Indian Premier League 2025 | ಐಪಿಎಲ್‌ಗೆ ಹದಿನೆಂಟು: ನಿರೀಕ್ಷೆ ನೂರೆಂಟು

ಕೋಲ್ಕತ್ತ : ಈಡನ್‌ ಗಾರ್ಡನ್‌ನಲ್ಲಿ ಐಪಿಎಲ್‌ ಉದ್ಘಾಟನಾ ಪಂದ್ಯದ ಮುನ್ನಾದಿನ ಕೋಲ್ಕತ್ತ ನೈಟ್‌ ರೈಡರ್ಸ್‌ ಮತ್ತು ರಾಯಲ್‌ ಚಾಲೆಂಜರ್ಸ್ ತಂಡಗಳ ತಾಲೀಮನ್ನು ಶುಕ್ರವಾರ ಸಂಜೆ ತುಂತುರು ಮಳೆಯ ಕಾರಣ ನಿಗದಿಗಿಂತ ಮೊದಲೇ ಮೊಟಕುಗೊಳಿಸಬೇಕಾಯಿತು. ಸಂಜೆ 5 ಗಂಟೆಗೆ ತಂಡಗಳು ನೆಟ್ಸ್‌ನಲ್ಲಿ ತೊಡಗಿದ್ದವು. ಆದರೆ ಒಂದು ಗಂಟೆಯ ಬಳಿಕ ಮಳೆ ಶುರುವಾಯಿತು. ಆಟಗಾರರು ಕಿಟ್‌ಗಳೊಡನೆ ಮೈದಾನದಿಂದ ನಿರ್ಗಮಿಸಿದರು. ಶುಕ್ರವಾರ ಮತ್ತು ಶನಿವಾರ ಕೋಲ್ಕತ್ತ ಸೇರಿದಂತೆ ಪಶ್ಚಿಮ ಬಂಗಾಳದ ಅನೇಕ ಜಿಲ್ಲೆಗಳಲ್ಲಿ ಗಾಳಿ, ಗುಡುಗುಸಹಿತ ಮಳೆಯಾಗಬಹುದೆಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿತ್ತು.