ಕರ್ನಾಟಕ ಜಿಮ್ಖಾನಾ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟ್‌ ಮಾಡಿದ ಎಚ್‌ಎಸ್‌ಸಿ ತಂಡ 46.1 ಓವರ್‌ಗಳಲ್ಲಿ 214 ರನ್‌ ಕಲೆಹಾಕಿತ್ತು. ಇಮಾಮ್‌ ಜಾಫರ್‌ ರಾಮದುರ್ಗ (78), ಸತೀಶ ನಾಯ್ಕರ (36) ಅವರ ಉತ್ತಮ ಬ್ಯಾಟಿಂಗ್‌ ಇದಕ್ಕೆ ಕಾರಣವಾಯಿತು. ಎದುರಾಳಿ ಧಾರವಾಡದ ಕ್ರಿಕೆಟ್ ಕ್ಲಬ್‌ ಆಫ್‌ ಕರ್ನಾಟಕ ‘ಬಿ’ ತಂಡ 29.5 ಓವರ್‌ಗಳಲ್ಲಿ 107 ರನ್‌ ಕಲೆಹಾಕುವಷ್ಟರಲ್ಲಿ ತನ್ನ ಹೋರಾಟ ಮುಗಿಸಿತು. ಎಚ್‌ಎಸ್‌ಸಿ ತಂಡದ ಪಿ. ಶಿವನಗೌಡ ಮತ್ತು ಸುಜಯ ಹೊನ್ನಂಗಿ ತಲಾ ಮೂರು ವಿಕೆಟ್‌ ಕಬಳಿಸಿ ತಂಡಕ್ಕೆ 107 ರನ್‌ಗಳ ಭರ್ಜರಿ ಗೆಲುವು ತಂದುಕೊಟ್ಟರು.
