ಫುಟ್‌ಬಾಲ್‌: ವಿವಾದಾತ್ಮಕ ರೀತಿಯಲ್ಲಿ ಸಂಭ್ರಮಿಸಿದ ಪಾಕ್‌ ಆಟಗಾರ

ಕೊಲಂಬೊ : ಭಾರತದ ಬಾಲಕರ ತಂಡವು ಸೋಮವಾರ ನಡೆದ ಸ್ಯಾಫ್ 17 ವರ್ಷದೊಳಗಿನವರ ಫುಟ್ಬಾಲ್ ಚಾಂಪಿಯನ್ಷಿಪ್ನ ಪಂದ್ಯದಲ್ಲಿ 3–2 ಗೋಲುಗಳಿಂದ ಪಾಕಿಸ್ತಾನ ತಂಡವನ್ನು ಮಣಿಸಿತು. ಪಂದ್ಯದ ವೇಳೆ ಪಾಕ್ ಆಟಗಾರ ಮೊಹಮ್ಮದ್ ಅಬ್ದುಲ್ಲಾ ವಿವಾದಾತ್ಮಕ ರೀತಿಯಲ್ಲಿ ಸಂಭ್ರಮಿಸಿದ್ದಾರೆ.

. ಭಾನುವಾರ ದುಬೈನಲ್ಲಿ ಭಾರತ ವಿರುದ್ಧದ ಏಷ್ಯಾ ಕಪ್ ಸೂಪರ್ ಫೋರ್ ಪಂದ್ಯದ ವೇಳೆ ಪಾಕ್ನ ಬ್ಯಾಟರ್ ಹ್ಯಾರಿಸ್ ರವೂಫ್ ಮತ್ತು ಸಾಹೀಬ್ ಝಾದಾ ಫರ್ಹಾನ್ ‘ಗನ್ಶಾಟ್’ ಅಣಕು ಮಾಡಿದ ಒಂದು ದಿನದ ನಂತರ ಅಬ್ದುಲ್ಲಾ ಅವರಿಂದ ವಿವಾದಾತ್ಮಕ ಸಂಜ್ಞೆ ವ್ಯಕ್ತವಾಯಿತು.

. ಎರಡೂ ತಂಡಗಳು ಸೆಮಿಫೈನಲ್ಗೆ ಅರ್ಹತೆ ಪಡೆದಿದ್ದರಿಂದ ಈ ಪಂದ್ಯಕ್ಕೆ ಹೆಚ್ಚಿನ ಮಹತ್ವ ಇರಲಿಲ್ಲ. 31ನೇ ನಿಮಿಷದಲ್ಲಿ ದಲ್ಲಾಲ್ಮುನ್ ಗ್ಯಾಂಗ್ಟೆ ಭಾರತಕ್ಕೆ ಮುನ್ನಡೆ ಒದಗಿಸಿದರು. 43ನೇ ನಿಮಿಷದಲ್ಲಿ ಅಬ್ದುಲ್ಲಾ ಗೋಲು ದಾಖಲಿಸಿದ್ದರಿಂದ, ತಂಡಗಳ ಸ್ಕೋರ್ ಸಮನಾಯಿತು. ಈ ವೇಳೆ ಅಬ್ದುಲ್ಲಾ ಮೈದಾನದ ಮೂಲೆಗೆ ಓಡಿ ಕುಳಿತು, ತನ್ನ ತಂಡದ ಸದಸ್ಯರೊಂದಿಗೆ ಚಹಾ ಕುಡಿದಂತೆ ಸಂಭ್ರಮಿಸಿದರು. ಭಾರತ ತಂಡವನ್ನು ಅಣಕಿಸುವಂತಿದ್ದ ಅವರ ಆಚರಣೆ ಚರ್ಚೆಗೆ ಕಾರಣವಾಗಿದೆ.

. ಬಿ ಗುಂಪಿನಲ್ಲಿರುವ ಭಾರತ ಮತ್ತು ಪಾಕ್ ತಂಡವು ಕ್ರಮವಾಗಿ ಮೊದಲೆರಡು ಸ್ಥಾನದೊಂದಿಗೆ ಸೆಮಿಫೈನಲ್ಗೆ ಮುನ್ನಡೆದವು. ನಾಲ್ಕರ ಘಟ್ಟದಲ್ಲಿ ಭಾರತ ತಂಡವು ನೇಪಾಳ ವಿರುದ್ಧ; ಪಾಕಿಸ್ತಾನ ತಂಡವು ಬಾಂಗ್ಲಾದೇಶ ವಿರುದ್ಧ ಸೆಣಸಲಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಫುಟ್‌ಬಾಲ್‌: ವಿವಾದಾತ್ಮಕ ರೀತಿಯಲ್ಲಿ ಸಂಭ್ರಮಿಸಿದ ಪಾಕ್‌ ಆಟಗಾರ

ಚಿನಕುರುಳಿ | ಸೋಮವಾರ, 22 ಸೆಪ್ಟೆಂಬರ್ 2025

ಚುರುಮುರಿ | ಆತ್ಮನಿರ್ಭರ ಕನಸು

ದಿನ ಭವಿಷ್ಯ: ಮನಸ್ಸಿದ್ದರೆ ಮಾರ್ಗ ಎಂಬ ಮಾತು ಅನ್ವಯಿಸುತ್ತದೆ

ಚಿನಕುರುಳಿ: ಭಾನುವಾರ, 21 ಸೆಪ್ಟೆಂಬರ್ 2025

ಫುಟ್‌ಬಾಲ್‌: ಯುನೈಟೆಡ್‌ ಸ್ಟಾರ್ಸ್‌ ತಂಡಕ್ಕೆ ಜಯ