ಮೆಲ್ಬರ್ನ್: ಪ್ರವಾಸಿ ಪಾಕಿಸ್ತಾನ ವಿರುದ್ಧ ನಡೆದ ದ್ವಿತೀಯ ಟೆಸ್ಟ್ ಪಂದ್ಯದಲ್ಲಿ ಆಸ್ಟ್ರೇಲಿಯಾ 79 ರನ್ ಅಂತರದ ಗೆಲುವು ದಾಖಲಿಸಿದೆ.
ಆ ಮೂಲಕ ಮೂರು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ಇನ್ನೂ ಒಂದು ಪಂದ್ಯ ಬಾಕಿ ಉಳಿದಿರುವಂತೆಯೇ 2-0 ಅಂತರದಲ್ಲಿ ವಶಪಡಿಸಿಕೊಂಡಿದೆ.
ಪರ್ತ್ನಲ್ಲಿ ನಡೆದ ಮೊದಲ ಟೆಸ್ಟ್ ಪಂದ್ಯದಲ್ಲೂ ಆಸ್ಟ್ರೇಲಿಯಾ 360 ರನ್ ಅಂತರದ ಗೆಲುವು ದಾಖಲಿಸಿತ್ತು. ಸರಣಿಯ ಅಂತಿಮ ಪಂದ್ಯವು ಸಿಡ್ನಿಯಲ್ಲಿ ಜನವರಿ 3ರಂದು ಆರಂಭವಾಗಲಿದೆ.
Test cricket, there is simply NOTHING like it!
— Cricket Australia (@CricketAus) December 29, 2023
An incredible day for our Aussie men as they secured the Boxing Day Test, and the series against Pakistan. Bring on Sydney!
Get your tickets to The Pink Test here: https://t.co/G8wMgQpIEM pic.twitter.com/YkGCctRxIc
ಕಮಿನ್ಸ್ಗೆ 5 ವಿಕೆಟ್, ಪಂದ್ಯದಲ್ಲಿ ಒಟ್ಟು 10 ವಿಕೆಟ್...
ಮೊದಲ ಇನಿಂಗ್ಸ್ನಲ್ಲಿ ಐದು ವಿಕೆಟ್ ಗಳಿಸಿದ್ದ ನಾಯಕ ಪ್ಯಾಟ್ ಕಮಿನ್ಸ್ ದ್ವಿತೀಯ ಇನಿಂಗ್ಸ್ನಲ್ಲೂ ಐದರ ಗೊಂಚಲು ಪಡೆಯುವ ಮೂಲಕ ಕಾಂಗರೂ ಪಡೆಯ ಗೆಲುವಿನಲ್ಲಿ ಮಹತ್ವದ ಪಾತ್ರ ವಹಿಸಿದರು. ಅರ್ಹವಾಗಿಯೇ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.
ಮೊದಲ ಇನಿಂಗ್ಸ್ನಲ್ಲಿ 48 ರನ್ನಿಗೆ ಐದು ವಿಕೆಟ್ ಗಳಿಸಿದ್ದ ಕಮಿನ್ಸ್ ದ್ವಿತೀಯ ಇನಿಂಗ್ಸ್ನಲ್ಲಿ 49 ರನ್ನಿಗೆ ಐದು ವಿಕೆಟ್ ಗಳಿಸಿದರು. ಆ ಮೂಲಕ ಪಂದ್ಯದಲ್ಲಿ ಒಟ್ಟು 10 ವಿಕೆಟ್ ಸಾಧನೆ ಮಾಡಿದರು.
ಇದರೊಂದಿಗೆ ಟೆಸ್ಟ್ ಕ್ರಿಕೆಟ್ನಲ್ಲಿ 250 ವಿಕೆಟ್ಗಳ ಸಾಧನೆ ಮಾಡಿದರು. ಈ ಸಾಧನೆ ಮಾಡಿದ ಆಸ್ಟ್ರೇಲಿಯಾದ 10ನೇ ಬೌಲರ್ ಎನಿಸಿದರು.
317 ರನ್ಗಳ ಗುರಿ ಬೆನ್ನಟ್ಟಿದ ಪಾಕಿಸ್ತಾನ ದ್ವಿತೀಯ ಇನಿಂಗ್ಸ್ನಲ್ಲಿ 67.2 ಓವರ್ಗಳಲ್ಲಿ 237 ರನ್ಗಳಿಗೆ ತನ್ನೆಲ್ಲ ವಿಕೆಟ್ಗಳನ್ನು ಕಳೆದುಕೊಂಡಿತು. ಪಾಕಿಸ್ತಾನದ ನಾಯಕ ಶಾನ್ ಮಸೂದ್ (60), ಅಘಾ ಸಲ್ಮಾನ್ (50), ಬಾಬರ್ ಆಜಂ (41) ಹೋರಾಟ ವ್ಯರ್ಥವೆನಿಸಿತು.
ಮಿಚೆಲ್ ಸ್ಟಾರ್ಕ್ ನಾಲ್ಕು ಹಾಗೂ ಜೋಶ್ ಹ್ಯಾಜಲ್ವುಡ್ ಒಂದು ವಿಕೆಟ್ ಗಳಿಸಿ ಮಿಂಚಿದರು.
ಮೊದಲ ಇನಿಂಗ್ಸ್ನಲ್ಲಿ ಆಸ್ಟ್ರೇಲಿಯಾದ 318 ರನ್ಗಳಿಗೆ ಉತ್ತರವಾಗಿ ಪಾಕಿಸ್ತಾನ 264 ರನ್ಗಳಿಗೆ ತನ್ನೆಲ್ಲ ವಿಕೆಟ್ಗಳನ್ನು ಕಳೆದುಕೊಂಡಿತ್ತು. ದ್ವಿತೀಯ ಇನಿಂಗ್ಸ್ನಲ್ಲಿ ಆಸ್ಟ್ರೇಲಿಯಾ 262 ರನ್ ಗಳಿಸುವ ಮೂಲಕ ಪಾಕ್ ಗೆಲುವಿಗೆ 317 ರನ್ಗಳ ಗುರಿ ಒಡ್ಡಿತ್ತು.
Pat Cummins completed a 10-wicket match haul in Australia's 79-run win to take an unassailable 2-0 series lead. Day four report 👇#AUSvPAK | @ARamseyCricket
— cricket.com.au (@cricketcomau) December 29, 2023
ಸಂಕ್ಷಿಪ್ತ ಸ್ಕೋರ್ ಪಟ್ಟಿ:
ಆಸ್ಟ್ರೇಲಿಯಾ ಮೊದಲ ಇನಿಂಗ್ಸ್ 318ಕ್ಕೆ ಆಲೌಟ್ (ಮಾರ್ನಸ್ ಲಾಬುಷೇನ್ 63, ಆಮೇರ್ ಜಮಾಲ್ 64/3)
ಪಾಕಿಸ್ತಾನ ಮೊದಲ ಇನಿಂಗ್ಸ್ 264ಕ್ಕೆ ಆಲೌಟ್
(ಶಾನ್ ಮಸೂದ್ 54, ಕಮಿನ್ಸ್ 48/5)
ಆಸ್ಟ್ರೇಲಿಯಾ ದ್ವಿತೀಯ ಇನಿಂಗ್ಸ್ 262ಕ್ಕೆ ಆಲೌಟ್ (ಮಿಚೆಲ್ ಮಾರ್ಷ್ 96, ಸ್ಟೀವ್ ಸ್ಮಿತ್ 50, ಶಾಹೀನ್ ಅಫ್ರಿದಿ 76/4, ಮಿರ್ ಹಂಝಾ 32/4)
ಪಾಕಿಸ್ತಾನ ದ್ವಿತೀಯ ಇನಿಂಗ್ಸ್ 237ಕ್ಕೆ ಆಲೌಟ್
(ಶಾನ್ ಮಸೂದ್ 60, ಅಘಾ ಸಲ್ಮಾನ್ 50, ಕಮಿನ್ಸ್ 49/5)
A 10-wicket haul takes Pat Cummins into the top 10 Australian Test wicket-takers of all time! #AUSvPAK pic.twitter.com/FIc5gO8Q2B
— cricket.com.au (@cricketcomau) December 29, 2023
Australia wrap up the win by running through the Pakistan tail to take a 79-run win #AUSvPAK
— cricket.com.au (@cricketcomau) December 29, 2023
Second five-wicket haul for the match for Pat Cummins! Two to go for Australia! #AUSvPAK
— cricket.com.au (@cricketcomau) December 29, 2023
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.