ಬೆಂಗಳೂರು:ರೋಚಕ ತಿರುವಿನೊಂದಿಗೆ ಕ್ರಿಕೆಟ್ ಅಭಿಮಾನಿಗಳ ಹೃದಯ ಬಡಿತ ಹೆಚ್ಚಿಸಿದ ವಿಶ್ವಕಪ್ ಕ್ರಿಕೆಟ್ ಫೈನಲ್ ಪಂದ್ಯದಲ್ಲಿ ಅಂತಿಮವಾಗಿ ಇಂಗ್ಲೆಂಡ್ ಗೆಲುವು ಪಡೆಯಿತು. ದಿಟ್ಟ ಹೋರಾಟ ನಡೆಸಿದರೂ ನ್ಯೂಜಿಲೆಂಡ್ ಪಾಲಿಗೆ ಮೊದಲ ವಿಶ್ವಕಪ್ ಚಾಂಪಿಯನ್ ಪಟ್ಟ ಒಲಿಯಲಿಲ್ಲ. ಸೋಲಿನ ಬೇಸರದಲ್ಲಿರುವ ಕಿವೀಸ್ ಪಡೆಯ ಜಿಮ್ಮಿ ನೀಶಮ್ ಕ್ರೀಡೆಯನ್ನು ಆಯ್ಕೆ ಮಾಡಿಕೊಳ್ಳದಂತೆ ಸಲಹೆ ನೀಡಿದ್ದಾರೆ.
Kids, don’t take up sport. Take up baking or something. Die at 60 really fat and happy.
— Jimmy Neesham (@JimmyNeesh) July 15, 2019
ಭಾನುವಾರ ಲಾರ್ಡ್ಸ್ನಲ್ಲಿ ನಡೆದ ಫೈನಲ್ ಪಂದ್ಯದಲ್ಲಿ ಸಮಬಲದ ಹೋರಾಟದೊಂದಿಗೆ ಸೂಪರ್ ಓವರ್ ಹಂತ ತಲುಪಿ, ಅದರಲ್ಲೂ ಸಮಾನ ರನ್ ಗಳಿಸಿದರೂ ನಿಯಮಗಳ ಪ್ರಕಾರ ಕಡಿಮೆ ಬೌಂಡರಿ ದಾಖಲಿಸಿದ್ದ ನ್ಯೂಜಿಲೆಂಡ್ ಸೋಲು ಅನುಭವಿಸಿತು. ಇದರಿಂದ ನೊಂದು ಟ್ವಿಟರ್ನಲ್ಲಿ ಅಭಿಪ್ರಾಯ ಹೊರ ಹಾಕಿರುವ ನ್ಯೂಜಿಲೆಂಡ್ ತಂಡದ ಆಲ್ರೌಂಡರ್, ವೃತ್ತಿಯಾಗಿ ಕ್ರೀಡೆಯ ಆಯ್ಕೆ ಮಾಡಿಕೊಳ್ಳುವವರಿಗೆ ಸಲಹೆ ನೀಡಿದ್ದಾರೆ.
‘ಮಕ್ಕಳೇ, ಕ್ರೀಡೆಯನ್ನು ನಿಮ್ಮ ಆಯ್ಕೆಯಾಗಿ ಮಾಡಿಕೊಳ್ಳಬೇಡಿ. ಬೇಕಿಂಗ್(ತಿಂಡಿಗಳ ತಯಾರಿ) ಅಥವಾ ಇನ್ನಾವುದನ್ನಾದರು ಆರಿಸಿಕೊಳ್ಳಿ. ಖುಷಿಯಾಗಿ ಮತ್ತು ಪುಷ್ಠಿಯುತವಾಗಿ 60 ವರ್ಷ ಬದುಕಿ’ ಎಂದು ಟ್ವಿಟರ್ನಲ್ಲಿ ಬರೆದುಕೊಂಡಿದ್ದಾರೆ.
That hurts. Hopefully there’s a day or two over the next decade where I don’t think about that last half hour. Congratulations @ECB_cricket , well deserved.
— Jimmy Neesham (@JimmyNeesh) July 14, 2019
ಸೂಪರ್ ಓವರ್ನಲ್ಲಿ ಬ್ಯಾಟಿಂಗ್ ನಡೆಸಿದ ನೀಶಮ್, ಅಭಿಮಾನಿಗಳಿಗೆ ಧನ್ಯವಾದ ಅರ್ಪಿಸಿದ್ದಾರೆ. ಮೊದಲಿಗೆ ಇಂಗ್ಲೆಂಡ್ಗೆ ಶುಭಕೋರಿರುವ ಅವರು, ’ಮುಂದಿನ ಹತ್ತು ವರ್ಷಗಳ ವರೆಗೂ ವಿಶ್ವಕಪ್ ಫೈನಲ್ ಪಂದ್ಯದ ಕೊನೆಯ ಅರ್ಧ ತಾಸನ್ನು ನೆನಪಿಸಿಕೊಳ್ಳದಂತೆ ಇರುವೆ’ ಎಂದಿದ್ದಾರೆ.
ಇದನ್ನೂ ಓದಿ:ವಿಶ್ವಕಪ್ಗೆ ಇಂಗ್ಲೆಂಡ್ ಹೊಸ ರಾಜ
‘ನೀವು ನಿರೀಕ್ಷಿಸಿದ್ದನ್ನು ಸಾಧಿಸಲು ನಮ್ಮಿಂದ ಸಾಧ್ಯವಾಗಿಲ್ಲ. ಬೆಂಬಲ ನೀಡಿದ ಎಲ್ಲರಿಗೂ ಧನ್ಯವಾದಗಳು..’ ಎಂದು ಟ್ವೀಟಿಸಿದ್ದಾರೆ. ಫೈನಲ್ ಪಂದ್ಯ ವೀಕ್ಷಣೆಗೆನ್ಯೂಜಿಲೆಂಡ್ ಅಭಿಮಾನಿಗಳಿಗೆ ಟಿಕೆಟ್ ದೊರೆಯದಿದ್ದಾಗ, ಭಾರತೀಯ ಕ್ರಿಕೆಟ್ ಅಭಿಮಾನಿಗಳಿಗೆ ಟಿಕೆಟ್ ನೀಡುವಂತೆ ಮನವಿ ಮಾಡಿದ್ದರು.
Thank you to all the supporters that came out today. We could hear you the whole way. Sorry we couldn’t deliver what you so badly wanted.
— Jimmy Neesham (@JimmyNeesh) July 15, 2019
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.