ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಭಾನುವಾರ ಲೀಗ್ ಹಂತದಲ್ಲಿ ತನ್ನ ಕೊನೆಯ ಪಂದ್ಯವನ್ನು ಆಡಿತ್ತು. ಟಾಸ್ ಸಂದರ್ಭದಲ್ಲಿ ಕೇಳಿದ ಪ್ರಶ್ನೆಗೆ ಧೋನಿ, ‘ಖಂಡಿತಾ ಇದು ನನ್ನ ಕೊನೆಯ ಪಂದ್ಯವಲ್ಲ’ ಎಂದು ಉತ್ತರಿಸಿದ್ದರು. ಲುಂಗಿ ಎನ್ಗಿಡಿ ಜೊತೆ ನಡೆಸಿದ ಮಾತುಕತೆ ವೇಳೆ ಧೋನಿ ಕುರಿತು ಅಭಿಪ್ರಾಯ ವ್ಯಕ್ತಪಡಿಸಿರುವ ಪ್ಲೆಸಿ, ‘ನೀವು ಸಿಎಸ್ಕೆ ಬಗ್ಗೆ ಯೋಚಿಸುವಾಗ, ಧೋನಿ ಬಗ್ಗೆಯೂ ಯೋಚಿಸುತ್ತೀರಿ. ಏಕೆಂದರೆ ಐಪಿಎಲ್ನಲ್ಲಿ ಧೋನಿ ಆಡುವ ಅಗತ್ಯವಿದೆ. ಅಭಿಮಾನಿಗಳು ಅವರನ್ನು ತುಂಬಾ ಪ್ರೀತಿಸುತ್ತಾರೆ. ಹಾಗಾಗಿ ಅವರು ಏಕೆ ಆಡಬಾರದು? ಅವರು ಈಗಲೂ ಉತ್ಸುಕರಾಗಿದ್ದಾರೆ. ಪ್ರತಿದಿನವೂ ಪುಟಿದೇಳಬಲ್ಲರು. ದೊಡ್ಡ ಆಟಗಾರರು ಆಡಲು ಬಂದಾಗ ಸಾಕಷ್ಟು ನಿರೀಕ್ಷೆಗಳು ಮತ್ತು ಒತ್ತಡ ಇರುತ್ತದೆ’ ಎಂದಿದ್ದಾರೆ.