ಭಾರತ ವಿರುದ್ಧದ ಟೆಸ್ಟ್‌ ಸರಣಿ: ಇಂಗ್ಲೆಂಡ್‌ ತಂಡಕ್ಕೆ ಬ್ರೂಕ್‌ ಅಲಭ್ಯ

ಸರಣಿಯ ಪೂರ್ವಸಿದ್ಧತಾ ಶಿಬಿರಕ್ಕಾಗಿ ಬ್ರೂಕ್ ಅವರು ತಂಡದೊಂದಿಗೆ ಅಬುಧಾಬಿಗೆ ಪ್ರಯಾಣ ಬೆಳೆಸಿದ್ದರು. ಅಲ್ಲಿಂದಲೇ ಅವರು ಇಂಗ್ಲೆಂಡ್‌ಗೆ ವಾಪಸಾಗುವರು. ಕಾರಣವನ್ನು ಗೌಪ್ಯವಾಗಿಡುವಂತೆ ಬ್ರೂಕ್‌ ಕುಟುಂಬ ಮನವಿ ಮಾಡಿದೆ. ಹೈದರಾಬಾದ್‌ನಲ್ಲಿ ಗುರುವಾರದಿಂದ ಆರಂಭವಾಗುವ ಐದು ಪಂದ್ಯಗಳ ಟೆಸ್ಟ್‌ ಸರಣಿಗೆ ಬ್ರೂಕ್ ಅವರ ಸ್ಥಾನಕ್ಕೆ ಬದಲಿಗೆ ಆಟಗಾರನನ್ನು ಪ್ರಕಟಿಸುವುದಾಗಿ ಇಸಿಬಿ ಹೇಳಿದೆ.

2022ರಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಚೊಚ್ಚಲ ಟೆಸ್ಟ್‌ ಪಂದ್ಯ ಆಡಿದ್ದ 24 ವರ್ಷದ ಬ್ರೂಕ್‌ ಅವರು, ಈತನಕ 12 ಪಂದ್ಯಗಳಲ್ಲಿ 62.15ರ ಸರಾಸರಿಯಲ್ಲಿ 1181 ರನ್‌ ಗಳಿಸಿದ್ದಾರೆ. 2022ರಲ್ಲಿ ಪಾಕ್‌ ವಿರುದ್ಧದ ಟೆಸ್ಟ್‌ ಸರಣಿಯ ಐದು ಇನ್ನಿಂಗ್ಸ್‌ಗಳಲ್ಲಿ 93.60ರ ಸರಾಸರಿಯಲ್ಲಿ 468 ರನ್‌ ಕಲೆಹಾಕಿದ್ದ ಬ್ರೂಕ್‌, ಸರಣಿಯನ್ನು ಇಂಗ್ಲೆಂಡ್‌ ಕ್ವೀನ್‌ ಸ್ವೀಪ್‌ ಮಾಡುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು.