ಈ ವರ್ಷಾಂತ್ಯದಲ್ಲಿ 17 ವರ್ಷದೊಳಗಿನ ಮಹಿಳೆಯರ ಫಿಫಾ ವಿಶ್ವಕಪ್ ಭಾರತದಲ್ಲಿ ನಡೆಯಲಿದೆ. ಈ ಟೂರ್ನಿಗೆ ಆತಿಥ್ಯ ವಹಿಸುವುದರಿಂದ ಏಷ್ಯಾಕಪ್ ನಡೆಸಲು ಇದು ಸೂಕ್ತ ಸ್ಥಳ ಎಂಬ ತೀರ್ಮಾನಕ್ಕೆ ಕಾನ್ಫೆಡರೇಷನ್ ಬಂದಿದೆ. ಚೀನಾ ತೈಪೆ ಮತ್ತು ಉಜ್ಬೆಕಿಸ್ತಾನ್ ಕೂಡ ಆತಿಥ್ಯಕ್ಕಾಗಿ ಬಿಡ್ ಸಲ್ಲಿಸಿದ್ದವು. ಫಿಫಾ 17 ವರ್ಷದೊಳಗಿನವರ ಟೂರ್ನಿ ನಡೆಯಲಿರುವ ಡಿ.ವೈ.ಪಾಟೀಲ ಕ್ರೀಡಾಂಗಣ, ಟ್ರಾನ್ಸ್ ಸ್ಟೇಡಿಯಾ ಅರೆನಾ ಮತ್ತು ಫತೋರ್ಡ ಕ್ರೀಡಾಂಗಣಗಳಲ್ಲಿ ಏಷ್ಯಾಕಪ್ ಪಂದ್ಯಗಳು ಕೂಡ ನಡೆಯಲಿವೆ ಎಂದು ಕಾನ್ಫೆಡರೇಷನ್ ತಿಳಿಸಿದೆ.