<p><strong>ಹೈದರಾಬಾದ್:</strong> ತವರಿನಲ್ಲಿ ಸತತ ಎರಡು ಪಂದ್ಯಗಳನ್ನು ಸೋತಿರುವ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಸೋಮವಾರ ನಡೆಯುವ ಐಪಿಎಲ್ ಪಂದ್ಯದಲ್ಲಿ ಸನ್ರೈಸರ್ಸ್ ಹೈದರಾಬಾದ್ ತಂಡವನ್ನು ಎದುರಿಸಲಿದ್ದು, ಗೆಲುವಿನ ಹಳಿಗೆ ಮರಳುವ ಪ್ರಯತ್ನ ನಡೆಸಲಿದೆ. ಸನ್ರೈಸರ್ಸ್ ತಂಡ ಪ್ಲೇಆಫ್ನ ಗುಟುಕು ಆಸೆಗೆ ಜೀವತುಂಬುವ ವಿಶ್ವಾಸದಲ್ಲಿದೆ.</p>.<p>ಕೊನೆಯ ಪಂದ್ಯದಲ್ಲಿ 14 ರನ್ಗಳಿಂದ ಕೋಲ್ಕತ್ತ ನೈಟ್ ರೈಡರ್ಸ್ಗೆ ಸೋತಿರುವುದು ಡೆಲ್ಲಿ ಅಭಿಯಾನಕ್ಕೆ ಹಿನ್ನಡೆ ಉಂಟುಮಾಡಿತು. ಆದರೆ ತವರಿನಿಂದಾಚೆಗಿನ ಪಂದ್ಯಗಳಲ್ಲಿ ಉತ್ತಮ ಸಾಧನೆ ತೋರಿದ ಪರಿಣಾಮ ಅಕ್ಷರ್ ಪಟೇಲ್ ಬಳಗದ ಪ್ಲೇ ಆಫ್ ಆಸೆ ಜೀವಂತವಾಗಿದೆ.</p>.<p>ಏ. 30ರಂದು ಕೆಕೆಆರ್ ವಿರುದ್ಧದ ಪಂದ್ಯದ ವೇಳೆ ಎಡಗೈಗೆ ಗಾಯವಾದ ಪರಿಣಾಮ ಅಕ್ಷರ್ ಪಟೇಲ್ ಮೈದಾನ ತೊರೆದಿದ್ದರು. ಆದರೆ ಕಳೆದ ಕೆಲವು ದಿನಗಳ ಅವಧಿಯಲ್ಲಿ ಈ ಉತ್ಸಾಹಿ ಆಲ್ರೌಂಡರ್ ಚೇತರಿಸಿಕೊಂಡಿದ್ದಾರೆಯೇ ಎಂಬುದನ್ನು ಕಾದುನೋಡಬೇಕಿದೆ. ಗಾಯದ ನಂತರವೂ. ಬ್ಯಾಟಿಂಗ್ ವೇಳೆ ಅವರು 23 ಎಸೆತಗಳಲ್ಲಿ 43 ರನ್ ಹೊಡೆದಿದ್ದರು.</p>.<p>ಕೊನೆಯ ಐದು ಪಂದ್ಯಗಳಲ್ಲಿ ಮೂರನ್ನು ಸೋತಿರುವ ಡೆಲ್ಲಿ ತಂಡ ಲೀಗ್ ಮುಕ್ತಾಯದ ಹಂತದಲ್ಲಿ ಎಡವಟ್ಟಾಗದಂತೆ ಎಚ್ಚರಿಕೆ ವಹಿಸಬೇಕಿದೆ. ಕೋಲ್ಕತ್ತ ವಿರುದ್ಧ ಪಂದ್ಯದಲ್ಲಿ ಆರಂಭ ಆಟಗಾರ ಫ್ಲಾಪ್ ಡುಪ್ಲೆಸಿ ಅವರ ಅರ್ಧಶತಕ ತಂಡಕ್ಕೆ ಧೈರ್ಯ ಮೂಡಿಸಿದೆ. 9 ಪಂದ್ಯಗಳಿಂದ 371 ರನ್ಗಳೊಡನೆ ತಂಡದ ಯಶಸ್ವಿ ಬ್ಯಾಟರ್ ಎನಿಸಿರುವ ಕೆ.ಎಲ್.ರಾಹುಲ್ ನಿಧಾನಗತಿಯ ಅಂಕಣಗಳಲ್ಲಿ ರನ್ ವೇಗ ಹೆಚ್ಚಿಸುವತ್ತ ಗಮನ ನೀಡಬೇಕಾಗಿದೆ. ಅವರಿಗೆ ಇಲ್ಲಿ ಪ್ಯಾಟ್ ಕಮಿನ್ಸ್, ಮೊಹಮ್ಮದ್ ಶಮಿ ಮತ್ತು ಹರ್ಷಲ್ ಪಟೇಲ್ ಅವರ ಸವಾಲು ಇದೆ.</p>.<p>ಅಭಿಷೇಕ್ ಪೊರೆಲ್ ಉತ್ತಮ ಆರಂಭ ಪಡೆದರೂ ಅದನ್ನು ದೊಡ್ಡಮೊತ್ತವಾಗಿ ಪರಿವರ್ತಿಸುತ್ತಿಲ್ಲ. ಆದರೆ ಡೆಲ್ಲಿ ತಂಡದ ಪ್ರಮುಖ ಅಸ್ತ್ರ ಅದರ ಬೌಲಿಂಗ್. ಅನುಭವಿ ಮಿಚೆಲ್ ಸ್ಟಾರ್ಕ್, ದುಷ್ಮಂತ ಚಾಮೀರ, ಮುಕೇಶ್ ಜೊತೆಗೆ ಸ್ಪಿನ್ನರ್ ಕುಲದೀಪ್ ಯಾದವ್ ಇದ್ದಾರೆ.</p>.<p>ಸನ್ರೈಸರ್ಸ್ ತಂಡದಲ್ಲಿ ಅನುಭವಿಗಳಾದ ಕಮಿನ್ಸ್, ಶಮಿ, ಟ್ರಾವಿಸ್ ಹೆಡ್, ಇಶಾನ್ ಕಿಶನ್, ಹೆನ್ರಿಚ್ ಕ್ಲಾಸೆನ್ ಮತ್ತು ಜೈದೇವ್ ಉನದ್ಕತ್ ಇದ್ದರೂ ತಂಡವು ಈ ಋತುವಿನಲ್ಲಿ ಪರದಾಡಿದ್ದೇ ಹೆಚ್ಚು. ಶುಕ್ರವಾರ ಗುಜರಾತ್ ಟೈಟನ್ಸ್ ಎದುರಿನ ಸೋಲು ತಂಡದ ಪ್ಲೇಆಫ್ ಆಸೆಯನ್ನು ಬಹುತೇಕ ಭಗ್ನಗೊಳಿಸಿದೆ.</p>.<p><strong>ಪಂದ್ಯ ಆರಂಭ: ರಾತ್ರಿ 7.30.</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹೈದರಾಬಾದ್:</strong> ತವರಿನಲ್ಲಿ ಸತತ ಎರಡು ಪಂದ್ಯಗಳನ್ನು ಸೋತಿರುವ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಸೋಮವಾರ ನಡೆಯುವ ಐಪಿಎಲ್ ಪಂದ್ಯದಲ್ಲಿ ಸನ್ರೈಸರ್ಸ್ ಹೈದರಾಬಾದ್ ತಂಡವನ್ನು ಎದುರಿಸಲಿದ್ದು, ಗೆಲುವಿನ ಹಳಿಗೆ ಮರಳುವ ಪ್ರಯತ್ನ ನಡೆಸಲಿದೆ. ಸನ್ರೈಸರ್ಸ್ ತಂಡ ಪ್ಲೇಆಫ್ನ ಗುಟುಕು ಆಸೆಗೆ ಜೀವತುಂಬುವ ವಿಶ್ವಾಸದಲ್ಲಿದೆ.</p>.<p>ಕೊನೆಯ ಪಂದ್ಯದಲ್ಲಿ 14 ರನ್ಗಳಿಂದ ಕೋಲ್ಕತ್ತ ನೈಟ್ ರೈಡರ್ಸ್ಗೆ ಸೋತಿರುವುದು ಡೆಲ್ಲಿ ಅಭಿಯಾನಕ್ಕೆ ಹಿನ್ನಡೆ ಉಂಟುಮಾಡಿತು. ಆದರೆ ತವರಿನಿಂದಾಚೆಗಿನ ಪಂದ್ಯಗಳಲ್ಲಿ ಉತ್ತಮ ಸಾಧನೆ ತೋರಿದ ಪರಿಣಾಮ ಅಕ್ಷರ್ ಪಟೇಲ್ ಬಳಗದ ಪ್ಲೇ ಆಫ್ ಆಸೆ ಜೀವಂತವಾಗಿದೆ.</p>.<p>ಏ. 30ರಂದು ಕೆಕೆಆರ್ ವಿರುದ್ಧದ ಪಂದ್ಯದ ವೇಳೆ ಎಡಗೈಗೆ ಗಾಯವಾದ ಪರಿಣಾಮ ಅಕ್ಷರ್ ಪಟೇಲ್ ಮೈದಾನ ತೊರೆದಿದ್ದರು. ಆದರೆ ಕಳೆದ ಕೆಲವು ದಿನಗಳ ಅವಧಿಯಲ್ಲಿ ಈ ಉತ್ಸಾಹಿ ಆಲ್ರೌಂಡರ್ ಚೇತರಿಸಿಕೊಂಡಿದ್ದಾರೆಯೇ ಎಂಬುದನ್ನು ಕಾದುನೋಡಬೇಕಿದೆ. ಗಾಯದ ನಂತರವೂ. ಬ್ಯಾಟಿಂಗ್ ವೇಳೆ ಅವರು 23 ಎಸೆತಗಳಲ್ಲಿ 43 ರನ್ ಹೊಡೆದಿದ್ದರು.</p>.<p>ಕೊನೆಯ ಐದು ಪಂದ್ಯಗಳಲ್ಲಿ ಮೂರನ್ನು ಸೋತಿರುವ ಡೆಲ್ಲಿ ತಂಡ ಲೀಗ್ ಮುಕ್ತಾಯದ ಹಂತದಲ್ಲಿ ಎಡವಟ್ಟಾಗದಂತೆ ಎಚ್ಚರಿಕೆ ವಹಿಸಬೇಕಿದೆ. ಕೋಲ್ಕತ್ತ ವಿರುದ್ಧ ಪಂದ್ಯದಲ್ಲಿ ಆರಂಭ ಆಟಗಾರ ಫ್ಲಾಪ್ ಡುಪ್ಲೆಸಿ ಅವರ ಅರ್ಧಶತಕ ತಂಡಕ್ಕೆ ಧೈರ್ಯ ಮೂಡಿಸಿದೆ. 9 ಪಂದ್ಯಗಳಿಂದ 371 ರನ್ಗಳೊಡನೆ ತಂಡದ ಯಶಸ್ವಿ ಬ್ಯಾಟರ್ ಎನಿಸಿರುವ ಕೆ.ಎಲ್.ರಾಹುಲ್ ನಿಧಾನಗತಿಯ ಅಂಕಣಗಳಲ್ಲಿ ರನ್ ವೇಗ ಹೆಚ್ಚಿಸುವತ್ತ ಗಮನ ನೀಡಬೇಕಾಗಿದೆ. ಅವರಿಗೆ ಇಲ್ಲಿ ಪ್ಯಾಟ್ ಕಮಿನ್ಸ್, ಮೊಹಮ್ಮದ್ ಶಮಿ ಮತ್ತು ಹರ್ಷಲ್ ಪಟೇಲ್ ಅವರ ಸವಾಲು ಇದೆ.</p>.<p>ಅಭಿಷೇಕ್ ಪೊರೆಲ್ ಉತ್ತಮ ಆರಂಭ ಪಡೆದರೂ ಅದನ್ನು ದೊಡ್ಡಮೊತ್ತವಾಗಿ ಪರಿವರ್ತಿಸುತ್ತಿಲ್ಲ. ಆದರೆ ಡೆಲ್ಲಿ ತಂಡದ ಪ್ರಮುಖ ಅಸ್ತ್ರ ಅದರ ಬೌಲಿಂಗ್. ಅನುಭವಿ ಮಿಚೆಲ್ ಸ್ಟಾರ್ಕ್, ದುಷ್ಮಂತ ಚಾಮೀರ, ಮುಕೇಶ್ ಜೊತೆಗೆ ಸ್ಪಿನ್ನರ್ ಕುಲದೀಪ್ ಯಾದವ್ ಇದ್ದಾರೆ.</p>.<p>ಸನ್ರೈಸರ್ಸ್ ತಂಡದಲ್ಲಿ ಅನುಭವಿಗಳಾದ ಕಮಿನ್ಸ್, ಶಮಿ, ಟ್ರಾವಿಸ್ ಹೆಡ್, ಇಶಾನ್ ಕಿಶನ್, ಹೆನ್ರಿಚ್ ಕ್ಲಾಸೆನ್ ಮತ್ತು ಜೈದೇವ್ ಉನದ್ಕತ್ ಇದ್ದರೂ ತಂಡವು ಈ ಋತುವಿನಲ್ಲಿ ಪರದಾಡಿದ್ದೇ ಹೆಚ್ಚು. ಶುಕ್ರವಾರ ಗುಜರಾತ್ ಟೈಟನ್ಸ್ ಎದುರಿನ ಸೋಲು ತಂಡದ ಪ್ಲೇಆಫ್ ಆಸೆಯನ್ನು ಬಹುತೇಕ ಭಗ್ನಗೊಳಿಸಿದೆ.</p>.<p><strong>ಪಂದ್ಯ ಆರಂಭ: ರಾತ್ರಿ 7.30.</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
