ಫುಟ್ಬಾಲ್: ಅಗರಂ ಎಫ್‌ಸಿಗೆ ಭರ್ಜರಿ ಜಯ
ಬೆಂಗಳೂರು: ಮೊಹಮ್ಮದ್ ರೆಹಾನ್ ಅವರ ಹ್ಯಾಟ್ರಿಕ್ ಗೋಲುಗಳ ನೆರವಿನಿಂದ ಅಗರಂ ಎಫ್‌ಸಿ ತಂಡ ಬಿಡಿಎಫ್‌ಎ ಆಶ್ರಯದ ‘ಸಿ’ ಡಿವಿಷನ್‌ ಲೀಗ್ ಫುಟ್ಬಾಲ್ ಚಾಂಪಿಯನ್‌ಷಿಪ್‌ನಲ್ಲಿ ಭಾನುವಾರ ಭರ್ಜರಿ ಜಯ ಸಾಧಿಸಿತು.
ಬೆಂಗಳೂರು ಫುಟ್ಬಾಲ್ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಬಸವನಗುಡಿ ಎಫ್‌ಸಿ ಎದುರು ಅಗರಂ 9–0ಯಿಂದ ಗೆದ್ದಿತು. ರೆಹಾನ್ 6, 29 ಮತ್ತು 33ನೇ ನಿಮಿಷಗಳಲ್ಲಿ ಗೋಲು ಗಳಿಸಿದರು. ಅರ್ನಾಲ್ಡ್‌ ಕಾರ್ಮೆಲ್‌ರಾಜ್‌ (13ನೇ ನಿಮಿಷ), ಮಧಾಂಶ್‌ (15ನೇ ನಿ), ತರುಣ್‌ (16ನೇ ನಿ), ರೋಹಿತ್‌ ಎಸ್‌ (45, 57ನೇ ನಿ), ಈಶ್ವರ್‌ (58ನೇ ನಿ) ಗೋಲು ಗಳಿಸಿದರು.
ಮತ್ತೊಂದು ಪಂದ್ಯದಲ್ಲಿ ಚಿನ್ನಪ್ಪ ಗಾರ್ಡನ್ ತಂಡ 1–0ಯಿಂದ ಹೊಸಕೋಟ ಎಫ್‌ಸಿಯನ್ನು ಸೋಲಿಸಿತು. ಜೂಡ್ ಡಿ ಸೋಜಾ (58ನೇ ನಿ) ಪಂದ್ಯದ ಏಕೈಕ ಗೋಲು ಗಳಿಸಿದರು. ಬೆಂಗಳೂರು ರೆಡ್ಸ್ ಮತ್ತು ಎಕ್ಸೆಲ್ಸಿಯರ್‌ ನಡುವಿನ ಪಂದ್ಯ 1–1ರಲ್ಲಿ ಡ್ರಾ ಆಯಿತು. ರೆಡ್ಸ್ ಪರ ಧನುಷ್‌ (17ನೇ ನಿ) ಮತ್ತು ಎಕ್ಸೆಲ್ಸಿಯರ್‌ ಪರ ರಯೀಸ್‌ ಅಹಮ್ಮದ್ (37ನೇ ನಿ) ಚೆಂಡನ್ನು ಗುರಿ ಸೇರಿಸಿದರು.
ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.
ಬರಹ ಇಷ್ಟವಾಯಿತೆ?
0
0
0
0
0
0 comments
View All