ಮೊದಲ ಲೆಗ್‌ನ ಪಂದ್ಯಗಳು ಜನವರಿ 11ರಂದು ಮುಕ್ತಾಯಗೊಳ್ಳಲಿವೆ. 12ರಂದು ಬಿಎಫ್‌ಸಿ ಮತ್ತು ನಾರ್ತ್ ಈಸ್ಟ್ ನಡುವಿನ ಪಂದ್ಯ ತಿಲಕ್ ಮೈದಾನದಲ್ಲಿ ನಡೆಯಲಿದೆ. ಬಹುನಿರೀಕ್ಷಿತ ಎರಡನೇ ಕೋಲ್ಕತ್ತ ಡರ್ಬಿಯಾದ ಎಟಿಕೆ ಮೋಹನ್ ಬಾಗನ್ ಮತ್ತು ಎಸ್‌ಸಿ ಈಸ್ಟ್ ಬೆಂಗಾಲ್ ನಡುವಿನ ಪಂದ್ಯ ಫೆಬ್ರುವರಿ 19ರಂದು ನಡೆಯಲಿದೆ. ಫೆಬ್ರುವರಿ 28ರಂದು ಎರಡನೇ ಲೆಗ್‌ನ ಪಂದ್ಯಗಳು ಕೊನೆಗೊಳ್ಳಲಿದ್ದು ಅಂತಿಮ ಪಂದ್ಯದಲ್ಲಿ ಎಟಿಕೆ ಮೋಹನ್ ಬಾಗನ್ ಮತ್ತು ಮುಂಬೈ ಸಿಟಿ ಎಫ್‌ಸಿ ನಡುವೆ ಹಣಾಹಣಿ ನಡೆಯಲಿದೆ. ಭಾನುವಾರಗಳಲ್ಲಿ ಎರಡು ಪಂದ್ಯಗಳು ನಡೆಯಲಿದ್ದು ಒಟ್ಟು ಏಳು ‘ಡಬಲ್ ಹೆಡರ್’ ಇರುತ್ತದೆ.
