IPL 2022: ಒಂದೇ ಓವರ್‌ನಲ್ಲಿ 4 ವಿಕೆಟ್; ವಿಶಿಷ್ಟ ದಾಖಲೆ ಬರೆದ ರಸೆಲ್
ಮುಂಬೈ: ಇಂಡಿಯನ್ ಪ್ರೀಮಿಯರ್ ಲೀಗ್ ಟ್ವೆಂಟಿ-20 ಕ್ರಿಕೆಟ್ ಟೂರ್ನಿಯಲ್ಲಿ ಒಂದೇ ಓವರ್‌ನಲ್ಲಿ ನಾಲ್ಕು ವಿಕೆಟ್ ಕಬಳಿಸಿರುವ ಕೋಲ್ಕತ್ತ ನೈಟ್ ರೈಡರ್ಸ್ ತಂಡದ ಆಲ್‌ರೌಂಡರ್ ಆ್ಯಂಡ್ರೆ ರಸೆಲ್ ವಿಶಿಷ್ಟ ದಾಖಲೆ ಬರೆದಿದ್ದಾರೆ.
ಶನಿವಾರ ಡಿ.ವೈ. ಪಾಟೀಲ ಮೈದಾನದಲ್ಲಿ ಗುಜರಾತ್ ಟೈಟನ್ಸ್ ವಿರುದ್ಧ ನಡೆಯುತ್ತಿರುವ ಪಂದ್ಯದಲ್ಲಿ ರಸೆಲ್, ಇನ್ನಿಂಗ್ಸ್‌ನ ಕೊನೆಯ ಓವರ್‌ನಲ್ಲಿ ಐದು ರನ್ ನೀಡಿ ನಾಲ್ಕು ವಿಕೆಟ್ ಕಬಳಿಸಿದರು.
ಈ ಮೂಲಕ ಐಪಿಎಲ್ ಇತಿಹಾಸದಲ್ಲೇ ಒಂದು ಓವರ್ ಅಥವಾ ಅದಕ್ಕಿಂತ ಕಡಿಮೆ ಎಸೆತಗಳಲ್ಲಿ ನಾಲ್ಕು ವಿಕೆಟ್ ಕಬಳಿಸಿದ ಮೊದಲ ಬೌಲರ್ ಎನಿಸಿದರು.
For his final-over brilliance and bowling figures of 4/5, @Russell12A is our Top Performer from the first innings 👏
— IndianPremierLeague (@IPL) April 23, 2022
Have a look at his bowling summary here ✅#TATAIPL #KKRvGT pic.twitter.com/EyjE8spNK4
ಈ ಹಿಂದೆ 2008ರಲ್ಲಿ ಲಕ್ಷ್ಮೀ ರತನ್ ಶುಕ್ಲಾ ಐದು ಎಸೆತಗಳಲ್ಲಿ ಆರು ರನ್ ನೀಡಿ 3 ವಿಕೆಟ್ ಕಬಳಿಸಿದ್ದರು. 2019ರಲ್ಲಿ ಶ್ರೇಯಸ್ ಗೋಪಾಲ್ ಒಂದು ಓವರ್‌ನಲ್ಲಿ 12 ರನ್ ನೀಡಿ 3 ವಿಕೆಟ್ ಪಡೆದಿದ್ದರು.
'ಕಳೆದ ವರ್ಷಕ್ಕೆ ಸಮಾನವಾದ ಜವಾಬ್ದಾರಿಯನ್ನು ನನಗೆ ವಹಿಸಿಕೊಡಲಾಗಿದೆ. ಕೊನೆಯ ಓವರ್‌ನಲ್ಲಿ ನಾನು ವಿಕೆಟ್ ಪಡೆಯಲು ಯತ್ನಿಸಿರಲಿಲ್ಲ. ಎದುರಾಳಿ ತಂಡವನ್ನು 160 ರನ್‌ಗೆ ಕಟ್ಟಿ ಹಾಕುವುದು ನನ್ನ ಯೋಜನೆಯಾಗಿತ್ತು' ಎಂದು ರಸೆಲ್ ಪ್ರತಿಕ್ರಿಯಿಸಿದ್ದಾರೆ.
ಆ್ಯಂಡ್ರೆ ರಸೆಲ್ ಓವರ್ ಹೀಗಿತ್ತು: W, W, 1, 4, W, W
Other KKR bowlers vs Russell 😅 #GTvKKR #IPL2022 pic.twitter.com/F2bzRZfCwy
— Wasim Jaffer (@WasimJaffer14) April 23, 2022
Bhaiya mein Bhaiya! Rinku Bhaiya!#KKRHaiTaiyaar #KKRvGT #IPL2022 pic.twitter.com/T445mhq3f2
— KolkataKnightRiders (@KKRiders) April 23, 2022
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.