ಹಿಮಾಂಶು ಹ್ಯಾಟ್ರಿಕ್‌ಗೆ ಒಲಿದ ಜಯ
ಅಕ್ಷರ ಗಾತ್ರ :ಆ |ಆ |ಆ
ಕಲ್ಯಾಣಿ, ಪಶ್ಚಿಮ ಬಂಗಾಳ: ಹಿಮಾಂಶು ಜಾಂಗ್ರಾ ಹ್ಯಾಟ್ರಿಕ್‌ ಗೋಲು ಬಾರಿಸಿದರು. ಅವರ ಆಟದ ಬಲದಿಂದ ಸ್ಯಾಫ್‌ 15 ವರ್ಷದೊಳಗಿನವರ ಟೂರ್ನಿಯಲ್ಲಿ ಭಾರತ ಫುಟ್ಬಾಲ್ ತಂಡ ಶ್ರೀಲಂಕಾವನ್ನು5–0 ಅಂತರದಿಂದ ಮಣಿಸಿತು.
ಹಿಮಾಂಶು ಹೊರತುಪಡಿಸಿ ಮಹೇಸನ್‌ ಮತ್ತು ಶುಭೊ ಪಾಲ್‌ ತಲಾ ಒಂದು ಗೋಲು ಬಾರಿಸಿ ಮಿಂಚಿದರು.
ಭಾರತ ಆರಂಭದಿಂದಲೇ ಪಂದ್ಯದ ಮೇಲೆ ಹಿಡಿತ ಸಾಧಿಸಲು ಆರಂಭಿಸಿತು. ಮಿಡ್‌ಫೀಲ್ಡರ್‌ ಮಹೇಸನ್‌ ಅವರು ಹಿಮಾಂಶು ಅವರಿಗೆ ಸಾಕಷ್ಟು ಅವಕಾಶಗಳನ್ನು ಮಾಡಿಕೊಟ್ಟು ಗೋಲು ಗಳಿಕೆಗೆ ನೆರವಾದರು.
ಹಿಮಾಂಶು ಮೊದಲ ಗೋಲು ದಾಖಲಿಸುವ ಮೂಲಕ ಖಾತೆ ತೆರೆದರು. ಇದಾದ ಕೆಲವೇ ನಿಮಿಷಗಳಲ್ಲಿ ಮಹೇಸನ್‌ ಭಾರತದ ಮುನ್ನಡೆಯನ್ನು 2–0ಗೆ ಹೆಚ್ಚಿಸಿದರು. ಲಂಕಾ ಗೋಲ್‌ಕೀಪರ್‌ರನ್ನು ವಂಚಿಸಿದ ಹಿಮಾಂಶು ಮತ್ತೊಂದು ಯಶಸ್ಸು ಕಂಡರು.
ಪ್ರಥಮಾರ್ಧದ ಇಂಜುರಿ ಟೈಮ್‌ನಲ್ಲಿ ಶುಭೊ ಪಾಲ್‌ ಮೂಲಕ ಮತ್ತೊಂದು ಗೋಲು ಬಂತು. ದ್ವಿತೀಯಾರ್ಧದಲ್ಲಿ ಹ್ಯಾಟ್ರಿಕ್‌ ಸಾಧಿಸಿದ ಹಿಮಾಂಶು ಭಾರತದ ಪಾಳಯದಲ್ಲಿ ಸಂಭ್ರಮದ ಅಲೆ ಎಬ್ಬಿಸಿದರು.
ಗುಂಪು ಹಂತದ ಕೊನೆಯ ಪಂದ್ಯದಲ್ಲಿ ಗುರುವಾರ ಭಾರತ ತಂಡ ಬಾಂಗ್ಲಾವನ್ನು ಎದುರಿಸಲಿದೆ.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
