ಮ್ಯಾಂಚೆಸ್ಟರ್:ವಿಶ್ವಕಪ್ ಪಂದ್ಯದಲ್ಲಿ ಪಾಕಿಸ್ತಾನ ವಿರುದ್ಧ ಟೀಂ ಇಂಡಿಯಾ ಗೆಲುವು ಸಾಧಿಸಿದ ನಂತರ ನಡೆದ ಸುದ್ದಿಗೋಷ್ಠಿಯಲ್ಲಿ ಪಾಕಿಸ್ತಾನದ ಪತ್ರಕರ್ತರ ಪ್ರಶ್ನೆಗೆ ರೋಹಿತ್ ಶರ್ಮಾ ನೀಡಿದ ಉತ್ತರ ನಗೆ ಅಲೆಯೆಬ್ಬಿಸಿತ್ತು.
ಪಾಕ್ ವಿರುದ್ಧ 140 ರನ್ ಬಾರಿಸಿ ಮ್ಯಾನ್ ಆಫ್ ದಿ ಮ್ಯಾಚ್ ಪ್ರಶಸ್ತಿ ಪಡೆದ ರೋಹಿತ್ ಶರ್ಮಾ ಅವರಲ್ಲಿ ಪಾಕ್ ಪತ್ರಕರ್ತರು, ನೀವು ಪಾಕಿಸ್ತಾನದಬ್ಯಾಟ್ಸ್‌ಮೆನ್‌ಗಳಿಗೆ ಏನು ಸಲಹೆ ನೀಡಬಯಸುತ್ತೀರಿ? ಎಂದು ಕೇಳಿದ್ದಾರೆ.
ಈಪ್ರಶ್ನೆಗೆ ನಗುತ್ತಾ ಉತ್ತರಿಸಿದ ಹಿಟ್ ಮ್ಯಾನ್, ನಾನು ಪಾಕಿಸ್ತಾನದ ಕೋಚ್ ಆದರೆ ನಾನು ಹೇಳುವೆ. ಈಗ ಏನು ಹೇಳಲಿ? ಎಂದಿದ್ದಾರೆ. ರೋಹಿತ್‌ನ ಈ ಉತ್ತರ ಕೇಳಿ ಅಲ್ಲಿದ್ದ ಪತ್ರಕರ್ತರೆಲ್ಲಾ ಜೋರಾಗಿ ನಕ್ಕು ಸುದ್ದಿಗೋಷ್ಠಿ ಮುಂದುವರಿಸಿದ್ದಾರೆ.
