<p><strong>ಕೂಲಿಜ್, ವೆಸ್ಟ್ ಇಂಡೀಸ್:</strong> ಅಗ್ರ ಕ್ರಮಾಂಕದ ಮೂವರು ಬ್ಯಾಟ್ಸ್ಮನ್ಗಳ ಮನಮೋಹಕ ಆಟದ ಬಲದಿಂದ ಭಾರತ ‘ಎ’ ತಂಡ ವೆಸ್ಟ್ ಇಂಡೀಸ್ ‘ಎ’ ವಿರುದ್ಧದ ಐದನೇ ಏಕದಿನ ಪಂದ್ಯದಲ್ಲಿ 8 ವಿಕೆಟ್ಗಳಿಂದ ಗೆದ್ದಿದೆ. ಇದರೊಂದಿಗೆ 4–1ಯಿಂದ ಸರಣಿ ಕೈವಶ ಮಾಡಿಕೊಂಡಿದೆ.</p>.<p>ಆ್ಯಂಟಿಗಾದ ಕೂಲಿಜ್ ಮೈದಾನದಲ್ಲಿ ಭಾನುವಾರ ತಡರಾತ್ರಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ರಾಸ್ಟನ್ ಚೇಸ್ ಸಾರಥ್ಯದ ವಿಂಡೀಸ್ ‘ಎ’ 47.4 ಓವರ್ಗಳಲ್ಲಿ 236ರನ್ ಗಳಿಸಿತು. ಈ ಗುರಿ ಮನೀಷ್ ಪಾಂಡೆ ಬಳಗಕ್ಕೆ ಅಷ್ಟೇನು ಸವಾಲೆನಿಸಲೇ ಇಲ್ಲ. ಪ್ರವಾಸಿ ಪಡೆ 33 ಓವರ್ಗಳಲ್ಲಿ 2 ವಿಕೆಟ್ ಕಳೆದುಕೊಂಡು ಗೆಲುವಿನ ದಡ ಸೇರಿತು.</p>.<p>ಶತಕದ ಜೊತೆಯಾಟ: ಗುರಿ ಬೆನ್ನಟ್ಟಿದ ಭಾರತಕ್ಕೆ ಋತುರಾಜ್ ಗಾಯಕವಾಡ್ ಮತ್ತು ಶುಭಮನ್ ಗಿಲ್ (69; 40ಎ, 8ಬೌಂ, 3ಸಿ) ಅಬ್ಬರದ ಆರಂಭ ನೀಡಿದರು.</p>.<p>ಈ ಜೋಡಿ ಕೆರಿಬಿಯನ್ ಬೌಲರ್ಗಳನ್ನು ಮನ ಬಂದಂತೆ ದಂಡಿಸಿತು. ಹೀಗಾಗಿ ಪ್ರವಾಸಿ ಪಡೆಯ ಖಾತೆಗೆ ಕೇವಲ 69 ಎಸೆತಗಳಲ್ಲಿ 110ರನ್ಗಳು ಜಮೆಯಾದವು. 12ನೇ ಓವರ್ನಲ್ಲಿ ಗಿಲ್ ಔಟಾದರು. ರಹಕೀಮ್ ಕಾರ್ನ್ವಾಲ್ ಎಸೆತದಲ್ಲಿ ಅವರು ಅಕೀಮ್ ಜೋರ್ಡಾನ್ಗೆ ಕ್ಯಾಚ್ ನೀಡಿದರು.</p>.<p>ನಂತರ ಋತುರಾಜ್ ಮತ್ತು ಶ್ರೇಯಸ್ ಅಯ್ಯರ್ (ಔಟಾಗದೆ 61; 64ಎ, 3ಬೌಂ, 2ಸಿ) ಸುಂದರ ಇನಿಂಗ್ಸ್ ಕಟ್ಟಿದರು. ಇವರು ಎರಡನೇ ವಿಕೆಟ್ಗೆ 112ರನ್ ಸೇರಿಸಿ ಗೆಲುವಿನ ಹಾದಿ ಸುಲಭ ಮಾಡಿದರು.</p>.<p>ಋತುರಾಜ್, ವಿಂಡೀಸ್ ಬೌಲರ್ಗಳ ಮೇಲೆ ಅಕ್ಷರಶಃ ಸವಾರಿ ಮಾಡಿದರು. 109 ನಿಮಿಷ ಕ್ರೀಸ್ನಲ್ಲಿದ್ದ ಅವರು 89 ಎಸೆತ ಎದುರಿಸಿದರು. ಕೇವಲ ಒಂದು ರನ್ನಿಂದ ಶತಕ ವಂಚಿತರಾದರು. ಬೌಂಡರಿ (11) ಮತ್ತು ಸಿಕ್ಸರ್ಗಳ (3) ಮೂಲಕವೇ 62 ರನ್ ಗಳಿಸಿ ಅಭಿಮಾನಿಗಳನ್ನು ರಂಜಿಸಿದರು.</p>.<p>ಋತುರಾಜ್ ಔಟಾದ ನಂತರ ಶ್ರೇಯಸ್ ಮತ್ತು ನಾಯಕ ಮನೀಷ್ ಎಚ್ಚರಿಕೆಯಿಂದ ಆಡಿ ‘ಗೆಲುವಿನ ಶಾಸ್ತ್ರ’ ಮುಗಿಸಿದರು.</p>.<p><strong>ಉತ್ತಮ ಆರಂಭ: </strong>ಮೊದಲು ಬ್ಯಾಟ್ ಮಾಡಿದ್ದ ವಿಂಡೀಸ್ ‘ಎ’ ತಂಡಕ್ಕೆ ಸುನೀಲ್ ಆ್ಯಂಬ್ರಿಸ್ (61; 52ಎ, 7ಬೌಂ, 2ಸಿ) ಮತ್ತು ಜೋರ್ನ್ ಒಟ್ಲಿ (21; 36ಎ, 2ಬೌಂ, 1ಸಿ) ಉತ್ತಮ ಆರಂಭ ನೀಡಿದ್ದರು. ಇವರು 13.3 ಓವರ್ಗಳಲ್ಲಿ 77ರನ್ ಗಳಿಸಿದರು. 14ನೇ ಓವರ್ನಲ್ಲಿ ಒಟ್ಲಿ ಔಟಾದ ನಂತರ ಆತಿಥೇಯರು ಕುಸಿತದ ಹಾದಿ ಹಿಡಿದರು. ಮಧ್ಯಮ ಕ್ರಮಾಂಕದ ಬ್ಯಾಟ್ಸ್ಮನ್ಗಳು ಭಾರತದ ಶಿಸ್ತಿನ ದಾಳಿ ಎದುರು ಮಂಕಾದರು.</p>.<p>ಶೆರ್ಫಾನೆ ರುದರ್ಫೋರ್ಡ್ (65; 70ಎ, 4ಬೌಂ, 4ಸಿ) ಮತ್ತು ಖಾರಿ ಪಿಯೆರೆ (ಔಟಾಗದೆ 35; 34ಎ, 4ಬೌಂ, 1ಸಿ) ತಂಡವನ್ನು ಗೆಲುವಿನ ದಡ ಮುಟ್ಟಿಸಲು ನಡೆಸಿದ ಪ್ರಯತ್ನ ಫಲಿಸಲಿಲ್ಲ.</p>.<p><strong>ಸಂಕ್ಷಿಪ್ತ ಸ್ಕೋರ್:</strong> ವೆಸ್ಟ್ ಇಂಡೀಸ್ ‘ಎ’; 47.4 ಓವರ್ಗಳಲ್ಲಿ 236 (ಸುನಿಲ್ ಆ್ಯಂಬ್ರಿಸ್ 61, ಜೋರ್ನ್ ಒಟ್ಲಿ 21, ಶೆರ್ಫಾನೆ ರುದರ್ಫೋರ್ಡ್ 65, ರಹಕೀಮ್ ಕಾರ್ನ್ವಾಲ್ 10, ಕೀಮೊ ಪಾಲ್ 13, ಖಾರಿ ಪಿಯೆರೆ ಔಟಾಗದೆ 35; ದೀಪಕ್ ಚಾಹರ್ 39ಕ್ಕೆ2, ಖಲೀಲ್ ಅಹಮದ್ 41ಕ್ಕೆ1, ಕೃಣಾಲ್ ಪಾಂಡ್ಯ 32ಕ್ಕೆ1, ನವದೀಪ್ ಸೈನಿ 31ಕ್ಕೆ2, ರಾಹುಲ್ ಚಾಹರ್ 53ಕ್ಕೆ2, ಅಕ್ಷರ್ ಪಟೇಲ್ 39ಕ್ಕೆ1).</p>.<p><strong>ಭಾರತ ‘ಎ’: </strong>33 ಓವರ್ಗಳಲ್ಲಿ 2 ವಿಕೆಟ್ಗೆ 237 (ಋತುರಾಜ್ ಗಾಯಕವಾಡ್ 99, ಶುಭಮನ್ ಗಿಲ್ 69, ಶ್ರೇಯಸ್ ಅಯ್ಯರ್ ಔಟಾಗದೆ 61, ಮನೀಷ್ ಪಾಂಡೆ ಔಟಾಗದೆ 7; ಕೀಮೊ ಪಾಲ್ 37ಕ್ಕೆ1, ರಹಕೀಮ್ ಕಾರ್ನ್ವಾಲ್ 47ಕ್ಕೆ1).</p>.<p>ಫಲಿತಾಂಶ: ಭಾರತ ‘ಎ’ ತಂಡಕ್ಕೆ 8 ವಿಕೆಟ್ ಗೆಲುವು. 4–1ರಿಂದ ಸರಣಿ ಕೈವಶ.</p>.<p>ಪಂದ್ಯಶ್ರೇಷ್ಠ: ಋತುರಾಜ್ ಗಾಯಕವಾಡ್.</p>.<p>******</p>.<p>ಸರಣಿಯಲ್ಲಿ ಗರಿಷ್ಠ ರನ್ ಗಳಿಸಿದ ಭಾರತದ ಆಟಗಾರರು (ಐದು ಪಂದ್ಯಗಳಿಂದ)</p>.<p>ಶುಭಮನ್ ಗಿಲ್: 218</p>.<p>ಋತುರಾಜ್ ಗಾಯಕವಾಡ್: 207</p>.<p>ಶ್ರೇಯಸ್ ಅಯ್ಯರ್: 187</p>.<p>ಮನೀಷ್ ಪಾಂಡೆ: 162</p>.<p>*********</p>.<p>ಗರಿಷ್ಠ ವಿಕೆಟ್ ಗಳಿಸಿದವರು</p>.<p>ಬೌಲರ್;ಪಂದ್ಯ;ವಿಕೆಟ್</p>.<p>ಖಲೀಲ್ ಅಹಮದ್;5;9</p>.<p>ನವದೀಪ್ ಸೈನಿ;5;8</p>.<p>ಕೃಣಾಲ್ ಪಾಂಡ್ಯ;3;7</p>.<p>*******</p>.<p>ಸರಣಿಯ ಫಲಿತಾಂಶ</p>.<p>ಪಂದ್ಯ;ಫಲಿತಾಂಶ</p>.<p>ಮೊದಲನೇ;ಭಾರತಕ್ಕೆ 65ರನ್ ಗೆಲುವು</p>.<p>ಎರಡನೇ;ಭಾರತಕ್ಕೆ 65ರನ್ ಗೆಲುವು</p>.<p>ಮೂರನೇ;ಭಾರತಕ್ಕೆ 148ರನ್ ಗೆಲುವು</p>.<p>ನಾಲ್ಕನೇ;ವೆಸ್ಟ್ ಇಂಡೀಸ್ಗೆ 5ರನ್ ಗೆಲುವು</p>.<p>ಐದನೇ;ಭಾರತಕ್ಕೆ 8 ವಿಕೆಟ್ ಗೆಲುವು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೂಲಿಜ್, ವೆಸ್ಟ್ ಇಂಡೀಸ್:</strong> ಅಗ್ರ ಕ್ರಮಾಂಕದ ಮೂವರು ಬ್ಯಾಟ್ಸ್ಮನ್ಗಳ ಮನಮೋಹಕ ಆಟದ ಬಲದಿಂದ ಭಾರತ ‘ಎ’ ತಂಡ ವೆಸ್ಟ್ ಇಂಡೀಸ್ ‘ಎ’ ವಿರುದ್ಧದ ಐದನೇ ಏಕದಿನ ಪಂದ್ಯದಲ್ಲಿ 8 ವಿಕೆಟ್ಗಳಿಂದ ಗೆದ್ದಿದೆ. ಇದರೊಂದಿಗೆ 4–1ಯಿಂದ ಸರಣಿ ಕೈವಶ ಮಾಡಿಕೊಂಡಿದೆ.</p>.<p>ಆ್ಯಂಟಿಗಾದ ಕೂಲಿಜ್ ಮೈದಾನದಲ್ಲಿ ಭಾನುವಾರ ತಡರಾತ್ರಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ರಾಸ್ಟನ್ ಚೇಸ್ ಸಾರಥ್ಯದ ವಿಂಡೀಸ್ ‘ಎ’ 47.4 ಓವರ್ಗಳಲ್ಲಿ 236ರನ್ ಗಳಿಸಿತು. ಈ ಗುರಿ ಮನೀಷ್ ಪಾಂಡೆ ಬಳಗಕ್ಕೆ ಅಷ್ಟೇನು ಸವಾಲೆನಿಸಲೇ ಇಲ್ಲ. ಪ್ರವಾಸಿ ಪಡೆ 33 ಓವರ್ಗಳಲ್ಲಿ 2 ವಿಕೆಟ್ ಕಳೆದುಕೊಂಡು ಗೆಲುವಿನ ದಡ ಸೇರಿತು.</p>.<p>ಶತಕದ ಜೊತೆಯಾಟ: ಗುರಿ ಬೆನ್ನಟ್ಟಿದ ಭಾರತಕ್ಕೆ ಋತುರಾಜ್ ಗಾಯಕವಾಡ್ ಮತ್ತು ಶುಭಮನ್ ಗಿಲ್ (69; 40ಎ, 8ಬೌಂ, 3ಸಿ) ಅಬ್ಬರದ ಆರಂಭ ನೀಡಿದರು.</p>.<p>ಈ ಜೋಡಿ ಕೆರಿಬಿಯನ್ ಬೌಲರ್ಗಳನ್ನು ಮನ ಬಂದಂತೆ ದಂಡಿಸಿತು. ಹೀಗಾಗಿ ಪ್ರವಾಸಿ ಪಡೆಯ ಖಾತೆಗೆ ಕೇವಲ 69 ಎಸೆತಗಳಲ್ಲಿ 110ರನ್ಗಳು ಜಮೆಯಾದವು. 12ನೇ ಓವರ್ನಲ್ಲಿ ಗಿಲ್ ಔಟಾದರು. ರಹಕೀಮ್ ಕಾರ್ನ್ವಾಲ್ ಎಸೆತದಲ್ಲಿ ಅವರು ಅಕೀಮ್ ಜೋರ್ಡಾನ್ಗೆ ಕ್ಯಾಚ್ ನೀಡಿದರು.</p>.<p>ನಂತರ ಋತುರಾಜ್ ಮತ್ತು ಶ್ರೇಯಸ್ ಅಯ್ಯರ್ (ಔಟಾಗದೆ 61; 64ಎ, 3ಬೌಂ, 2ಸಿ) ಸುಂದರ ಇನಿಂಗ್ಸ್ ಕಟ್ಟಿದರು. ಇವರು ಎರಡನೇ ವಿಕೆಟ್ಗೆ 112ರನ್ ಸೇರಿಸಿ ಗೆಲುವಿನ ಹಾದಿ ಸುಲಭ ಮಾಡಿದರು.</p>.<p>ಋತುರಾಜ್, ವಿಂಡೀಸ್ ಬೌಲರ್ಗಳ ಮೇಲೆ ಅಕ್ಷರಶಃ ಸವಾರಿ ಮಾಡಿದರು. 109 ನಿಮಿಷ ಕ್ರೀಸ್ನಲ್ಲಿದ್ದ ಅವರು 89 ಎಸೆತ ಎದುರಿಸಿದರು. ಕೇವಲ ಒಂದು ರನ್ನಿಂದ ಶತಕ ವಂಚಿತರಾದರು. ಬೌಂಡರಿ (11) ಮತ್ತು ಸಿಕ್ಸರ್ಗಳ (3) ಮೂಲಕವೇ 62 ರನ್ ಗಳಿಸಿ ಅಭಿಮಾನಿಗಳನ್ನು ರಂಜಿಸಿದರು.</p>.<p>ಋತುರಾಜ್ ಔಟಾದ ನಂತರ ಶ್ರೇಯಸ್ ಮತ್ತು ನಾಯಕ ಮನೀಷ್ ಎಚ್ಚರಿಕೆಯಿಂದ ಆಡಿ ‘ಗೆಲುವಿನ ಶಾಸ್ತ್ರ’ ಮುಗಿಸಿದರು.</p>.<p><strong>ಉತ್ತಮ ಆರಂಭ: </strong>ಮೊದಲು ಬ್ಯಾಟ್ ಮಾಡಿದ್ದ ವಿಂಡೀಸ್ ‘ಎ’ ತಂಡಕ್ಕೆ ಸುನೀಲ್ ಆ್ಯಂಬ್ರಿಸ್ (61; 52ಎ, 7ಬೌಂ, 2ಸಿ) ಮತ್ತು ಜೋರ್ನ್ ಒಟ್ಲಿ (21; 36ಎ, 2ಬೌಂ, 1ಸಿ) ಉತ್ತಮ ಆರಂಭ ನೀಡಿದ್ದರು. ಇವರು 13.3 ಓವರ್ಗಳಲ್ಲಿ 77ರನ್ ಗಳಿಸಿದರು. 14ನೇ ಓವರ್ನಲ್ಲಿ ಒಟ್ಲಿ ಔಟಾದ ನಂತರ ಆತಿಥೇಯರು ಕುಸಿತದ ಹಾದಿ ಹಿಡಿದರು. ಮಧ್ಯಮ ಕ್ರಮಾಂಕದ ಬ್ಯಾಟ್ಸ್ಮನ್ಗಳು ಭಾರತದ ಶಿಸ್ತಿನ ದಾಳಿ ಎದುರು ಮಂಕಾದರು.</p>.<p>ಶೆರ್ಫಾನೆ ರುದರ್ಫೋರ್ಡ್ (65; 70ಎ, 4ಬೌಂ, 4ಸಿ) ಮತ್ತು ಖಾರಿ ಪಿಯೆರೆ (ಔಟಾಗದೆ 35; 34ಎ, 4ಬೌಂ, 1ಸಿ) ತಂಡವನ್ನು ಗೆಲುವಿನ ದಡ ಮುಟ್ಟಿಸಲು ನಡೆಸಿದ ಪ್ರಯತ್ನ ಫಲಿಸಲಿಲ್ಲ.</p>.<p><strong>ಸಂಕ್ಷಿಪ್ತ ಸ್ಕೋರ್:</strong> ವೆಸ್ಟ್ ಇಂಡೀಸ್ ‘ಎ’; 47.4 ಓವರ್ಗಳಲ್ಲಿ 236 (ಸುನಿಲ್ ಆ್ಯಂಬ್ರಿಸ್ 61, ಜೋರ್ನ್ ಒಟ್ಲಿ 21, ಶೆರ್ಫಾನೆ ರುದರ್ಫೋರ್ಡ್ 65, ರಹಕೀಮ್ ಕಾರ್ನ್ವಾಲ್ 10, ಕೀಮೊ ಪಾಲ್ 13, ಖಾರಿ ಪಿಯೆರೆ ಔಟಾಗದೆ 35; ದೀಪಕ್ ಚಾಹರ್ 39ಕ್ಕೆ2, ಖಲೀಲ್ ಅಹಮದ್ 41ಕ್ಕೆ1, ಕೃಣಾಲ್ ಪಾಂಡ್ಯ 32ಕ್ಕೆ1, ನವದೀಪ್ ಸೈನಿ 31ಕ್ಕೆ2, ರಾಹುಲ್ ಚಾಹರ್ 53ಕ್ಕೆ2, ಅಕ್ಷರ್ ಪಟೇಲ್ 39ಕ್ಕೆ1).</p>.<p><strong>ಭಾರತ ‘ಎ’: </strong>33 ಓವರ್ಗಳಲ್ಲಿ 2 ವಿಕೆಟ್ಗೆ 237 (ಋತುರಾಜ್ ಗಾಯಕವಾಡ್ 99, ಶುಭಮನ್ ಗಿಲ್ 69, ಶ್ರೇಯಸ್ ಅಯ್ಯರ್ ಔಟಾಗದೆ 61, ಮನೀಷ್ ಪಾಂಡೆ ಔಟಾಗದೆ 7; ಕೀಮೊ ಪಾಲ್ 37ಕ್ಕೆ1, ರಹಕೀಮ್ ಕಾರ್ನ್ವಾಲ್ 47ಕ್ಕೆ1).</p>.<p>ಫಲಿತಾಂಶ: ಭಾರತ ‘ಎ’ ತಂಡಕ್ಕೆ 8 ವಿಕೆಟ್ ಗೆಲುವು. 4–1ರಿಂದ ಸರಣಿ ಕೈವಶ.</p>.<p>ಪಂದ್ಯಶ್ರೇಷ್ಠ: ಋತುರಾಜ್ ಗಾಯಕವಾಡ್.</p>.<p>******</p>.<p>ಸರಣಿಯಲ್ಲಿ ಗರಿಷ್ಠ ರನ್ ಗಳಿಸಿದ ಭಾರತದ ಆಟಗಾರರು (ಐದು ಪಂದ್ಯಗಳಿಂದ)</p>.<p>ಶುಭಮನ್ ಗಿಲ್: 218</p>.<p>ಋತುರಾಜ್ ಗಾಯಕವಾಡ್: 207</p>.<p>ಶ್ರೇಯಸ್ ಅಯ್ಯರ್: 187</p>.<p>ಮನೀಷ್ ಪಾಂಡೆ: 162</p>.<p>*********</p>.<p>ಗರಿಷ್ಠ ವಿಕೆಟ್ ಗಳಿಸಿದವರು</p>.<p>ಬೌಲರ್;ಪಂದ್ಯ;ವಿಕೆಟ್</p>.<p>ಖಲೀಲ್ ಅಹಮದ್;5;9</p>.<p>ನವದೀಪ್ ಸೈನಿ;5;8</p>.<p>ಕೃಣಾಲ್ ಪಾಂಡ್ಯ;3;7</p>.<p>*******</p>.<p>ಸರಣಿಯ ಫಲಿತಾಂಶ</p>.<p>ಪಂದ್ಯ;ಫಲಿತಾಂಶ</p>.<p>ಮೊದಲನೇ;ಭಾರತಕ್ಕೆ 65ರನ್ ಗೆಲುವು</p>.<p>ಎರಡನೇ;ಭಾರತಕ್ಕೆ 65ರನ್ ಗೆಲುವು</p>.<p>ಮೂರನೇ;ಭಾರತಕ್ಕೆ 148ರನ್ ಗೆಲುವು</p>.<p>ನಾಲ್ಕನೇ;ವೆಸ್ಟ್ ಇಂಡೀಸ್ಗೆ 5ರನ್ ಗೆಲುವು</p>.<p>ಐದನೇ;ಭಾರತಕ್ಕೆ 8 ವಿಕೆಟ್ ಗೆಲುವು</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
