<p><strong>ನವದೆಹಲಿ:</strong> ಅಂತರರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ಐಸಿಸಿ) ಬಿಡುಗಡೆ ಮಾಡಿರುವ ತಾಜಾ ಟ್ವೆಂಟಿ-20 ತಂಡ ರ್ಯಾಂಕಿಂಗ್ ಪಟ್ಟಿಯಲ್ಲಿ ಇಂಗ್ಲೆಂಡ್ ಹಿಂದಿಕ್ಕಿರುವ ಭಾರತ, ಅಗ್ರಸ್ಥಾನಕ್ಕೇರಿದೆ.</p>.<p>ಈಡನ್ ಗಾರ್ಡನ್ನಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ನಡೆದ ಅಂತಿಮ ಪಂದ್ಯದಲ್ಲಿ 17 ರನ್ ಅಂತರದ ಗೆಲುವು ದಾಖಲಿಸಿರುವ ಟೀಮ್ ಇಂಡಿಯಾ, ಸರಣಿಯನ್ನು 3-0 ಅಂತರದಿಂದ ಕ್ಲೀನ್ ಸ್ವೀಪ್ ಮಾಡಿತ್ತು.</p>.<p>ಇದನ್ನೂ ಓದಿ:<a href="https://www.prajavani.net/sports/cricket/india-vs-west-indies-3rd-t20-suryakumar-harshal-help-ind-beat-wi-by-17-runs-912830.html" itemprop="url">IND vs WI: ಈಡನ್ನಲ್ಲಿ ಪ್ರಜ್ವಲಿಸಿದ ಸೂರ್ಯ; ಸರಣಿ ಕ್ಲೀನ್ಸ್ವೀಪ್ ಮಾಡಿದ ಭಾರತ </a></p>.<p>ಈ ಮೂಲಕ ರೋಹಿತ್ ಶರ್ಮಾ ಕಪ್ತಾನಗಿರಿಯಲ್ಲಿ ಭಾರತ ತಂಡವು ವಿಂಡೀಸ್ ವಿರುದ್ಧ ಏಕದಿನ ಹಾಗೂ ಟಿ20 ಸರಣಿಗಳಲ್ಲಿ ವೈಟ್ವಾಶ್ ಸಾಧನೆಗೈದಿದೆ.</p>.<p>ಭಾರತ ತಂಡವು ಇಂಗ್ಲೆಂಡ್ ಜೊತೆಗೆ ಸಮಾನ ರೇಟಿಂಗ್ (269) ಹಂಚಿಕೊಂಡಿದೆ. ಆದರೆ 39 ಅಂತರರಾಷ್ಟ್ರೀಯ ಪಂದ್ಯಗಳಲ್ಲಿ ಒಟ್ಟು 10,484 ಅಂಕಗಳನ್ನು ಕಲೆ ಹಾಕಿ ಅಗ್ರಸ್ಥಾನ ವಶಪಡಿಸಿಕೊಂಡಿದೆ. ಇಂಗ್ಲೆಂಡ್ ಅಷ್ಟೇ ಅಂತರರಾಷ್ಟ್ರೀಯ ಪಂದ್ಯಗಳಲ್ಲಿ 10,474 ಅಂಕಗಳನ್ನು ಹೊಂದಿದೆ.</p>.<p>ಅಗ್ರ ಐದರಲ್ಲಿ ಪಾಕಿಸ್ತಾನ (266), ನ್ಯೂಜಿಲೆಂಡ್ (255), ದಕ್ಷಿಣ ಆಫ್ರಿಕಾ (253) ಸ್ಥಾನ ಪಡೆದಿದ್ದು, ಆಸ್ಟ್ರೇಲಿಯಾ (249) ಆರನೇ ಸ್ಥಾನದಲ್ಲಿದೆ. ಭಾರತ ವಿರುದ್ಧ ಸರಣಿ ಸೋಲಿನ ಮುಖಭಂಗಕ್ಕೊಳಗಾಗಿರುವ ವಿಂಡೀಸ್ (235) ಏಳನೇ ಸ್ಥಾನದಲ್ಲಿದೆ.<br /><br />ಬ್ಯಾಟರ್ಗಳ ಪೈಕಿ ಭಾರತದ ಕೆ.ಎಲ್.ರಾಹುಲ್ ನಾಲ್ಕನೇ ಸ್ಥಾನದಲ್ಲೂ ವಿರಾಟ್ ಕೊಹ್ಲಿ 10ನೇ ಸ್ಥಾನದಲ್ಲೂ ಇದ್ದಾರೆ. ಉಳಿದ ಯಾರಿಗೂ ಅಗ್ರ ಹತ್ತರಲ್ಲಿ ಸ್ಥಾನ ಪಡೆದುಕೊಳ್ಳಲು ಆಗಲಿಲ್ಲ.</p>.<p>ಏತನ್ಮಧ್ಯೆ ಭಾರತ ತಂಡವು ಟೆಸ್ಟ್ನಲ್ಲಿ ಮೂರು ಹಾಗೂ ಏಕದಿನದಲ್ಲಿ ನಾಲ್ಕನೇ ಸ್ಥಾನವನ್ನು ಹೊಂದಿದೆ.</p>.<p><strong>ಐಸಿಸಿ ಟ್ವೆಂಟಿ-20 ತಂಡರ್ಯಾಂಕಿಂಗ್ ಪಟ್ಟಿ ಇಂತಿದೆ:</strong><br />1. ಭಾರತ (269)<br />2. ಇಂಗ್ಲೆಂಡ್ (269)<br />3. ಪಾಕಿಸ್ತಾನ (266)<br />4. ನ್ಯೂಜಿಲೆಂಡ್ (255)<br />5. ದ.ಆಫ್ರಿಕಾ (253)<br />6. ಆಸ್ಟ್ರೇಲಿಯಾ (249)<br />7. ವೆಸ್ಟ್ ಇಂಡೀಸ್ (235)<br />8. ಅಫ್ಗಾನಿಸ್ತಾನ (232)<br />9. ಶ್ರೀಲಂಕಾ (231)<br />10. ಬಾಂಗ್ಲಾದೇಶ (231)</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಅಂತರರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ಐಸಿಸಿ) ಬಿಡುಗಡೆ ಮಾಡಿರುವ ತಾಜಾ ಟ್ವೆಂಟಿ-20 ತಂಡ ರ್ಯಾಂಕಿಂಗ್ ಪಟ್ಟಿಯಲ್ಲಿ ಇಂಗ್ಲೆಂಡ್ ಹಿಂದಿಕ್ಕಿರುವ ಭಾರತ, ಅಗ್ರಸ್ಥಾನಕ್ಕೇರಿದೆ.</p>.<p>ಈಡನ್ ಗಾರ್ಡನ್ನಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ನಡೆದ ಅಂತಿಮ ಪಂದ್ಯದಲ್ಲಿ 17 ರನ್ ಅಂತರದ ಗೆಲುವು ದಾಖಲಿಸಿರುವ ಟೀಮ್ ಇಂಡಿಯಾ, ಸರಣಿಯನ್ನು 3-0 ಅಂತರದಿಂದ ಕ್ಲೀನ್ ಸ್ವೀಪ್ ಮಾಡಿತ್ತು.</p>.<p>ಇದನ್ನೂ ಓದಿ:<a href="https://www.prajavani.net/sports/cricket/india-vs-west-indies-3rd-t20-suryakumar-harshal-help-ind-beat-wi-by-17-runs-912830.html" itemprop="url">IND vs WI: ಈಡನ್ನಲ್ಲಿ ಪ್ರಜ್ವಲಿಸಿದ ಸೂರ್ಯ; ಸರಣಿ ಕ್ಲೀನ್ಸ್ವೀಪ್ ಮಾಡಿದ ಭಾರತ </a></p>.<p>ಈ ಮೂಲಕ ರೋಹಿತ್ ಶರ್ಮಾ ಕಪ್ತಾನಗಿರಿಯಲ್ಲಿ ಭಾರತ ತಂಡವು ವಿಂಡೀಸ್ ವಿರುದ್ಧ ಏಕದಿನ ಹಾಗೂ ಟಿ20 ಸರಣಿಗಳಲ್ಲಿ ವೈಟ್ವಾಶ್ ಸಾಧನೆಗೈದಿದೆ.</p>.<p>ಭಾರತ ತಂಡವು ಇಂಗ್ಲೆಂಡ್ ಜೊತೆಗೆ ಸಮಾನ ರೇಟಿಂಗ್ (269) ಹಂಚಿಕೊಂಡಿದೆ. ಆದರೆ 39 ಅಂತರರಾಷ್ಟ್ರೀಯ ಪಂದ್ಯಗಳಲ್ಲಿ ಒಟ್ಟು 10,484 ಅಂಕಗಳನ್ನು ಕಲೆ ಹಾಕಿ ಅಗ್ರಸ್ಥಾನ ವಶಪಡಿಸಿಕೊಂಡಿದೆ. ಇಂಗ್ಲೆಂಡ್ ಅಷ್ಟೇ ಅಂತರರಾಷ್ಟ್ರೀಯ ಪಂದ್ಯಗಳಲ್ಲಿ 10,474 ಅಂಕಗಳನ್ನು ಹೊಂದಿದೆ.</p>.<p>ಅಗ್ರ ಐದರಲ್ಲಿ ಪಾಕಿಸ್ತಾನ (266), ನ್ಯೂಜಿಲೆಂಡ್ (255), ದಕ್ಷಿಣ ಆಫ್ರಿಕಾ (253) ಸ್ಥಾನ ಪಡೆದಿದ್ದು, ಆಸ್ಟ್ರೇಲಿಯಾ (249) ಆರನೇ ಸ್ಥಾನದಲ್ಲಿದೆ. ಭಾರತ ವಿರುದ್ಧ ಸರಣಿ ಸೋಲಿನ ಮುಖಭಂಗಕ್ಕೊಳಗಾಗಿರುವ ವಿಂಡೀಸ್ (235) ಏಳನೇ ಸ್ಥಾನದಲ್ಲಿದೆ.<br /><br />ಬ್ಯಾಟರ್ಗಳ ಪೈಕಿ ಭಾರತದ ಕೆ.ಎಲ್.ರಾಹುಲ್ ನಾಲ್ಕನೇ ಸ್ಥಾನದಲ್ಲೂ ವಿರಾಟ್ ಕೊಹ್ಲಿ 10ನೇ ಸ್ಥಾನದಲ್ಲೂ ಇದ್ದಾರೆ. ಉಳಿದ ಯಾರಿಗೂ ಅಗ್ರ ಹತ್ತರಲ್ಲಿ ಸ್ಥಾನ ಪಡೆದುಕೊಳ್ಳಲು ಆಗಲಿಲ್ಲ.</p>.<p>ಏತನ್ಮಧ್ಯೆ ಭಾರತ ತಂಡವು ಟೆಸ್ಟ್ನಲ್ಲಿ ಮೂರು ಹಾಗೂ ಏಕದಿನದಲ್ಲಿ ನಾಲ್ಕನೇ ಸ್ಥಾನವನ್ನು ಹೊಂದಿದೆ.</p>.<p><strong>ಐಸಿಸಿ ಟ್ವೆಂಟಿ-20 ತಂಡರ್ಯಾಂಕಿಂಗ್ ಪಟ್ಟಿ ಇಂತಿದೆ:</strong><br />1. ಭಾರತ (269)<br />2. ಇಂಗ್ಲೆಂಡ್ (269)<br />3. ಪಾಕಿಸ್ತಾನ (266)<br />4. ನ್ಯೂಜಿಲೆಂಡ್ (255)<br />5. ದ.ಆಫ್ರಿಕಾ (253)<br />6. ಆಸ್ಟ್ರೇಲಿಯಾ (249)<br />7. ವೆಸ್ಟ್ ಇಂಡೀಸ್ (235)<br />8. ಅಫ್ಗಾನಿಸ್ತಾನ (232)<br />9. ಶ್ರೀಲಂಕಾ (231)<br />10. ಬಾಂಗ್ಲಾದೇಶ (231)</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>