ಕ್ರಿಕೆಟ್ | ಶಾರೂಕ್‌ ಖಾನ್‌ ಒಡೆತನದ ಟಿಕೆಆರ್‌ನಿಂದ ಹಸಿದವರಿಗೆ ಆಹಾರ ವಿತರಣೆ
ಅಕ್ಷರ ಗಾತ್ರ :ಆ |ಆ |ಆ
ಕೋಲ್ಕತ್ತ: ಕೆರಿಬಿಯನ್‌ ಪ್ರೀಮಿಯರ್ ಲೀಗ್‌ ಕ್ರಿಕೆಟ್ ಟೂರ್ನಿಯ ಫ್ರಾಂಚೈಸ್‌, ಬಾಲಿವುಡ್‌ ನಟ ಶಾರೂಕ್‌ ಖಾನ್‌ ಒಡೆತನದ ಟ್ರಿನ್‌ಬ್ಯಾಗೊ ನೈಟ್‌ ರೈಡರ್ಸ್ (ಟಿಕೆಆರ್‌), ಕೋವಿಡ್–19 ಸಂತ್ರಸ್ತರಿಗೆ ಸಹಾಯ ಹಸ್ತ ಚಾಚಿದೆ. ಟ್ರಿನಿಡಾಡ್‌ ಆ್ಯಂಡ್‌ ಟೊಬ್ಯಾಗೊದಲ್ಲಿ, ಲಾಕ್‌ಡೌನ್‌ ಪರಿಣಾಮ ಹಸಿವಿನಿಂದ ಬಳಲುತ್ತಿರುವವರಿಗೆ 1000 ಆಹಾರ ಪೊಟ್ಟಣಗಳನ್ನು ವಿತರಿಸುವುದಾಗಿ ಶುಕ್ರವಾರ ತಿಳಿಸಿದೆ.
ತಂಡದ ಆಟಗಾರರಾದ ಕೀರನ್‌ ಪೊಲಾರ್ಡ್‌, ಡ್ವೇನ್‌ ಬ್ರಾವೊ, ಡರೆನ್‌ ಬ್ರಾವೊ, ಲೆಂಡ್ಲ್‌ ಸಿಮನ್ಸ್‌ ಹಾಗೂ ಸುನಿಲ್‌ ನಾರಾಯಣ್‌ ಅವರು ನೆರವು ಸಿಬ್ಬಂದಿ ಜೊತೆಗೂಡಿ ಆಹಾರ ವಿತರಣೆ ಮಾಡಲಿದ್ದಾರೆ.
‘ಟಿಕೆ ರೈಡರ್ಸ್ ತಂಡವು ಹ್ಯಾಡ್ಕೊ ಲಿಮಿಟೆಡ್‌ ಜೊತೆಗೂಡಿ ಊಟದ ಪೊಟ್ಟಣಗಳನ್ನು ವಿತರಿಸಲಿದೆ. ಈ ಕಾರ್ಯಕ್ಕೆ ನೆರವಾಗುತ್ತಿರುವ ಆಟಗಾರರ ಕುರಿತು ಹೆಮ್ಮೆ ಎನಿಸುತ್ತಿದೆ’ ಎಂದು ನಟ ಶಾರೂಕ್‌ ಖಾನ್‌ ಟ್ವೀಟ್‌ ಮಾಡಿದ್ದಾರೆ.
ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
