<p>ಬೆಂಗಳೂರು: ಶಿವಶಕ್ತಿ ನಾರಾಯಣನ್ ಅವರು ಗಳಿಸಿದ ಎರಡು ಸೊಗಸಾದ ಗೋಲುಗಳ ಬಲದಿಂದ ಬೆಂಗಳೂರು ಎಫ್ಸಿ ತಂಡವು ಇಂಡಿಯನ್ ಸೂಪರ್ ಲೀಗ್ (ಐಎಸ್ಎಲ್) ಫುಟ್ಬಾಲ್ ಟೂರ್ನಿಯಲ್ಲಿ ಜಯ ಗಳಿಸಿತು.</p>.<p>ಕಂಠೀರವ ಕ್ರೀಡಾಂಗಣದಲ್ಲಿ ಗುರುವಾರ ನಡೆದ ಲೀಗ್ ಹಂತದ ತನ್ನ ಕೊನೆಯ ಪಂದ್ಯದಲ್ಲಿ ಬಿಎಫ್ಸಿ 3–1ರಿಂದ ಎಫ್ಸಿ ಗೋವಾ ತಂಡಕ್ಕೆ ಸೋಲುಣಿಸಿತು. ಇದರೊಂದಿಗೆ ಲೀಗ್ ಹಂತದಲ್ಲಿ ಮೂರನೇ ಸ್ಥಾನ ಗಳಿಸಿತು.</p>.<p>ತೀವ್ರ ಪೈಪೋಟಿ ನಡೆದ ಪಂದ್ಯದಲ್ಲಿ ಆರನೇ ನಿಮಿಷದಲ್ಲೇ ಬಿಎಫ್ಸಿಗೆ ಮುನ್ನಡೆ ಸಿಕ್ಕಿತು. ರೋಶನ್ ನೊರೆಮ್ ಅವರು ಎಡಭಾಗದಿಂದ ನೀಡಿದ ಪಾಸ್ನಲ್ಲಿ ಚೆಂಡನ್ನು ಗುರಿ ಸೇರಿಸಿದ ಶಿವಶಕ್ತಿ ತವರಿನ ಅಭಿಮಾನಿಗಳ ಸಂಭ್ರಮಕ್ಕೆ ಕಾರಣರಾದರು.</p>.<p>33ನೇ ನಿಮಿಷದಲ್ಲಿ ಐಕರ್ ಗೌರೊಕ್ಸೆನಾ ಅವರು, ನೋಹ್ ವೈಲ್ ಸದೊಯಿ ನೆರವಿನಲ್ಲಿ ಹೆಡರ್ ಮೂಲಕ ಗೋಲು ಗಳಿಸಿ ಗೋವಾ ತಂಡ ಸಮಬಲ ಸಾಧಿಸುವಂತೆ ಮಾಡಿದರು. ಬಳಿಕ ಉಭಯ ತಂಡಗಳು ತೀವ್ರ ಪೈಪೋಟಿ ನಡೆಸಿದರೂ ಮೊದಲಾರ್ಧದ ಮುಕ್ತಾಯದವರೆಗೆ ಯಶಸ್ಸು ಸಿಗಲಿಲ್ಲ.</p>.<p>76ನೇ ನಿಮಿಷದಲ್ಲಿ ಶಿವಶಕ್ತಿ ಮತ್ತೊಮ್ಮೆ ಮೋಡಿ ಮಾಡಿದರು. ರೋಶನ್, ಸುರೇಶ್ ವಾಂಗ್ಜಮ್ ಅವರು ಸೃಷ್ಟಿಸಿದ ಅವಕಾಶದಲ್ಲಿ ಚೆಂಡನ್ನು ಗುರಿ ಸೇರಿಸಿದರು. ಇದು ‘ಆಫ್ಸೈಡ್‘ ಆಗಿದೆ ಎಂದು ಗೋವಾ ಆಟಗಾರರು ಮಾಡಿದ ಆಕ್ಷೇಪವನ್ನು ರೆಫರಿಗಳು ತಿರಸ್ಕರಿಸಿದರು.</p>.<p>81ನೇ ನಿಮಿಷದಲ್ಲಿ ಪ್ಯಾಬ್ಲೊ ಪೆರೆಜ್ ಅವರು ಬೆಂಗಳೂರು ತಂಡದ ಮೂರನೇ ಗೋಲು ದಾಖಲಿಸಿದರು. ಬಿಎಫ್ಸಿಗೆ ಟೂರ್ನಿಯಲ್ಲಿ ಇದು ಸತತ ಎಂಟನೇ ಜಯವಾಗಿದೆ.</p>.<p>ಆರು ಹಳದಿ ಕಾರ್ಡ್: ಪಂದ್ಯದಲ್ಲಿ ಬಿಎಫ್ಸಿಯ ಪ್ರಬೀರ್ ದಾಸ್, ಜಯೇಶ್ ರಾಣೆ, ಸುನಿಲ್ ಚೆಟ್ರಿ, ಗೋವಾದ ಎಡು ಬೇಡಿಯಾ, ಮೊಹಮ್ಮದ್ ಫೆರಸ್, ಬ್ರೆಂಡನ್ ಫರ್ನಾಂಡಿಸ್ ಹಳದಿ ಕಾರ್ಡ್ ದರ್ಶನ ಮಾಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬೆಂಗಳೂರು: ಶಿವಶಕ್ತಿ ನಾರಾಯಣನ್ ಅವರು ಗಳಿಸಿದ ಎರಡು ಸೊಗಸಾದ ಗೋಲುಗಳ ಬಲದಿಂದ ಬೆಂಗಳೂರು ಎಫ್ಸಿ ತಂಡವು ಇಂಡಿಯನ್ ಸೂಪರ್ ಲೀಗ್ (ಐಎಸ್ಎಲ್) ಫುಟ್ಬಾಲ್ ಟೂರ್ನಿಯಲ್ಲಿ ಜಯ ಗಳಿಸಿತು.</p>.<p>ಕಂಠೀರವ ಕ್ರೀಡಾಂಗಣದಲ್ಲಿ ಗುರುವಾರ ನಡೆದ ಲೀಗ್ ಹಂತದ ತನ್ನ ಕೊನೆಯ ಪಂದ್ಯದಲ್ಲಿ ಬಿಎಫ್ಸಿ 3–1ರಿಂದ ಎಫ್ಸಿ ಗೋವಾ ತಂಡಕ್ಕೆ ಸೋಲುಣಿಸಿತು. ಇದರೊಂದಿಗೆ ಲೀಗ್ ಹಂತದಲ್ಲಿ ಮೂರನೇ ಸ್ಥಾನ ಗಳಿಸಿತು.</p>.<p>ತೀವ್ರ ಪೈಪೋಟಿ ನಡೆದ ಪಂದ್ಯದಲ್ಲಿ ಆರನೇ ನಿಮಿಷದಲ್ಲೇ ಬಿಎಫ್ಸಿಗೆ ಮುನ್ನಡೆ ಸಿಕ್ಕಿತು. ರೋಶನ್ ನೊರೆಮ್ ಅವರು ಎಡಭಾಗದಿಂದ ನೀಡಿದ ಪಾಸ್ನಲ್ಲಿ ಚೆಂಡನ್ನು ಗುರಿ ಸೇರಿಸಿದ ಶಿವಶಕ್ತಿ ತವರಿನ ಅಭಿಮಾನಿಗಳ ಸಂಭ್ರಮಕ್ಕೆ ಕಾರಣರಾದರು.</p>.<p>33ನೇ ನಿಮಿಷದಲ್ಲಿ ಐಕರ್ ಗೌರೊಕ್ಸೆನಾ ಅವರು, ನೋಹ್ ವೈಲ್ ಸದೊಯಿ ನೆರವಿನಲ್ಲಿ ಹೆಡರ್ ಮೂಲಕ ಗೋಲು ಗಳಿಸಿ ಗೋವಾ ತಂಡ ಸಮಬಲ ಸಾಧಿಸುವಂತೆ ಮಾಡಿದರು. ಬಳಿಕ ಉಭಯ ತಂಡಗಳು ತೀವ್ರ ಪೈಪೋಟಿ ನಡೆಸಿದರೂ ಮೊದಲಾರ್ಧದ ಮುಕ್ತಾಯದವರೆಗೆ ಯಶಸ್ಸು ಸಿಗಲಿಲ್ಲ.</p>.<p>76ನೇ ನಿಮಿಷದಲ್ಲಿ ಶಿವಶಕ್ತಿ ಮತ್ತೊಮ್ಮೆ ಮೋಡಿ ಮಾಡಿದರು. ರೋಶನ್, ಸುರೇಶ್ ವಾಂಗ್ಜಮ್ ಅವರು ಸೃಷ್ಟಿಸಿದ ಅವಕಾಶದಲ್ಲಿ ಚೆಂಡನ್ನು ಗುರಿ ಸೇರಿಸಿದರು. ಇದು ‘ಆಫ್ಸೈಡ್‘ ಆಗಿದೆ ಎಂದು ಗೋವಾ ಆಟಗಾರರು ಮಾಡಿದ ಆಕ್ಷೇಪವನ್ನು ರೆಫರಿಗಳು ತಿರಸ್ಕರಿಸಿದರು.</p>.<p>81ನೇ ನಿಮಿಷದಲ್ಲಿ ಪ್ಯಾಬ್ಲೊ ಪೆರೆಜ್ ಅವರು ಬೆಂಗಳೂರು ತಂಡದ ಮೂರನೇ ಗೋಲು ದಾಖಲಿಸಿದರು. ಬಿಎಫ್ಸಿಗೆ ಟೂರ್ನಿಯಲ್ಲಿ ಇದು ಸತತ ಎಂಟನೇ ಜಯವಾಗಿದೆ.</p>.<p>ಆರು ಹಳದಿ ಕಾರ್ಡ್: ಪಂದ್ಯದಲ್ಲಿ ಬಿಎಫ್ಸಿಯ ಪ್ರಬೀರ್ ದಾಸ್, ಜಯೇಶ್ ರಾಣೆ, ಸುನಿಲ್ ಚೆಟ್ರಿ, ಗೋವಾದ ಎಡು ಬೇಡಿಯಾ, ಮೊಹಮ್ಮದ್ ಫೆರಸ್, ಬ್ರೆಂಡನ್ ಫರ್ನಾಂಡಿಸ್ ಹಳದಿ ಕಾರ್ಡ್ ದರ್ಶನ ಮಾಡಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
