<p><strong>ಲಂಡನ್</strong>: ಕೆಳಕ್ರಮಾಂಕದ ಬ್ಯಾಟರ್ ಮಿಚೇಲ್ ಸ್ಟಾರ್ಕ್ ಅವರ ಅಮೋಘ ಬ್ಯಾಟಿಂಗ್ ಬಲದಿಂದ ಹಾಲಿ ಚಾಂಪಿಯನ್ ಆಸ್ಟ್ರೇಲಿಯಾ ತಂಡವು ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ ಟೂರ್ನಿಯ ಫೈನಲ್ನಲ್ಲಿ ದಕ್ಷಿಣ ಆಫ್ರಿಕಾ ಗೆಲುವಿಗೆ 282 ರನ್ ಗುರಿ ನೀಡಿದೆ.</p><p>ಲಾರ್ಡ್ಸ್ ಕ್ರೀಡಾಂಗಣದಲ್ಲಿ ಪಂದ್ಯ ನಡೆಯುತ್ತಿದೆ. ಬೌಲರ್ಗಳು ಮೇಲುಗೈ ಸಾಧಿಸಿದ ಪಂದ್ಯದಲ್ಲಿ ಮೆರೆದ ಸ್ಟಾರ್ಕ್, ಆಸ್ಟ್ರೇಲಿಯಾ ಪರ ಅಜೇಯ ಅರ್ಧಶತಕ ಸಿಡಿಸಿ ಮಿಂಚಿದರು.</p><p>ಬುಧವಾರ ಆರಂಭವಾದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ಆಸ್ಟ್ರೇಲಿಯಾ, ಮೊದಲ ಇನಿಂಗ್ಸ್ನಲ್ಲಿ 212 ರನ್ ಗಳಿಸಿ ಆಲೌಟ್ ಆಗಿತ್ತು. ಇದಕ್ಕುತ್ತರವಾಗಿ ಆಫ್ರಿಕಾ ಪಡೆ 138 ರನ್ ಗಳಿಸುವಷ್ಟರಲ್ಲೇ ಸರ್ವಪತನ ಕಂಡಿತ್ತು.</p><p><strong>ಅಲೆಕ್ಸ್–ಸ್ಟಾರ್ಕ್ ಆಸರೆ<br></strong>74 ರನ್ ಮುನ್ನಡೆಯೊಂದಿಗೆ ಎರಡನೇ ಇನಿಂಗ್ಸ್ ಆರಂಭಿಸಿದ ಆಸಿಸ್ಗೆ ಮತ್ತೊಮ್ಮೆ ಬ್ಯಾಟರ್ಗಳು ಕೈಕೊಟ್ಟರು. ತಂಡದ ಮೊತ್ತ 73 ಆಗುವ ಹೊತ್ತಿಗೆ ಏಳು ಬ್ಯಾಟರ್ಗಳು ಪೆವಿಲಿಯನ್ ಸೇರಿಕೊಂಡಿದ್ದರು.</p><p>ಈ ಹಂತದಲ್ಲಿ ಜೊತೆಯಾದ ಅಲೆಕ್ಸ್ ಕ್ಯಾರಿ ಮತ್ತು ಮಿಚೇಲ್ ಸ್ಟಾರ್ಕ್, ಆಸಿಸ್ಗೆ ಆಸರೆಯಾದರು. 8ನೇ ವಿಕೆಟ್ ಪಾಲುದಾರಿಕೆಯಲ್ಲಿ 61 ರನ್ ಕೂಡಿಸಿದ ಈ ಇಬ್ಬರು, ಆಫ್ರಿಕನ್ನರ ಆರಂಭಿಕ ಯಶಸ್ಸನ್ನು ಕಸಿದುಕೊಂಡರು.</p><p>43 ರನ್ ಗಳಿಸಿದ್ದ ಅಲೆಕ್ಸ್ ಔಟಾದ ನಂತರವೂ ಸ್ಟಾರ್ಕ್ 'ಅಮೋಘ' ಆಟ ಮುಂದುವರಿಯಿತು. ನೇಥನ್ ಲಯನ್ ಜೊತೆ ಮೂರನೇ ದಿನಕ್ಕೆ ಕ್ರೀಸ್ ಕಾಯ್ದುಕೊಂಡಿದ್ದ ಅವರು, ಕೊನೇ ವಿಕೆಟ್ಗೆ ಜೋಶ್ ಹ್ಯಾಜಲ್ವುಡ್ ಜೊತೆಗೂಡಿ ದಾಖಲೆಯ ರನ್ ಸೇರಿಸಿದರು.</p><p>ಟೆಸ್ಟ್ ಕ್ರಿಕೆಟ್ನಲ್ಲಿ 11ನೇ ಅರ್ಧಶತಕ ಬಾರಿಸಿದ ಸ್ಟಾರ್ಕ್, ಹ್ಯಾಜಲ್ವುಡ್ ಜೊತೆ 59 ರನ್ ಕೂಡಿಸುವ ಮೂಲಕ ತಂಡದ ಮೊತ್ತವನ್ನು ಇನ್ನೂರರ ಗಡಿ ದಾಟಿಸಿದರು.</p><p>ತಂಡದ ಮೊತ್ತ 207 ಆಗಿದ್ದಾಗ ಹ್ಯಾಜಲ್ವುಡ್ (17 ರನ್) ವಿಕೆಟ್ ಒಪ್ಪಿಸಿದರು. ಇದರೊಂದಿಗೆ, ಆಸಿಸ್ ಇನಿಂಗ್ಸ್ಗೆ ತೆರೆ ಬಿದ್ದಿತು.</p><p>ಬರೋಬ್ಬರಿ 136 ಎಸೆತಗಳನ್ನು ಎದುರಿಸಿದ ಸ್ಟಾರ್ಕ್, 5 ಬೌಂಡರಿ ಸಹಿತ 58 ರನ್ ಗಳಿಸಿ ಅಜೇಯವಾಗಿ ಉಳಿದರು.</p><p>ಆಫ್ರಿಕಾ ಪರ ಮತ್ತೆ ಮಿಂಚಿದ ಕಗಿಸೊ ರಬಾಡ 4 ವಿಕೆಟ್ ಕಿತ್ತರು. ಲುಂಗಿ ಗಿಡಿ ಮೂರು ವಿಕೆಟ್ ಪಡೆದರೆ, ಮಾರ್ಕೊ ಯಾನ್ಸನ್, ವಿಯಾನ್ ಮುಲ್ಡರ್ ಮತ್ತು ಏಡನ್ ಮರ್ಕ್ರಂ ಒಂದೊಂದು ವಿಕೆಟ್ ಹಂಚಿಕೊಂಡರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಂಡನ್</strong>: ಕೆಳಕ್ರಮಾಂಕದ ಬ್ಯಾಟರ್ ಮಿಚೇಲ್ ಸ್ಟಾರ್ಕ್ ಅವರ ಅಮೋಘ ಬ್ಯಾಟಿಂಗ್ ಬಲದಿಂದ ಹಾಲಿ ಚಾಂಪಿಯನ್ ಆಸ್ಟ್ರೇಲಿಯಾ ತಂಡವು ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ ಟೂರ್ನಿಯ ಫೈನಲ್ನಲ್ಲಿ ದಕ್ಷಿಣ ಆಫ್ರಿಕಾ ಗೆಲುವಿಗೆ 282 ರನ್ ಗುರಿ ನೀಡಿದೆ.</p><p>ಲಾರ್ಡ್ಸ್ ಕ್ರೀಡಾಂಗಣದಲ್ಲಿ ಪಂದ್ಯ ನಡೆಯುತ್ತಿದೆ. ಬೌಲರ್ಗಳು ಮೇಲುಗೈ ಸಾಧಿಸಿದ ಪಂದ್ಯದಲ್ಲಿ ಮೆರೆದ ಸ್ಟಾರ್ಕ್, ಆಸ್ಟ್ರೇಲಿಯಾ ಪರ ಅಜೇಯ ಅರ್ಧಶತಕ ಸಿಡಿಸಿ ಮಿಂಚಿದರು.</p><p>ಬುಧವಾರ ಆರಂಭವಾದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ್ದ ಆಸ್ಟ್ರೇಲಿಯಾ, ಮೊದಲ ಇನಿಂಗ್ಸ್ನಲ್ಲಿ 212 ರನ್ ಗಳಿಸಿ ಆಲೌಟ್ ಆಗಿತ್ತು. ಇದಕ್ಕುತ್ತರವಾಗಿ ಆಫ್ರಿಕಾ ಪಡೆ 138 ರನ್ ಗಳಿಸುವಷ್ಟರಲ್ಲೇ ಸರ್ವಪತನ ಕಂಡಿತ್ತು.</p><p><strong>ಅಲೆಕ್ಸ್–ಸ್ಟಾರ್ಕ್ ಆಸರೆ<br></strong>74 ರನ್ ಮುನ್ನಡೆಯೊಂದಿಗೆ ಎರಡನೇ ಇನಿಂಗ್ಸ್ ಆರಂಭಿಸಿದ ಆಸಿಸ್ಗೆ ಮತ್ತೊಮ್ಮೆ ಬ್ಯಾಟರ್ಗಳು ಕೈಕೊಟ್ಟರು. ತಂಡದ ಮೊತ್ತ 73 ಆಗುವ ಹೊತ್ತಿಗೆ ಏಳು ಬ್ಯಾಟರ್ಗಳು ಪೆವಿಲಿಯನ್ ಸೇರಿಕೊಂಡಿದ್ದರು.</p><p>ಈ ಹಂತದಲ್ಲಿ ಜೊತೆಯಾದ ಅಲೆಕ್ಸ್ ಕ್ಯಾರಿ ಮತ್ತು ಮಿಚೇಲ್ ಸ್ಟಾರ್ಕ್, ಆಸಿಸ್ಗೆ ಆಸರೆಯಾದರು. 8ನೇ ವಿಕೆಟ್ ಪಾಲುದಾರಿಕೆಯಲ್ಲಿ 61 ರನ್ ಕೂಡಿಸಿದ ಈ ಇಬ್ಬರು, ಆಫ್ರಿಕನ್ನರ ಆರಂಭಿಕ ಯಶಸ್ಸನ್ನು ಕಸಿದುಕೊಂಡರು.</p><p>43 ರನ್ ಗಳಿಸಿದ್ದ ಅಲೆಕ್ಸ್ ಔಟಾದ ನಂತರವೂ ಸ್ಟಾರ್ಕ್ 'ಅಮೋಘ' ಆಟ ಮುಂದುವರಿಯಿತು. ನೇಥನ್ ಲಯನ್ ಜೊತೆ ಮೂರನೇ ದಿನಕ್ಕೆ ಕ್ರೀಸ್ ಕಾಯ್ದುಕೊಂಡಿದ್ದ ಅವರು, ಕೊನೇ ವಿಕೆಟ್ಗೆ ಜೋಶ್ ಹ್ಯಾಜಲ್ವುಡ್ ಜೊತೆಗೂಡಿ ದಾಖಲೆಯ ರನ್ ಸೇರಿಸಿದರು.</p><p>ಟೆಸ್ಟ್ ಕ್ರಿಕೆಟ್ನಲ್ಲಿ 11ನೇ ಅರ್ಧಶತಕ ಬಾರಿಸಿದ ಸ್ಟಾರ್ಕ್, ಹ್ಯಾಜಲ್ವುಡ್ ಜೊತೆ 59 ರನ್ ಕೂಡಿಸುವ ಮೂಲಕ ತಂಡದ ಮೊತ್ತವನ್ನು ಇನ್ನೂರರ ಗಡಿ ದಾಟಿಸಿದರು.</p><p>ತಂಡದ ಮೊತ್ತ 207 ಆಗಿದ್ದಾಗ ಹ್ಯಾಜಲ್ವುಡ್ (17 ರನ್) ವಿಕೆಟ್ ಒಪ್ಪಿಸಿದರು. ಇದರೊಂದಿಗೆ, ಆಸಿಸ್ ಇನಿಂಗ್ಸ್ಗೆ ತೆರೆ ಬಿದ್ದಿತು.</p><p>ಬರೋಬ್ಬರಿ 136 ಎಸೆತಗಳನ್ನು ಎದುರಿಸಿದ ಸ್ಟಾರ್ಕ್, 5 ಬೌಂಡರಿ ಸಹಿತ 58 ರನ್ ಗಳಿಸಿ ಅಜೇಯವಾಗಿ ಉಳಿದರು.</p><p>ಆಫ್ರಿಕಾ ಪರ ಮತ್ತೆ ಮಿಂಚಿದ ಕಗಿಸೊ ರಬಾಡ 4 ವಿಕೆಟ್ ಕಿತ್ತರು. ಲುಂಗಿ ಗಿಡಿ ಮೂರು ವಿಕೆಟ್ ಪಡೆದರೆ, ಮಾರ್ಕೊ ಯಾನ್ಸನ್, ವಿಯಾನ್ ಮುಲ್ಡರ್ ಮತ್ತು ಏಡನ್ ಮರ್ಕ್ರಂ ಒಂದೊಂದು ವಿಕೆಟ್ ಹಂಚಿಕೊಂಡರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
