್ ಬಾಟಂ), ವಿಶಾಲವಾದ ಲೆಹೆಂಗಾ. ಉಡುಪಿನ ಹಿಂಭಾಗವೂ ವಿನ್ಯಾಸ ಭರಿತ. ಉದ್ದನೆಯ ವಿಭಿನ್ನ ಶೈಲಿಯ ಕೋಟ್, ಟರ್ಕೀಸ್ನಲ್ಲಿ ಬಾಷ್ಲಿಕ್ಸ್ (ತಾಜ್) ಎಂದು ಕರೆಯುವ ಟೊಪ್ಪಿ ಈ ವಸ್ತ್ರ ವಿನ್ಯಾಸ ಸೌಂದರ್ಯವನ್ನು ಇಮ್ಮಡಿಗೊಳಿಸುತ್ತದೆ. ಮೊಣಕೈಯಿಂದ ಮಣಿಕಟ್ಟಿನವರೆಗೆ ಸುಂದರ ಗುಂಡಿಗಳನ್ನು ಹೊಂದಿರುವ ಉದ್ದನೆ ತೋಳಿನ ಕಫ್ತಾನ್ (ನಿಲುವಂಗಿ) ನೋಡಿದವರ ಕಣ್ಣು ಕೋರೈಸುತ್ತದೆ.</p>.<p>ಸದ್ಯ ಹೈದರಾಬಾದ್ ಬಜಾರ್, ಆನ್ಲೈನ್ನಲ್ಲಿ ಬೇಡಿಕೆ ಜೋರಿದೆ. ಕೋವಿಡ್, ಲಾಕ್ಡೌನ್ ಕಾರಣ ಹಬ್ಬದ ಸಂಭ್ರಮ ಕಮರಿದೆ. ಕನಸಿನ ಸುಲ್ತಾನಳಂತೆ ಕಾಣಲು ಬಯಸಿದ್ದವರ ಕನಸಿಗೆ ತಣ್ಣೀರು ಎರಚಿದಂತಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
