ರಾಬರ್ಟ್ ಕಾಲ್ಚಳಕ; ನಾಕೌಟ್ ಸನಿಹ ಪೋಲೆಂಡ್

ಅಲ್ ರೆಯಾನ್, ಕತಾರ್: ವಿಶ್ವಕಪ್ ಟೂರ್ನಿಯಲ್ಲಿ ತಮ್ಮ ಮೊದಲ ಗೋಲು ದಾಖಲಿಸಿದ ರಾಬರ್ಟ್ ಲೆವಾಂಡೊವಸ್ಕಿ ನೆರವಿನಿಂದಪೋಲೆಂಡ್ ಸೌದಿ ಅರೇಬಿಯಾ ಎದುರು ಗೆದ್ದಿತು. ಇದರೊಂದಿಗೆ ನಾಕೌಟ್ ಹಂತದ ಸನಿಹಕ್ಕೆ ಸಾಗಿತು.

. ಶನಿವಾರ ನಡೆದ ಸಿ ಗುಂಪಿನ ಪಂದ್ಯದಲ್ಲಿ ಪೋಲೆಂಡ್ 2–0ಯಿಂದ ಸೌದಿಗೆ ಸೋಲುಣಿಸಿತು. ತನ್ನ ಮೊದಲ ಪಂದ್ಯದಲ್ಲಿ ಲಯೊನೆಲ್ ಮೆಸ್ಸಿಯ ಅರ್ಜೆಂಟೀನಾ ತಂಡವನ್ನು ಮಣಿಸಿದ್ದ ಸೌದಿ ಆತ್ಮವಿಶ್ವಾಸದ ಆಗಸದಲ್ಲಿತ್ತು. ಈ ಪಂದ್ಯದಲ್ಲಿಯೂ ಹುಮ್ಮಸ್ಸಿನೊಂದಿಗೆ ಕಣಕ್ಕಿಳಿದಿತ್ತು. ಆದರೆ, ಪೋಲೆಂಡ್ ಆಟಗಾರರು ಯಾವುದೇ ಹಂತದಲ್ಲಿಯೂ ಹಿಡಿತ ಸಡಿಲು ಮಾಡಲಿಲ್ಲ.

. ತನ್ನ ಮೊದಲ ಪಂದ್ಯದಲ್ಲಿ ಮೆಕ್ಸಿಕೊ ಎದುರು ಡ್ರಾ ಮಾಡಿಕೊಂಡಿದ್ದ ಪೋಲೆಂಡ್ ತಂಡಕ್ಕೆ ಸೌದಿ ಅರೇಬಿಯಾ ಎದುರಿನ ಜಯವು ಮಹತ್ವದ್ದಾಗಿದೆ. ತಂಡದ ಖಾತೆಯಲ್ಲಿ ಈಗ ಒಟ್ಟು ನಾಲ್ಕು ಅಂಕಗಳಿವೆ. ತನ್ನ ಮೂರನೇ ಮತ್ತು ಕೊನೆಯ ಪಂದ್ಯದಲ್ಲಿ ಅರ್ಜೆಂಟೀನಾವನ್ನು ಎದುರಿಸಲಿದೆ. ಅದರಲ್ಲಿ ಡ್ರಾ ಸಾಧಿಸಿದರೂ ಪೋಲೆಂಡ್ ತಂಡವು ನಾಕೌಟ್ ಹಂತ ತಲುಪುವುದು.

. ಪಂದ್ಯದ 39ನೇ ನಿಮಿಷ ಪಿಯೊಟ್ ಜಿಲಿನಸ್ಕಿ ಮೊದಲ ಗೋಲು ಹೊಡೆದರು. ಇದರೊಂದಿಗೆ ತಂಡವು ಮೊದಲಾರ್ಧದಲ್ಲಿ 1–0 ಮುನ್ನಡೆ ಗಳಿಸಿತು.

. ಎರಡನೇ ಅವಧಿಯಲ್ಲಿ ಸೌದಿ ಆಟಗಾರರು ಒಂದಿಷ್ಟು ಪ್ರತಿರೋಧ ಒಡ್ಡಿದರು. ಚುರುಕಾದ ಪಾಸ್ಗಳನ್ನು ನೀಡಿದರು. ಸುಮಾರು ಐದು ಬಾರಿ ಗೋಲ್ಪೋಸ್ಟ್ ಸನಿಹ ಹೋಗಿ ವಿಫಲರಾದರು. ಪೋಲೆಂಡ್ ರಕ್ಷಣಾ ಆಟಗಾರರು ‘ಉಕ್ಕಿನ ಗೋಡೆ’ಯಂತೆ ಅಡ್ಡ ನಿಂತಿದ್ದರಿಂದ ಸೌದಿ ಆಟಗಾರರ ಪ್ರಯತ್ನಗಳು ಫಲಗೊಡಲಿಲ್ಲ.

. ಸೌದಿ ಆಟಗಾರರ ಒತ್ತಡ ಹೆಚ್ಚುತ್ತಲೇ ಇತ್ತು. ಉಭಯ ತಂಡಗಳ ತುರುಸಿನ ಪೈಪೋಟಿ ನಡೆದಿತ್ತು. 82ನೇ ನಿಮಿಷದಲ್ಲಿ ಲೆವಾಂಡೊವಸ್ಕಿ ಕಾಲ್ಚಳಕ ಮೆರೆದರು. ತಮ್ಮ ಮೊಣಕಾಲಿನೆತ್ತರಕ್ಕೆ ಬಂದ ಚೆಂಡನ್ನು ಕಿಕ್ ಮಾಡಿ ಗುರಿ ಸೇರಿಸಿದರು.

. ಈ ಹಿಂದಿನ ವಿಶ್ವಕಪ್ ಟೂರ್ನಿಗಳೂ ಸೇರಿದಂತೆ ಲೆವಾಂಡೊವಸ್ಕಿ ಒಟ್ಟು ನಾಲ್ಕು ಪಂದ್ಯಗಳನ್ನು ಆಡಿದ್ಧಾರೆ. ಆದರೆ ಗೋಲು ಗಳಿಸಿರಲಿಲ್ಲ. ಅವರ ಆಸೆ ಇಲ್ಲಿ ಈಡೇರಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ರಾಬರ್ಟ್ ಕಾಲ್ಚಳಕ; ನಾಕೌಟ್ ಸನಿಹ ಪೋಲೆಂಡ್

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಟೆಸ್ಟ್, ಏಕದಿನ ಮಾದರಿಯಲ್ಲಿ ದ್ವಿಶತಕ: ಸಚಿನ್, ಸೆಹ್ವಾಗ್, ರೋಹಿತ್ ಸಾಲಿಗೆ ಗಿಲ್

ದ್ವಿಶತಕ: ಸಚಿನ್, ಕೊಹ್ಲಿ ಸೇರಿದಂತೆ ದಿಗ್ಗಜರ ದಾಖಲೆಗಳನ್ನು ಮುರಿದ ಗಿಲ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್