ನವದೆಹಲಿ: ಪ್ರತಿ ರಾಜ್ಯ ಸಂಸ್ಥೆಗಳಿಗೆ ವಾರ್ಷಿಕ ತಲಾ ₹ 24 ಲಕ್ಷ ಅನುದಾನ ನೀಡಲು ಅಖಿಲ ಭಾರತ ಫುಟ್ಬಾಲ್ ಫೆಡರೇಷನ್ನ (ಎಐಎಫ್ಎಫ್) ಅಭಿವೃದ್ಧಿ ಸಮಿತಿ ಶಿಫಾರಸು ಮಾಡಿದೆ.
ಈ ಕುರಿತು ಸಮಿತಿಯ ಸಭೆಯು ಅಭಿಜಿತ್ ಪಾಲ್ ಅಧ್ಯಕ್ಷತೆಯಲ್ಲಿ ಇಲ್ಲಿಯ ಫುಟ್ಬಾಲ್ ಹೌಸ್ನಲ್ಲಿ ನಡೆಯಿತು.
‘ಆರ್ಥಿಕ ನೆರವನ್ನು ರಾಜ್ಯ ಸಂಸ್ಥೆಗಳು ಮಹಿಳಾ, ಪುರುಷರ ಲೀಗ್, ಯೂತ್ ಲೀಗ್, ಸಲಕರಣೆಗಳ ಖರೀದಿ, ತಳಮಟ್ಟದ ಬೆಳವಣಿಗೆಗೆ ಬಳಸಿಕೊಳ್ಳಬಹುದು‘ ಎಂದು ಎಐಎಫ್ಎಫ್ ಪ್ರಕಟಣೆಯಲ್ಲಿ ತಿಳಿಸಿದೆ.