ಶನಿವಾರ, 15 ಜೂನ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ರಾಷ್ಟ್ರೀಯ ಬ್ರಿಜ್ ಚಾಂಪಿಯನ್‌ಷಿಪ್‌: ಮಾವೆರಿಕ್ಸ್‌, ಏಸ್ ಕಾನ್ಕರರ್ಸ್‌ ಮುನ್ನಡೆ

‘ಗೋಲ್ಡ್‌’, ‘ಸಿಲ್ವರ್’ ತಂಡ ವಿಭಾಗಗಳಲ್ಲಿ ಸ್ಪರ್ಧೆ
Published 9 ಜೂನ್ 2024, 14:33 IST
Last Updated 9 ಜೂನ್ 2024, 14:33 IST
ಅಕ್ಷರ ಗಾತ್ರ

ಮಂಗಳೂರು: ಆರು ಆಟಗಾರರನ್ನು ಒಳಗೊಂಡ ಮಾವೆರಿಕ್ಸ್‌ ಮತ್ತು ನಾಲ್ವರು ಇದ್ದ ಏಸ್ ಕಾನ್ಕರರ್ಸ್‌, ಇಲ್ಲಿ ನಡೆಯುತ್ತಿರುವ ರಾಷ್ಟ್ರೀಯ ಬ್ರಿಜ್ ಚಾಂಪಿಯನ್‌ಷಿಪ್‌ನ ತಂಡ ವಿಭಾಗದಲ್ಲಿ ಕ್ರಮವಾಗಿ ‘ಗೋಲ್ಡ್’ ಮತ್ತು ‘ಸಿಲ್ವರ್’ ವಿಭಾಗದ ಅಗ್ರ ಸ್ಥಾನ ಗಳಿಸಿದವು.

ಭಾರತ ಬ್ರಿಜ್ ಫೆಡರೇಷನ್‌ ಮತ್ತು ಕರ್ನಾಟಕ ರಾಜ್ಯ ಬ್ರಿಜ್ ಸಂಸ್ಥೆಗಳು ಕರಾವಳಿ ಬ್ರಿಜ್ ಸಂಸ್ಥೆಯ ಸಹಯೋಗದಲ್ಲಿ ಮೋತಿ ಮಹಲ್ ಹೋಟೆಲ್‌ನಲ್ಲಿ ಆಯೋಜಿಸಿರುವ ಚಾಂಪಿಯನ್‌ಷಿಪ್‌ನ ಐದನೇ ದಿನವಾದ ಭಾನುವಾರ ತಂಡ ವಿಭಾಗಗಳ ಸ್ಪರ್ಧೆಯ ಆರಂಭದ ಸಂಭ್ರಮ. 28 ತಂಡಗಳನ್ನು ಒಳಗೊಂಡಿರುವ ಗೋಲ್ಡ್‌ ವಿಭಾಗದಲ್ಲಿ ಮೊದಲ ದಿನದ ನಾಲ್ಕು ಸುತ್ತುಗಳ ಅಂತ್ಯಕ್ಕೆ ಮಾವೆರಿಕ್ಸ್ 62.38 ಸ್ಕೋರು ಗಳಿಸಿತು. 

24 ತಂಡಗಳು ಇರುವ ಸಿಲ್ವರ್ ವಿಭಾಗದಲ್ಲಿ ನಾಲ್ಕು ಸುತ್ತುಗಳ ಕೊನೆಯಲ್ಲಿ ಕಾನ್ಕರರ್ಸ್ ತಂಡ 67.41 ಸ್ಕೋರು ಗಳಿಸಿ ಮೊದಲ ಸ್ಥಾನಕ್ಕೇರಿತು. ಮಾವೆರಿಕ್ಸ್‌ ತಂಡದಲ್ಲಿ ಸುಬೋಧ್ ಮಸ್ಕರ, ಸುಭಾಷ್ ಗುಪ್ತಾ, ಕೈಜಾದ್ ಅಂಕಲೆಸೇರಿಯ, ಅನಾಲ್ ಶಾ, ಸಂದೀಪ್ ತಕ್ರಾಲ್ ಮತ್ತು ಜಗ್ಗಿ ಶಿವದಾಸಾನಿ, ಏಸ್ ಕಾನ್ಕರರ್ಸ್‌ನಲ್ಲಿ ಭಾಸ್ಕರ್ ಕುಮಾರ್ ಗಂಗೂಲಿ, ವಸಂತ ಪೈ, ಸಂಜೀಬ್ ಗಂಗೂಲಿ ಮತ್ತು ಸಂಜೀಬ್ ಭಟ್ಟಾಚಾರ್‌ಜೀ ಇದ್ದಾರೆ.

ಗೋಲ್ಡ್ ವಿಭಾಗದಲ್ಲಿ 56.55 ಸ್ಕೋರು ಕಲೆ ಹಾಕಿದ ಮೋನಿಕಾ ಜಾಜೂ ತಂಡ ಮತ್ತು ಸಿಲ್ವರ್ ವಿಭಾಗದಲ್ಲಿ ಅಲ್ಫಾ ಏಸ್‌ ತಂಡ ಎರಡನೇ ಸ್ಥಾನದಲ್ಲಿವೆ. ಅಲ್ಫಾ ಏಸ್‌ ಬಳಿ 62.87 ಸ್ಕೋರು ಇದೆ. ಬಿನೋದ್ ಕುಮಾರ್ ಶಾ, ಸಂಜಿತ್ ದೇ, ಮೋನಿಕಾ ಜಾಜೂ, ಸೋಮೇಶ್ವರ ಭಟ್ಟಾಚಾರ್ಯ, ವಿಕ್ರಾಂತ್ ಮೆಹ್ತಾ ಮತ್ತು ಸುಕಮಲ್ ದಾಸ್ ಅವರು ಮೋನಿಕಾ ಜಾನೂ ತಂಡವನ್ನು ಪ್ರತಿನಿಧಿಸುತ್ತಿದ್ದು ಅಲ್ಫಾ ಏಸ್‌ನಲ್ಲಿ ರಾಜೇಂದ್ರನ್ ರಮೇಶ್, ಸುಬ್ರಹ್ಮಣ್ಯನ್ ಕರುಪ್ಪಣ್ಣನ್‌, ಶಂಕರ್ ಟಿ ಮತ್ತು ಪ್ರತಾಪನ್ ಎ.ಆರ್‌ ಇದ್ದಾರೆ.

ಮೊದಲ ದಿನ ಮೊದಲ 10 ಸ್ಥಾನ ಗಳಿಸಿದ ತಂಡಗಳು: ಗೋಲ್ಡ್ ವಿಭಾಗ: ಮಾವೆರಿಕ್ಸ್‌–1 (ಸ್ಕೋರು: 62.38), ಮೋನಿಕಾ ಜಾಜೂ–2 (56.55), ಫೆನೆಸ್ತಾ–3 (54.88), ಬೋಲ್ಡ್ ಪ್ಲೇ–4 (54.52), ಶ್ರೀ ರಾಧೇ–5 (51.80), ಫಾರ್ಮಿಡೇಬಲ್ಸ್‌–6 (50.77), ಡಿಯೊರಾಸ್ ಡೆಕ್‌ಹ್ಯಾಂಡ್ಸ್‌–7 (50.36), ಅರುಣ್ ಜೈನ್‌–8 (50.30), ಸಮಾಧಾನ್‌–9 (45.73), ಧಾಂಪುರ್ ಶುಗರ್ ಮಿಲ್ಸ್–10 (44.44); ಸಿಲ್ವರ್ ವಿಭಾಗ: ಏಸ್ ಕಾನ್ಕರರ್ಸ್‌–1 (67.41), ಅಲ್ಫಾ ಏಸ್‌–2 (62.87), ಹೆಕ್ಸಗನ್‌–3 (61.71), ಹಾರ್ಮನಿ–4 (57.14), ಜುತಿಕಾ–5 (51.96), ಯೂನಿಕ್ ಮಾಸ್ಟರ್ಸ್‌–6 (48.43), ಜೈ ಜಗನ್ನಾಥ್‌–7 (46.77), ಅನ್‌ಪ್ರೆಡಿಕ್ಟೇಬಲ್ಸ್–8 (46.16), ಜೈ ಗಣೇಶ್‌–9 (44.95), ದೀಪಾಧಾರ್‌–10 (44.86).

ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT