<p>ಮೆಲ್ಬರ್ನ್: ತಮ್ಮ ನಾಯಕತ್ವದ ಅವಧಿಯಲ್ಲಿ ಎದುರಿಸಿದ ಅತ್ಯಂತ ಕೆಟ್ಟ ಪ್ರಕರಣವೆಂದರೆ ಮಂಕಿಗೇಟ್ ವಿವಾದ ಎಂದು ಆಸ್ಟ್ರೇಲಿಯಾದ ಹಿರಿಯ ಕ್ರಿಕೆಟಿಗ ರಿಕಿ ಪಾಂಟಿಂಗ್ ಹೇಳಿದ್ದಾರೆ.</p>.<p>2008ರಲ್ಲಿ ಸಿಡ್ನಿಯಲ್ಲಿ ಭಾರತ ಮತ್ತು ಆಸ್ಟ್ರೇಲಿಯಾ ನಡುವಣ ಟೆಸ್ಟ್ ಪಂದ್ಯದಲ್ಲಿ ಈ ವಿವಾದ ನಡೆದಿತ್ತು. ಭಾರತದ ಸ್ಪಿನ್ನರ್ ಹರಭಜನ್ ಸಿಂಗ್ ಅವರು ಆಸ್ಟ್ರೇಲಿಯಾದ ಆಲ್ರೌಂಡರ್ ಆ್ಯಂಡ್ರ್ಯೂ ಸೈಮಂಡ್ಸ್ ಅವರನ್ನು ನಿಂದಿಸಿದರೆನ್ನಲಾದ ಪ್ರಕರಣವು ದೊಡ್ಡಮಟ್ಟದಲ್ಲಿ ಚರ್ಚೆಯಾಗಿತ್ತು.</p>.<p>‘2005ರಲ್ಲಿ ಆ್ಯಷಸ್ ಸರಣಿಯನ್ನು ಸೋತಿದ್ದು ಕಹಿ ಘಟನೆಯಾಗಿತ್ತು. ಅದನ್ನು ಮರೆಯುವುದು ಬಹಳ ಕಠಿಣವಾಗಿತ್ತು. ಅದರ ನಂತರವೂ ಲಯಕ್ಕೆ ಮರಳಿದ್ದು ಸಾಧನೆ. ಆದರೆ, ಮಂಕಿಗೇಟ್ ಪ್ರಕರಣವು ನನ್ನ ನಾಯಕತ್ವದಲ್ಲಿ ಆದ ಕರಾಳ ಅನುಭವ’ ಎಂದು ಸ್ಕೈಸ್ಪೋರ್ಟ್ಸ್ ಪಾಡ್ಕಾಸ್ಟ್ನಲ್ಲಿ ಹೇಳಿದ್ದಾರೆ.</p>.<p>ರಿಕಿ ನಾಯಕತ್ವದಲ್ಲಿ ಆಸ್ಟ್ರೇಲಿಯಾ ತಂಡವು 77 ಟೆಸ್ಟ್ಗಳನ್ನು ಆಡಿ 48ರಲ್ಲಿ ಜಯಿಸಿತ್ತು. 228 ಏಕದಿನ ಪಂದ್ಯಗಳಲ್ಲಿ 164 ವಿಜಯಗಳನ್ನು ಸಾಧಿಸಿತ್ತು.</p>.<p>‘ಆ ಪ್ರಕರಣದ ವಿಚಾರಣೆಯು ಬಹಳ ಸುದೀರ್ಘ ಸಮಯ ನಡೆಯಿತು. ಸಿಡ್ನಿಯ ನಂತರದ ಅಡಿಲೆಡ್ ಟೆಸ್ಟ್ ನಡೆದ ಸಂದರ್ಭದಲ್ಲಿ ಮೈದಾನದಿಂದ ಹೊರಬಂದು ಕ್ರಿಕೆಟ್ ಆಸ್ಟ್ರೇಲಿಯಾ ಅಧಿಕಾರಿಗಳಿಗೆ ವಿವರಣೆ ನೀಡಿದ್ದು ಈಗಲೂ ನೆನಪಿದೆ. ಆ ಪ್ರಕರಣದ ನಂತರ ತಂಡದವರ ಆತ್ಮಬಲವು ಸಮತೋಲನವಾಗಿರಲಿಲ್ಲ. ಪರ್ತ್ ಟೆಸ್ಟ್ನಲ್ಲಿ ನಮ್ಮ ನಿರೀಕ್ಷೆಗೆ ತಕ್ಕ ಆಟ ಹೊರಹೊಮ್ಮಲಿಲ್ಲ. ಬಹಳಷ್ಟು ನಿರಾಶೆ ಅನುಭವಿಸಬೇಕಾಯಿತು’ ಎಂದು ನೆನಪಿಸಿಕೊಂಡಿದ್ದಾರೆ.</p>.<p>ಪ್ರಕರಣದಿಂದಾಗಿ ಉಭಯ ತಂಡಗಳ ನಡುವಿನ ಸಂಬಂಧವು ಹದಗೆಟ್ಟಿತ್ತು. ಅದರಿಂದಾಗಿ ಭಾರತ ತಂಡವು ಸರಣಿಯಿಂದ ಹಿಂದೆ ಸರಿಯುವುದಾಗಿಯೂ ಎಚ್ಚರಿಸಿತ್ತು. ಆದರೆ ಐಸಿಸಿಯ ಮಧ್ಯಸ್ಥಿಕೆಯಿಂದ ಸರಣಿ ಮುಂದುವರಿದಿತ್ತು.</p>.<p>ಪಾಂಟಿಂಗ್ ನಾಯಕತ್ವದಲ್ಲಿ ಆಸ್ಟ್ರೇಲಿಯಾ ತಂಡವು 2005, 2009 ಮತ್ತು 2010–11ರಲ್ಲಿ ಆ್ಯಷಸ್ ಸರಣಿಗಳಲ್ಲಿ ಸೋತಿತ್ತು.ಈ ಪ್ರಕರಣದಲ್ಲಿ ಕೊನೆಗೆ ಹರಭಜನ್ ಅವರಿಗೆ ಕ್ಲೀನ್ಚಿಟ್ ನೀಡಲಾಗಿತ್ತು. ಆದರೆ ಸೈಮಂಡ್ಸ್ ವೃತ್ತಿ ಜೀವನವು ಮಂಕಾಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮೆಲ್ಬರ್ನ್: ತಮ್ಮ ನಾಯಕತ್ವದ ಅವಧಿಯಲ್ಲಿ ಎದುರಿಸಿದ ಅತ್ಯಂತ ಕೆಟ್ಟ ಪ್ರಕರಣವೆಂದರೆ ಮಂಕಿಗೇಟ್ ವಿವಾದ ಎಂದು ಆಸ್ಟ್ರೇಲಿಯಾದ ಹಿರಿಯ ಕ್ರಿಕೆಟಿಗ ರಿಕಿ ಪಾಂಟಿಂಗ್ ಹೇಳಿದ್ದಾರೆ.</p>.<p>2008ರಲ್ಲಿ ಸಿಡ್ನಿಯಲ್ಲಿ ಭಾರತ ಮತ್ತು ಆಸ್ಟ್ರೇಲಿಯಾ ನಡುವಣ ಟೆಸ್ಟ್ ಪಂದ್ಯದಲ್ಲಿ ಈ ವಿವಾದ ನಡೆದಿತ್ತು. ಭಾರತದ ಸ್ಪಿನ್ನರ್ ಹರಭಜನ್ ಸಿಂಗ್ ಅವರು ಆಸ್ಟ್ರೇಲಿಯಾದ ಆಲ್ರೌಂಡರ್ ಆ್ಯಂಡ್ರ್ಯೂ ಸೈಮಂಡ್ಸ್ ಅವರನ್ನು ನಿಂದಿಸಿದರೆನ್ನಲಾದ ಪ್ರಕರಣವು ದೊಡ್ಡಮಟ್ಟದಲ್ಲಿ ಚರ್ಚೆಯಾಗಿತ್ತು.</p>.<p>‘2005ರಲ್ಲಿ ಆ್ಯಷಸ್ ಸರಣಿಯನ್ನು ಸೋತಿದ್ದು ಕಹಿ ಘಟನೆಯಾಗಿತ್ತು. ಅದನ್ನು ಮರೆಯುವುದು ಬಹಳ ಕಠಿಣವಾಗಿತ್ತು. ಅದರ ನಂತರವೂ ಲಯಕ್ಕೆ ಮರಳಿದ್ದು ಸಾಧನೆ. ಆದರೆ, ಮಂಕಿಗೇಟ್ ಪ್ರಕರಣವು ನನ್ನ ನಾಯಕತ್ವದಲ್ಲಿ ಆದ ಕರಾಳ ಅನುಭವ’ ಎಂದು ಸ್ಕೈಸ್ಪೋರ್ಟ್ಸ್ ಪಾಡ್ಕಾಸ್ಟ್ನಲ್ಲಿ ಹೇಳಿದ್ದಾರೆ.</p>.<p>ರಿಕಿ ನಾಯಕತ್ವದಲ್ಲಿ ಆಸ್ಟ್ರೇಲಿಯಾ ತಂಡವು 77 ಟೆಸ್ಟ್ಗಳನ್ನು ಆಡಿ 48ರಲ್ಲಿ ಜಯಿಸಿತ್ತು. 228 ಏಕದಿನ ಪಂದ್ಯಗಳಲ್ಲಿ 164 ವಿಜಯಗಳನ್ನು ಸಾಧಿಸಿತ್ತು.</p>.<p>‘ಆ ಪ್ರಕರಣದ ವಿಚಾರಣೆಯು ಬಹಳ ಸುದೀರ್ಘ ಸಮಯ ನಡೆಯಿತು. ಸಿಡ್ನಿಯ ನಂತರದ ಅಡಿಲೆಡ್ ಟೆಸ್ಟ್ ನಡೆದ ಸಂದರ್ಭದಲ್ಲಿ ಮೈದಾನದಿಂದ ಹೊರಬಂದು ಕ್ರಿಕೆಟ್ ಆಸ್ಟ್ರೇಲಿಯಾ ಅಧಿಕಾರಿಗಳಿಗೆ ವಿವರಣೆ ನೀಡಿದ್ದು ಈಗಲೂ ನೆನಪಿದೆ. ಆ ಪ್ರಕರಣದ ನಂತರ ತಂಡದವರ ಆತ್ಮಬಲವು ಸಮತೋಲನವಾಗಿರಲಿಲ್ಲ. ಪರ್ತ್ ಟೆಸ್ಟ್ನಲ್ಲಿ ನಮ್ಮ ನಿರೀಕ್ಷೆಗೆ ತಕ್ಕ ಆಟ ಹೊರಹೊಮ್ಮಲಿಲ್ಲ. ಬಹಳಷ್ಟು ನಿರಾಶೆ ಅನುಭವಿಸಬೇಕಾಯಿತು’ ಎಂದು ನೆನಪಿಸಿಕೊಂಡಿದ್ದಾರೆ.</p>.<p>ಪ್ರಕರಣದಿಂದಾಗಿ ಉಭಯ ತಂಡಗಳ ನಡುವಿನ ಸಂಬಂಧವು ಹದಗೆಟ್ಟಿತ್ತು. ಅದರಿಂದಾಗಿ ಭಾರತ ತಂಡವು ಸರಣಿಯಿಂದ ಹಿಂದೆ ಸರಿಯುವುದಾಗಿಯೂ ಎಚ್ಚರಿಸಿತ್ತು. ಆದರೆ ಐಸಿಸಿಯ ಮಧ್ಯಸ್ಥಿಕೆಯಿಂದ ಸರಣಿ ಮುಂದುವರಿದಿತ್ತು.</p>.<p>ಪಾಂಟಿಂಗ್ ನಾಯಕತ್ವದಲ್ಲಿ ಆಸ್ಟ್ರೇಲಿಯಾ ತಂಡವು 2005, 2009 ಮತ್ತು 2010–11ರಲ್ಲಿ ಆ್ಯಷಸ್ ಸರಣಿಗಳಲ್ಲಿ ಸೋತಿತ್ತು.ಈ ಪ್ರಕರಣದಲ್ಲಿ ಕೊನೆಗೆ ಹರಭಜನ್ ಅವರಿಗೆ ಕ್ಲೀನ್ಚಿಟ್ ನೀಡಲಾಗಿತ್ತು. ಆದರೆ ಸೈಮಂಡ್ಸ್ ವೃತ್ತಿ ಜೀವನವು ಮಂಕಾಯಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
