ಲಂಡನ್: ಆಲ್‌ರೌಂಡರ್ ಬೆನ್ ಸ್ಟೋಕ್ಸ್‌ ಅವರನ್ನು ಇಂಗ್ಲೆಂಡ್ ಟೆಸ್ಟ್ ಕ್ರಿಕೆಟ್ ತಂಡದ ನಾಯಕರನ್ನಾಗಿ ನೇಮಕ ಮಾಡಲಾಗಿದೆ.
ಐದು ವರ್ಷಗಳ ಕಾಲ ತಂಡವನ್ನು ಮುನ್ನಡೆಸಿದ್ದ ಜೋ ರೂಟ್‌ ಈಚೆಗೆ ನಾಯಕತ್ವದಿಂದ ಕೆಳಗಿಳಿದಿದ್ದರು. ಇದೀಗ ಅವರ ಸ್ಥಾನವನ್ನು 30 ವರ್ಷದ ಬೆನ್ ತುಂಬಲಿದ್ದಾರೆ.
79 ಟೆಸ್ಟ್‌ಗಳನ್ನು ಆಡಿರುವ ಬೆನ್ 5061 ರನ್‌ಗಳನ್ನು ಗಳಿಸಿದರು. ಅದರಲ್ಲಿ 11 ಶತಕಗಳನ್ನು ಗಳಿಸಿದ್ದಾರೆ. ಮಧ್ಯಮವೇಗಿಯಾಗಿರುವ ಅವರು 174 ವಿಕೆಟ್‌ಗಳನ್ನೂ ಪಡೆದಿದ್ದಾರೆ. 2019ರಲ್ಲಿ ಹೆಡಿಂಗ್ಲಿಯಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಇಂಗ್ಲೆಂಡ್ ತಂಡವು ಒಂದು ವಿಕೆಟ್ ಜಯ ಸಾಧಿಸುವಲ್ಲಿ ಸ್ಟೋಕ್ಸ್‌ ಗಳಿಸಿದ್ದ ಅಜೇಯ 135 ರನ್‌ಗಳ ಆಟವೇ ಕಾರಣವಾಗಿತ್ತು.
