<p><strong>ಬ್ರಿಸ್ಬೇನ್: </strong>ಅಂತಿಮ ಓವರ್ನಲ್ಲಿ ಕೈಚಳಕ ತೋರಿದ ಸ್ಪಿನ್ನರ್ ಪೂನಮ್ ಯಾದವ್, ಭಾರತದ ಪಾಳಯದಲ್ಲಿ ಸಂಭ್ರಮ ಉಕ್ಕಿ ಹರಿಯುವಂತೆ ಮಾಡಿದರು.</p>.<p>ಪೂನಮ್ (20ಕ್ಕೆ3) ಅವರ ಪರಿಣಾಮಕಾರಿ ಬೌಲಿಂಗ್ ನೆರವಿನಿಂದ ಭಾರತ ತಂಡ ಮಹಿಳಾ ಟ್ವೆಂಟಿ–20 ವಿಶ್ವಕಪ್ ಕ್ರಿಕೆಟ್ ಟೂರ್ನಿಯ ಅಭ್ಯಾಸ ಪಂದ್ಯದಲ್ಲಿ ಎರಡು ರನ್ಗಳಿಂದ ವೆಸ್ಟ್ ಇಂಡೀಸ್ ತಂಡವನ್ನು ಸೋಲಿಸಿದೆ.</p>.<p>ಅಲನ್ ಬಾರ್ಡರ್ ಮೈದಾನದಲ್ಲಿ ಮಂಗಳವಾರ ಮೊದಲು ಬ್ಯಾಟ್ ಮಾಡಿದ ಹರ್ಮನ್ಪ್ರೀತ್ ಕೌರ್ ನೇತೃತ್ವದ ಭಾರತ ತಂಡ ಒಂಬತ್ತನೇ ಕ್ರಮಾಂಕದ ಆಟಗಾರ್ತಿ ಶಿಖಾ ಪಾಂಡೆ (ಔಟಾಗದೆ 24; 16ಎ, 3ಬೌಂ, 1ಸಿ) ಅವರ ಸ್ಫೋಟಕ ಬ್ಯಾಟಿಂಗ್ ನೆರವಿನಿಂದ 20 ಓವರ್ಗಳಲ್ಲಿ 8 ವಿಕೆಟ್ಗೆ 107ರನ್ ಕಲೆಹಾಕಿತು. ವೆಸ್ಟ್ ಇಂಡೀಸ್ ತಂಡ 7 ವಿಕೆಟ್ಗೆ 105ರನ್ ಕಲೆಹಾಕಲಷ್ಟೇ ಶಕ್ತವಾಯಿತು.</p>.<p>ಗುರಿ ಬೆನ್ನಟ್ಟಿದ ಸ್ಟೆಫಾನಿ ಟೇಲರ್ ಬಳಗ ಆರನೇ ಓವರ್ನಲ್ಲಿ ಬ್ರಿಟ್ನಿ ಕೂಪರ್ (1; 18ಎ) ವಿಕೆಟ್ ಕಳೆದುಕೊಂಡಿತು.</p>.<p>ನಂತರ ಲೀ ಆ್ಯನ್ ಕಿರ್ಬಿ (42; 41ಎ, 3ಬೌಂ, 2ಸಿ) ಮತ್ತು ನಾಯಕಿ ಸ್ಟೆಫಾನಿ (16; 24ಎ, 1ಬೌಂ) ದಿಟ್ಟ ಆಟ ಆಡಿ ವಿಂಡೀಸ್ ಪಾಳಯದಲ್ಲಿ ಗೆಲುವಿನ ಕನಸು ಚಿಗುರೊಡೆಯುವಂತೆ ಮಾಡಿದರು.</p>.<p>14ನೇ ಓವರ್ನ ಮೊದಲ ಎಸೆತದಲ್ಲಿ ಕಿರ್ಬಿ ವಿಕೆಟ್ ಉರುಳಿಸಿದ ದೀಪ್ತಿ ಶರ್ಮಾ ಭಾರತದ ಪಾಳಯದಲ್ಲಿ ಸಂಭ್ರಮ ಮೂಡಿಸಿದರು. ನಂತರದ ಓವರ್ನಲ್ಲಿ ಟೇಲರ್ ರನ್ಔಟ್ ಆದರು. ಬಳಿಕ ಭಾರತದ ಬೌಲರ್ಗಳು ಮೇಲುಗೈ ಸಾಧಿಸಿದರು.</p>.<p>ಕೊನೆಯ ಓವರ್ನಲ್ಲಿ ವಿಂಡೀಸ್ ಗೆಲುವಿಗೆ 11 ರನ್ಗಳು ಬೇಕಿದ್ದವು. ನಾಲ್ಕು ಮತ್ತು ಆರನೇ ಎಸೆತಗಳಲ್ಲಿ ಕ್ರಮವಾಗಿ ಹೇಲಿ ಮ್ಯಾಥ್ಯೂಸ್ (25; 21ಎ, 2ಬೌಂ, 1ಸಿ) ಮತ್ತು ಚಿನೆಲ್ ಹೆನ್ರಿ (17; 10ಎ, 3ಬೌಂ) ಅವರ ವಿಕೆಟ್ ಕಬಳಿಸಿದ ಪೂನಮ್ ಸಂಭ್ರಮಿಸಿದರು.</p>.<p><strong>ಸಂಕ್ಷಿಪ್ತ ಸ್ಕೋರ್: ಭಾರತ;</strong> 20 ಓವರ್ಗಳಲ್ಲಿ 8 ವಿಕೆಟ್ಗೆ 107 (ಶಫಾಲಿ ವರ್ಮಾ 12, ಹರ್ಮನ್ಪ್ರೀತ್ ಕೌರ್ 11, ದೀಪ್ತಿ ಶರ್ಮಾ 21, ಪೂಜಾ ವಸ್ತ್ರಕರ್ 13, ತಾನಿಯಾ ಭಾಟಿಯಾ 10, ಶಿಖಾ ಪಾಂಡೆ ಔಟಾಗದೆ 24; ಶಮಿಲಿಯಾ ಕಾನೆಲ್ 20ಕ್ಕೆ2, ಅನಿಸಾ ಮೊಹಮ್ಮದ್ 16ಕ್ಕೆ2).</p>.<p><strong>ವೆಸ್ಟ್ ಇಂಡೀಸ್:</strong> 20 ಓವರ್ಗಳಲ್ಲಿ 7 ವಿಕೆಟ್ಗೆ 105 (ಲೀ ಆ್ಯನ್ ಕಿರ್ಬಿ 42, ಸ್ಟೆಫಾನಿ ಟೇಲರ್ 16, ಹೇಲಿ ಮ್ಯಾಥ್ಯೂಸ್ 25, ಚಿನೆಲ್ ಹೆನ್ರಿ 17; ಶಿಖಾ ಪಾಂಡೆ 18ಕ್ಕೆ1, ದೀಪ್ತಿ ಶರ್ಮಾ 12ಕ್ಕೆ1, ಹರ್ಮನ್ಪ್ರೀತ್ ಕೌರ್ 15ಕ್ಕೆ1, ಪೂನಮ್ ಯಾದವ್ 20ಕ್ಕೆ3).</p>.<p><strong>ಫಲಿತಾಂಶ: ಭಾರತಕ್ಕೆ ಎರಡು ರನ್ ಗೆಲುವು.</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬ್ರಿಸ್ಬೇನ್: </strong>ಅಂತಿಮ ಓವರ್ನಲ್ಲಿ ಕೈಚಳಕ ತೋರಿದ ಸ್ಪಿನ್ನರ್ ಪೂನಮ್ ಯಾದವ್, ಭಾರತದ ಪಾಳಯದಲ್ಲಿ ಸಂಭ್ರಮ ಉಕ್ಕಿ ಹರಿಯುವಂತೆ ಮಾಡಿದರು.</p>.<p>ಪೂನಮ್ (20ಕ್ಕೆ3) ಅವರ ಪರಿಣಾಮಕಾರಿ ಬೌಲಿಂಗ್ ನೆರವಿನಿಂದ ಭಾರತ ತಂಡ ಮಹಿಳಾ ಟ್ವೆಂಟಿ–20 ವಿಶ್ವಕಪ್ ಕ್ರಿಕೆಟ್ ಟೂರ್ನಿಯ ಅಭ್ಯಾಸ ಪಂದ್ಯದಲ್ಲಿ ಎರಡು ರನ್ಗಳಿಂದ ವೆಸ್ಟ್ ಇಂಡೀಸ್ ತಂಡವನ್ನು ಸೋಲಿಸಿದೆ.</p>.<p>ಅಲನ್ ಬಾರ್ಡರ್ ಮೈದಾನದಲ್ಲಿ ಮಂಗಳವಾರ ಮೊದಲು ಬ್ಯಾಟ್ ಮಾಡಿದ ಹರ್ಮನ್ಪ್ರೀತ್ ಕೌರ್ ನೇತೃತ್ವದ ಭಾರತ ತಂಡ ಒಂಬತ್ತನೇ ಕ್ರಮಾಂಕದ ಆಟಗಾರ್ತಿ ಶಿಖಾ ಪಾಂಡೆ (ಔಟಾಗದೆ 24; 16ಎ, 3ಬೌಂ, 1ಸಿ) ಅವರ ಸ್ಫೋಟಕ ಬ್ಯಾಟಿಂಗ್ ನೆರವಿನಿಂದ 20 ಓವರ್ಗಳಲ್ಲಿ 8 ವಿಕೆಟ್ಗೆ 107ರನ್ ಕಲೆಹಾಕಿತು. ವೆಸ್ಟ್ ಇಂಡೀಸ್ ತಂಡ 7 ವಿಕೆಟ್ಗೆ 105ರನ್ ಕಲೆಹಾಕಲಷ್ಟೇ ಶಕ್ತವಾಯಿತು.</p>.<p>ಗುರಿ ಬೆನ್ನಟ್ಟಿದ ಸ್ಟೆಫಾನಿ ಟೇಲರ್ ಬಳಗ ಆರನೇ ಓವರ್ನಲ್ಲಿ ಬ್ರಿಟ್ನಿ ಕೂಪರ್ (1; 18ಎ) ವಿಕೆಟ್ ಕಳೆದುಕೊಂಡಿತು.</p>.<p>ನಂತರ ಲೀ ಆ್ಯನ್ ಕಿರ್ಬಿ (42; 41ಎ, 3ಬೌಂ, 2ಸಿ) ಮತ್ತು ನಾಯಕಿ ಸ್ಟೆಫಾನಿ (16; 24ಎ, 1ಬೌಂ) ದಿಟ್ಟ ಆಟ ಆಡಿ ವಿಂಡೀಸ್ ಪಾಳಯದಲ್ಲಿ ಗೆಲುವಿನ ಕನಸು ಚಿಗುರೊಡೆಯುವಂತೆ ಮಾಡಿದರು.</p>.<p>14ನೇ ಓವರ್ನ ಮೊದಲ ಎಸೆತದಲ್ಲಿ ಕಿರ್ಬಿ ವಿಕೆಟ್ ಉರುಳಿಸಿದ ದೀಪ್ತಿ ಶರ್ಮಾ ಭಾರತದ ಪಾಳಯದಲ್ಲಿ ಸಂಭ್ರಮ ಮೂಡಿಸಿದರು. ನಂತರದ ಓವರ್ನಲ್ಲಿ ಟೇಲರ್ ರನ್ಔಟ್ ಆದರು. ಬಳಿಕ ಭಾರತದ ಬೌಲರ್ಗಳು ಮೇಲುಗೈ ಸಾಧಿಸಿದರು.</p>.<p>ಕೊನೆಯ ಓವರ್ನಲ್ಲಿ ವಿಂಡೀಸ್ ಗೆಲುವಿಗೆ 11 ರನ್ಗಳು ಬೇಕಿದ್ದವು. ನಾಲ್ಕು ಮತ್ತು ಆರನೇ ಎಸೆತಗಳಲ್ಲಿ ಕ್ರಮವಾಗಿ ಹೇಲಿ ಮ್ಯಾಥ್ಯೂಸ್ (25; 21ಎ, 2ಬೌಂ, 1ಸಿ) ಮತ್ತು ಚಿನೆಲ್ ಹೆನ್ರಿ (17; 10ಎ, 3ಬೌಂ) ಅವರ ವಿಕೆಟ್ ಕಬಳಿಸಿದ ಪೂನಮ್ ಸಂಭ್ರಮಿಸಿದರು.</p>.<p><strong>ಸಂಕ್ಷಿಪ್ತ ಸ್ಕೋರ್: ಭಾರತ;</strong> 20 ಓವರ್ಗಳಲ್ಲಿ 8 ವಿಕೆಟ್ಗೆ 107 (ಶಫಾಲಿ ವರ್ಮಾ 12, ಹರ್ಮನ್ಪ್ರೀತ್ ಕೌರ್ 11, ದೀಪ್ತಿ ಶರ್ಮಾ 21, ಪೂಜಾ ವಸ್ತ್ರಕರ್ 13, ತಾನಿಯಾ ಭಾಟಿಯಾ 10, ಶಿಖಾ ಪಾಂಡೆ ಔಟಾಗದೆ 24; ಶಮಿಲಿಯಾ ಕಾನೆಲ್ 20ಕ್ಕೆ2, ಅನಿಸಾ ಮೊಹಮ್ಮದ್ 16ಕ್ಕೆ2).</p>.<p><strong>ವೆಸ್ಟ್ ಇಂಡೀಸ್:</strong> 20 ಓವರ್ಗಳಲ್ಲಿ 7 ವಿಕೆಟ್ಗೆ 105 (ಲೀ ಆ್ಯನ್ ಕಿರ್ಬಿ 42, ಸ್ಟೆಫಾನಿ ಟೇಲರ್ 16, ಹೇಲಿ ಮ್ಯಾಥ್ಯೂಸ್ 25, ಚಿನೆಲ್ ಹೆನ್ರಿ 17; ಶಿಖಾ ಪಾಂಡೆ 18ಕ್ಕೆ1, ದೀಪ್ತಿ ಶರ್ಮಾ 12ಕ್ಕೆ1, ಹರ್ಮನ್ಪ್ರೀತ್ ಕೌರ್ 15ಕ್ಕೆ1, ಪೂನಮ್ ಯಾದವ್ 20ಕ್ಕೆ3).</p>.<p><strong>ಫಲಿತಾಂಶ: ಭಾರತಕ್ಕೆ ಎರಡು ರನ್ ಗೆಲುವು.</strong></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
