ಕೌರ್‌ ಪಡೆಗೆ ಸರಣಿ ಗೆಲುವು

ಚೆಸ್ಟರ್ ಲಿ ಸ್ಟ್ರೀಟ್ (ಬ್ರಿಟನ್) : ನಾಯಕಿ ಹರ್ಮನ್ ಪ್ರೀತ್ ಕೌರ್ ಶತಕ ಮತ್ತು ಕ್ರಾಂತಿ ಗೌಡ್ ಅವರ ಅಮೋಘ ಬೌಲಿಂಗ್ನಿಂದಾಗಿ ಭಾರತ ಮಹಿಳಾ ತಂಡವು ಇಂಗ್ಲೆಂಡ್ ಎದುರು ಮೂರನೇ ಏಕದಿನ ಕ್ರಿಕೆಟ್ ಪಂದ್ಯದಲ್ಲಿ 13ರನ್ಗಳಿಂದ ಜಯಿಸಿತು. ಅದರೊಂದಿಗೆ 2-1 ರಿಂದ ಸರಣಿಯನ್ನು ತನ್ನದಾಗಿಸಿಕೊಂಡಿತು.

. ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ನಾಯಕಿ ಹರ್ಮನ್ಪ್ರೀತ್ ಕೌರ್, ನಾಯಕತ್ವಕ್ಕೆ ತಕ್ಕಂತೆ ಆಡಿ 84 ಎಸೆತಗಳಲ್ಲಿ 102 ರನ್ ಗಳಿಸಿದರು. ಅರ್ಧಶತಕ ದಾಖಲಿಸಿದ ಜೆಮಿಮಾ ರಾಡ್ರಿಗಸ್ (50; 45ಎಸೆತ, 4X7) ಕೌರ್ ಅವರಿಗೆ ಉತ್ತಮ ಬೆಂಬಲ ನೀಡಿದರು. ಹೀಗಾಗಿ, ಭಾರತ ತಂಡವು 50 ಓವರ್ಗಳಲ್ಲಿ 5 ವಿಕೆಟ್ಗಳಿಗೆ 318 ರನ್ಗಳನ್ನು ಗಳಿಸಿತು.

. 319 ರನ್ಗಳ ಬೃಹತ್ ಗುರಿ ಬೆನ್ನಟ್ಟಿದ ಇಂಗ್ಲೆಂಡ್, ಕ್ರಾಂತಿ ಗೌಡ್ ಅವರ ದಾಳಿ ಎದುರು (52ಕ್ಕೆ6) 49.5 ಓವರ್ಗಳಲ್ಲಿ 305 ರನ್ಗಳಿಗೆ ಆಲೌಟ್ ಆಯಿತು.

. 8 ರನ್ಗೆ ಎರಡು ವಿಕೆಟ್ ಕಳೆದುಕೊಂಡಿದ್ದ ಇಂಗ್ಲೆಂಡ್ಗೆ, ಎಮ್ಮಾ ಲ್ಯಾಂಬ್ (68 ರನ್; 81 ಎ, 5x4) ಹಾಗೂ ನಾಯಕಿ ನ್ಯಾಟ್ ಸ್ಕಿವರ್ ಬ್ರಂಟ್ (98ರನ್; 11x4) ನಾಲ್ಕನೇ ವಿಕೆಟ್ಗೆ 187 ರನ್ಗಳ ಉತ್ತಮ ಜೊತೆಯಾಟ ನೀಡಿದರು.

. ಶತಕದಂಚಿನಲ್ಲಿದ್ದ ಬ್ರಂಟ್ ಅವರ ವಿಕೆಟ್ ಕಿತ್ತ ಆಲ್ರೌಂಡರ್ ದೀಪ್ತಿ ಶರ್ಮಾ, ಇಂಗ್ಲೆಂಡ್ನ ಗೆಲುವನ್ನು ಕಸಿದರು.

. ಭಾರತ ಬೃಹತ್ ಮೊತ್ತ: ಮೊದಲು ಬ್ಯಾಟಿಂಗ್ ಮಾಡಿದ ಭಾರತಕ್ಕೆ ಸ್ಮೃತಿ ಮಂದಾನ (45; 54ಎ) ಮತ್ತು ಪ್ರತೀಕಾ ರಾವಲ್ (26; 33ಎ) 64 ರನ್ ಜೊತೆಯಾಟ ಆಡಿ ಉತ್ತಮ ಆರಂಭ ಒದಗಿಸಿದರು. ಆದರೆ ಐದು ಓವರ್ಗಳ ಅಂತರದಲ್ಲಿ ಕ್ರಮವಾಗಿ ಪ್ರತೀಕಾ ಮತ್ತು ಸ್ಮೃತಿ ಇಬ್ಬರೂ ಔಟಾದರು.

. ಈ ಹಂತದಲ್ಲಿ ಕ್ರೀಸ್ನಲ್ಲಿದ್ದ ಹರ್ಲಿನ್ (45; 65ಎ, 4X4) ಅವರೊಂದಿಗೆ ಸೇರಿಕೊಂಡ ನಾಯಕಿ ಹರ್ಮನ್ 3ನೇ ವಿಕೆಟ್ ಜೊತೆಯಾಟದಲ್ಲಿ 81 ರನ್ ಸೇರಿಸಿದರು. ಇದರಿಂದಾಗಿ ತಂಡವು ದೊಡ್ಡ ಮೊತ್ತ ಗಳಿಸುವ ನಿರೀಕ್ಷೆ ಗರಿಗೆದರಿತು.

. ಆದರೆ ಲಾರೆನ್ ಬೆಲ್ ಅವರು ಹರ್ಲಿನ್ ವಿಕೆಟ್ ಗಳಿಸಿ ಜೊತೆಯಾಟ ಮುರಿದರು. ಹರ್ಮನ್ ತಮ್ಮ ಬೀಸಾಟ ಮುಂದುವರಿಸಿದರು. ಏಕದಿನ ಕ್ರಿಕೆಟ್ನಲ್ಲಿ ತಮ್ಮ ಏಳನೇ ಶತಕ ಗಳಿಸಿದರು.

. ಹರ್ಮನ್ ಮತ್ತು ಜೆಮಿಮಾ ಅವರು 4ನೇ ವಿಕೆಟ್ ಜೊತೆಯಾಟದಲ್ಲಿ 110 ರನ್ ಸೇರಿಸಿದರು. ಇನಿಂಗ್ಸ್ನಲ್ಲಿ ನಾಲ್ಕು ಓವರ್ಗಳ ಬಾಕಿಯಿದ್ದಾಗ ಲಾರೆನ್ ಫೈಲರ್ ಎಸೆತದಲ್ಲಿ ಜೆಮಿಮಾ ನಿರ್ಗಮಿಸಿದರು. ಶತಕದ ಜೊತೆಯಾಟ ಮುರಿಯಿತು.

. ಕ್ರೀಸ್ಗೆ ಬಂದ ರಿಚಾ ಘೋಷ್ (ಅಜೇಯ 38; 18ಎ, 4X3, 6X2) ಬೌಲರ್ಗಳಿಗೆ ಬಿಸಿ ಮುಟ್ಟಿಸಿದರು. ಅವರ ಭರ್ಜರಿ ಬ್ಯಾಟಿಂಗ್ನಿಂದಾಗಿ ತಂಡದ ಮೊತ್ತವು ತ್ರಿಶತಕ ದಾಟಿತು.

. ಸಂಕ್ಷಿಪ್ತ ಸ್ಕೋರು : ಭಾರತ: 50 ಓವರ್ಗಳಲ್ಲಿ 5 ವಿಕೆಟ್ಗಳಿಗೆ 318 (ಪ್ರತಿಕಾ ರಾವಲ್ 26, ಸ್ಮೃತಿ ಮಂದಾನ 45, ಹರ್ಲೀನ್ ಡಿಯೊಲ್ 45, ಹರ್ಮನ್ಪ್ರೀತ್ ಕೌರ್ 102, ಜೆಮಿಮಾ ರಾಡ್ರಿಗಸ್ 50, ರಿಚಾ ಘೋಷ್ ಔಟಾಗದೇ 38, ಲಾರೆನ್ ಬೆಲ್ 82ಕ್ಕೆ1, ಲಾರೆನ್ ಫೈಲರ್ 64ಕ್ಕೆ1, ಚಾರ್ಲೀ ಡೀನ್ 69ಕ್ಕೆ1)

. ಇಂಗ್ಲೆಂಡ್: 50 ಓವರ್ಗಳಲ್ಲಿ 5 ವಿಕೆಟ್ಗಳಿಗೆ 318 (ಎಮ್ಮಾ ಲ್ಯಾಂಬ್ 68, ನ್ಯಾಟ್ ಸ್ಕಿವರ್ ಬ್ರಂಟ್ 98, ಅಲೈಸ್ ಡೇವಿಡ್ಸನ್ ರಿಚರ್ಡ್ಸ್ 44, ಕ್ರಾಂತಿ ಗೌಡ್ 52ಕ್ಕೆ6, ಶ್ರೀ ಚರಣಿ 68ಕ್ಕೆ2)

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೌರ್‌ ಪಡೆಗೆ ಸರಣಿ ಗೆಲುವು

ಚಿನಕುರುಳಿ ಕಾರ್ಟೂನ್: ಜುಲೈ 22 ಮಂಗಳವಾರ 2025

ಮಂಡ್ಯ | ಲಂಚಕ್ಕೆ ಬೇಡಿಕೆ: ಸಹಾಯಕ ನಿರ್ದೇಶಕಿ ಸೇರಿದಂತೆ ಮೂವರು ಲೋಕಾ ಬಲೆಗೆ

ಗೌರಿಬಿದನೂರು: ಹದಿನೈದು ಕುಟುಂಬಗಳು ಹಿಂದೂ ಧರ್ಮಕ್ಕೆ ವಾಪಸ್‌

ಚುರುಮುರಿ | ಗಂಗಾ ಕಾವೇರಿ

WI vs AUS | ಆ್ಯಂಡ್ರೆ ರಸೆಲ್‌ ವಿದಾಯ; ವಿಂಡೀಸ್, ಆಸೀಸ್ ಆಟಗಾರರಿಂದ ಗೌರವ

ಫಿಡೆ ಮಹಿಳಾ ವಿಶ್ವ ಕಪ್‌| ಚೀನಾ ಸ್ಪರ್ಧಿಗಳ ಎದುರು ಡ್ರಾ ಸಾಧಿಸಿದ ಹಂಪಿ, ದಿವ್ಯಾ