ಸೋಮವಾರ, ಅಕ್ಟೋಬರ್ 26, 2020
28 °C

ಪೊಲಾರ್ಡ್‌ಗೆ ದಂಡ, ಡಿಮೆರಿಟ್‌ ಪಾಯಿಂಟ್‌

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ದುಬೈ (ಪಿಟಿಐ): ಭಾರತ ವಿರುದ್ಧ ಫ್ಲಾರಿಡಾದಲ್ಲಿ ಭಾನುವಾರ ನಡೆದ ಎರಡನೇ ಟಿ–20 ಪಂದ್ಯದಲ್ಲಿ ಅಂಪೈರ್‌ ಸೂಚನೆಗೆ ನಿರ್ಲಕ್ಷ್ಯ ಪ್ರದರ್ಶಿಸಿದ್ದಕ್ಕೆ ಐಸಿಸಿಯು ವೆಸ್ಟ್‌ ಇಂಡೀಸ್‌ನ ಆಲ್‌ರೌಂಡರ್‌ ಕೀರನ್‌ ಪೊಲಾರ್ಡ್‌ ಅವರಿಗೆ ಪಂದ್ಯ ಸಂಭಾವನೆಯ ಶೇ 20ರಷ್ಟು ದಂಡ ವಿಧಿಸಲಾಗಿದ್ದು, ಒಂದು ಡಿಮೆರಿಟ್‌ ಅಂಕ ವಿಧಿಸಲಾಗಿದೆ.

ಪೊಲಾರ್ಡ್‌ ವರ್ತನೆಯು ಐಸಿಸಿ ನೀತಿಸಂಹಿತೆಯ ಒಂದನೇ ಹಂತದ ಉಲ್ಲಂಘನೆಯಾಗಿದೆ. ಅವರು ಸಂಹಿತೆಯ 2.4ನೇ ವಿಧಿ ಉಲ್ಲಂಘಿಸಿದ್ದಾರೆ ಎಂದು ಐಸಿಸಿಯ ಪ್ರಕಟಣೆ ತಿಳಿಸಿದೆ.

ಬದಲಿ ಆಟಗಾರರನ್ನು ಕರೆಸಬೇಕಾದರೆ ಮೊದಲೇ ಕೋರಿಕೆ ಸಲ್ಲಿಸಬೇಕೆಂದು ಅಂಪೈರ್‌ಗಳು ಪದೇ ಪದೇ ಅವರಿಗೆ ಹೇಳಿದರೂ, ಕಿವಿಗೊಡದೇ ಕ್ರೀಡಾಂಗಣಕ್ಕೆ ಸಬ್‌ಸ್ಟಿಟ್ಯೂಟ್‌ ಆಟಗಾರರನ್ನು ಕರೆದಿದ್ದರು. ಓವರ್‌ ಮುಗಿಯುವವರೆಗೆ ಕಾಯಬೇಕೆಂದು ಅಂಪೈರ್‌ಗಳು ಹೇಳಿದ್ದರು ಎಂದು ಐಸಿಸಿ ತಿಳಿಸಿದೆ.

ಮಳೆಯ ಆಟ ಕಂಡ ಎರಡನೇ ಟಿ–20 ಪಂದ್ಯದಲ್ಲಿ ಭಾರತ ಡಕ್‌ವರ್ತ್‌ –ಲೂಯಿಸ್‌ ನಿಯಮದಡಿ 22 ರನ್‌ಗಳಿಂದ ಗೆದ್ದುಕೊಂಡಿತ್ತು.

 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು