ಸಿಡ್ನಿ: ಒಂದೇ ಓವರ್‌ನಲ್ಲಿ ಮೂರು ವಿಕೆಟ್ ಪಡೆದ ಜೋಶ್‌ ಹ್ಯಾಜಲ್‌ವುಡ್‌ (5–2–9–4), ಸಿಡ್ನಿ ಕ್ರಿಕೆಟ್‌ ಮೈದಾನದಲ್ಲಿ ನಡೆಯುತ್ತಿರುವ ಮೂರನೇ ಟೆಸ್ಟ್‌ ಪಂದ್ಯದಲ್ಲಿ ಶುಕ್ರವಾರ ಮೂರನೇ ದಿನದಾಟ ಮುಗಿದಾಗ ಆಸ್ಟ್ರೇಲಿಯಾಕ್ಕೆ ಸ್ಪಷ್ಟ ಮೇಲುಗೈ ಪಡೆಯಲು ನೆರವಾದರು.
ಹದಗೆಡುತ್ತಿರುವ ಪಿಚ್‌ನಲ್ಲಿ ನಾಲ್ಕು ವಿಕೆಟ್‌ಗೆ 67 ರನ್ ಗಳಿಸಿದ್ದ ಪ್ರವಾಸಿ ತಂಡ, ಹ್ಯಾಜಲ್‌ವುಡ್‌ ದಾಳಿಗೆ ಸಿಲುಕಿ ದಿನದ ಕೊನೆಗೆ 7 ವಿಕೆಟ್‌ಗೆ 68 ರನ್ ಮಾಡಿದ್ದು ಒಟ್ಟಾರೆ 82 ರನ್ ಮುನ್ನಡೆಯಲ್ಲಿದೆ.
ಸ್ಕೋರುಗಳು: 1ನೇ ಇನಿಂಗ್ಸ್‌: ಪಾಕಿಸ್ತಾನ: 313, ಆಸ್ಟ್ರೇಲಿಯಾ: 109.4 ಓವರುಗಳಲ್ಲಿ 299 (ಲಾಬುಷೇನ್ 60, ಸ್ಮಿತ್ 38, ಮಾರ್ಷ್‌ 54, ಅಲೆಕ್ಸ್‌ ಕ್ಯಾರಿ 38; ಅಮೀರ್ ಜಮಾಲ್ 69ಕ್ಕೆ6); ಎರಡನೇ ಇನಿಂಗ್ಸ್‌: ಪಾಕಿಸ್ತಾನ: 26 ಓವರುಗಳಲ್ಲಿ 7 ವಿಕೆಟ್‌ಗೆ 68 (ಸಯೀಮ್ ಅಯೂಬ್ 33, ಬಾಬರ್ ಆಜಂ 23; ಹೇಜಲ್‌ವುಡ್‌ 9ಕ್ಕೆ4).
